Ɓalɔ́ma 15:19 - Ɔngana á Kɛ̌kɛ

¹⁹ Nga, mphangiɔ na ketangaɔ ɗanga-ɗanga nde ɗátɔtɔkisi ka njaga ani, ɗáphangi ɓukpɛkpɛ ndea Měma á Mokonga. Na ɓukpɛkpɛ ndɔ tɔ, ɗénetɔ̌migi Mbino-Ánjá ndea Kiísito ɔma bui kpanga ka Yɛusalɛ́ma súa ntanga-nji á ka Ililíkɔ.

Ɓalɔ́ma 15:19 Iomraidhean Croise

Matáyɔ 12:28

Eya, eme, ne gǎkɛ ǒphumba ɓansombo ka kɔkɔta á Měma á Mokonga. Nndɔ ande base gea, koɓoamɛ ndea Mokonga a ye tɔ sɔsɔɓɛ anu.

Yoáni 4:48

Yéso áongoɗea te: «Kaɓɛ na ɓɔ́kɔ́ɔnimbɛ mphangiɔ na ketangaɔ, ɓókómoɓeekeɛku tanda.»

Ekuma á ɓateki 1:8

Ɓoɓande ndiu na ɓukpɛkpɛ mbenɔ nde Měma á kanga ɓojeɗe adidande gǔ anu. Ɓoɓande phɔtɔ ɓaɗigimisi á nyɔngɔ nɛmɔ ka Yɛusalɛ́ma, Yudɛ́a bui, Samalía na ka sungiaga á mokonda.»

Ekuma á ɓateki 13:14

Ɓámɛi ye ka Pɛ́ɛga, ɓáoga na Antiɔkía nde á ka ntanga-nji á ka Pisidía. Aɓí ye esa á saɓáto, ɓáongia k'éndu á madondanɔ ndea Ɓayúda ka nyɔngɔ á Mokonga, ɓáoika ka oɗo.

Ekuma á ɓateki 13:51

Pɔ́lɔ na Baanába, ɓáocicia mpusu á oɗo bui nde a k'écinji aɓɔ, mpɔ ɓáoga na Ikɔníɔ.

Ekuma á ɓateki 14:10

Kaɓondɔ, Pɔ́lɔ áongoɗea n'ɛsɔ akpɛ gea: «Ómesia» Nto á kiɗɔti ndɔ áǒmesia phǒi! Áɔɓɛkaga, áotamba.

Ekuma á ɓateki 14:20

Ɓagoigi ɓâ gǎkɛ ontimba Pɔ́lɔ. Yɛ áokoɗa iso. Mpɔ, áoja na nji. Mama í, ɓáoga na Baanába ka ntanga-nji á ka Dɛ́ɛbɛ.

Ekuma á ɓateki 14:25

Mbusa, ɓáɔphɛa nyɔngɔ á Mokonga ka Pɛ́ɛga. Mpɔ, ɓáɔtɔnganaga na Atalía.

Ekuma á ɓateki 14:6

Ɓî Pɔ́lɔ na Baanába ɓáɔ́ki maca ndɔ, ɓáotea ɓáoga ka ntanga-nji á ka Lísta na Dɛ́ɛbɛ, nji ndea Likaɔnía, na nji á ka mpɛ́phɛ í.

Ekuma á ɓateki 15:12

Mpɔ, usɛsɛ á ɓakpa ɓɔbu ɓáodakana, phio! Ɓáɔmɔ́kanea Pɔ́lɔ na Baanába ɓî ɓáɔtɔmiaga mphaniɔ na ketangaɔ ndɔ Mokonga ɗátɔtɔkisi ka njaga aɓɔ ka ɔlɔ á ɓato á k'ékuna nɛngbo.

Ekuma á ɓateki 16:18

Ɗáogeaga ɓó ka ɓ'esa ásii. Kaɓondɔ, Pɔ́lɔ áɔɓɛa phɛɛ, áǒpháia, áǒngoɗea ɓansombo ndɔ gea: «Nenososi k'ína á Yéso Kiísito, tókani suɓi á nke ndee.» Kɛ̌kɛndɔ tɔ, ɓansombo ndɔ ɓáontóka.

