Ɓalɔ́ma 15:24 - Ɔngana á Kɛ̌kɛ

²⁴ Mbenɔ nde negande na Spanía, neseɓei gea nɛnɔɔnande ka nyɛ́nyani na ɓomotaɓeande ka tamba ndɔɔ. Neɓande na maseye á ika na ɓenu ka mbenɔ ábɔa.

Ɓalɔ́ma 15:24 Iomraidhean Croise

Ekuma á ɓateki 15:3

Ka Antiɔkía, kanisa áǒɓopha kema nde akeni enga aɓɔ ka tamba. Ɓáɔnyɛ́nya ka Phɔinikía na Samalía, ɓáɔ̌tɔmiaga ɓaɓêki nyɔngɔ ɓî ɓato á k'ékuna nɛngbo ɓámɓeeki Mokonga. Nyɔngɔ ndɔ áɔ̌ɓɔngɛa ɓaɓêki ɓɔbu phɛɛ.

Ekuma á ɓateki 19:21

Mbusa índɔ, Pɔ́lɔ áosuia ka měma akɛ tenisia ka Makɛdɔnía na Akáya ka gea, ájuɛ na Yɛusalɛ́ma. Áɔyɔnga te: «Mbusa á gǎ kó, akeni phɔtɔ négɛ na Lɔ́ma.»

Ekuma á ɓateki 21:5

Ɓî ɓegɔɓi ye pɔsɔ ndɔ, ɓê gǎkɛ ɔmɛa. Ɓaɓeeki ɓɔbu kimoci na ɓake aɓɔ na ɓánaɓɔ, ɓáoga ɔsɔ́ɔkɔwa ka ngba á ntanga-nji. Ɓesu ɓɔbu, ɓéogbúka muanku asu k'ɔ́ɓɛɛ á oɓenge, ɓɛ́ɔmɛma Mokonga.

Ɓalɔ́ma 1:12

Nndɔ ande gea, ɓékpagisanɛgɛni ka ɓeekea nde ɓeně.

Ɓalɔ́ma 15:28

Mbenɔ nde nɛgɔɓande ekuma nde, na jisa á kema nde ɓátókɔngu ka phɔanu, nɛnyɛ́nyɛande mɔtɛ-anu ka gǎ ani na Spanía.

2 Ɓakɔlítɔ 1:16

Ande gea te, ɗénesui donda anu mosá á gǎ ani na Makɛdɔnía. Mbusa, nê goto onódonda ka ja ani gea, ɓómotúmbaneɛ ka gǎ na Yudɛ́a.

3 Yoáni 1:6

Ɓɔ, ɓáɗigimisi nyɔngɔ ékondi nɛkɔ mosá á kanisa. Cɔ, óenga ɓɔ ka tamba nɛɓɔ ɓíndɔ amɓɔngɛi Mokonga.