Ekuma á ɓateki 17:10

Ka ipha á esa, mɔngɔ ímoci ɓadaɓɔ ɓaɓêki ɓáoga ɔ̌ɔkɔa Pɔ́lɔ na Síla, ka gǎ á ɓɔ na Bɛlɔ́ya. Ka kiɗia á ɓɔ, ɓáongia suɓi éndu á madondanɔ ndea Ɓayúda ka nyɔngɔ á Mokonga.

Ekuma á ɓateki 17:15

Ɓundɔ ɗáɓántambisi Pɔ́lɔ, ɓáonjúsa ka Atɛ́nɛ. Ka ja á ɓɔ, Pɔ́lɔ áǒngoɗea gea, ambe Síla na Timɔtɛ́ɔ ɓákamisɛgɛ gǎ donda akɛ.

Ekuma á ɓateki 18:1

Mbusa índɔ, Pɔ́lɔ áotóka ka Atɛ́nɛ, áoga na Kɔlítɔ.

Ekuma á ɓateki 18:19

Mbenɔ nde ɓákiɗi ka Ɛphɛ́sɔ, Pɔ́lɔ áǒɗeketa Piisíla na Akíla wa, áongia k'éndu á madondanɔ ndea Ɓayúda ka nyɔngɔ á Mokonga, áoaba na ɓɔ.

Ekuma á ɓateki 19:1

Ɓî Apɔ́lɔ ɗátú ka Kɔlítɔ, Pɔ́lɔ áophoɗa ka nji á mamba-mamba, áodida ka Ɛphɛ́sɔ. Kó, áǒdonda ɓagoigi ɓuangbo,

Ekuma á ɓateki 20:20

Ɓooúba gea, kɛ́nɔsɔmɛi tanda nyɔngɔ moci, nnde anókeni. Ɗɛ́nɔphɛí na goisaga ka ntanga, phɔtɔ suɓi éndu nɛnu.

Ekuma á ɓateki 20:6

Ɓesu gǎkɛ ɓéokambea ka koko ka Philípi, mbusa á maseye á mokati kángá á cacu. Mbusa á ɓ'esa ɓɔku, ɓéobika odondana na ɓɔ ka Tɔ́a, ɓéoika kó pɔsɔ moci.

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

Ɓalɔ́ma 15:16

ka ɓá mbɛɗanigi ndea Yéso Kiísito ka phɔa ɓakpa ɓunde ɓáná Ɓayúda. Nɛɔbɛɗanaga ekuma á ntoɓeigi-phɛ́a ka tɔ̌miaga Mbino-Ánjá ndea Mokonga ka gea, ɓunde ɓáná Ɓayúda ɓáɓɛ ɓea ɛkɔmi nde Měma á kanga ɓojeɗe asokosei.

Ɓalɔ́ma 15:24

Mbenɔ nde negande na Spanía, neseɓei gea nɛnɔɔnande ka nyɛ́nyani na ɓomotaɓeande ka tamba ndɔɔ. Neɓande na maseye á ika na ɓenu ka mbenɔ ábɔa.

1 Ɓakɔlítɔ 2:4

Ɓɔphɛi nɛmɔ na goisaga nɛmɔ, ɗékétú ogea ú ka ɓɔngaga anu na kɔɓɔɔngɛ á kokpa. Ɗé ndiu onógoisaga ka ɓukpɛkpɛ phɛɛ á Měma á Mokonga.

2 Ɓakɔlítɔ 12:12

Ɗɔ́ɓɔɔni nyɔngɔ ɗanga-ɗanga á nteki n'aɔtɔtɔkɛana sɔsɔɓɛ anu: Ɓá na měma á phiphia ka tombaga bui, mphangiɔ á ketangaɔ, ketangaɔ na kema á ɓukpɛkpɛ.

Ɓagalatía 3:5

Ɓî Mokonga anophi Měma akɛ, â phɔtɔ ɔtɔtɔkisa ketangaɔ sɔsɔɓɛ anu. Cɔ, aogea ɓondɔ ka nyɔngɔ nde ɓooamba ɛɔphi kaɓɛ ka nyɔngɔ nde ɓɔɔ́ka Mbino-Ánjá ndea Mokonga na ɓeekea í?

Ɓakɔlɔsái 1:25

Eme ne ye tɔ mbɛɗanigi á kanisa ɓíndɔ Mokonga ɗámopi gea, nɛ́bɛɗanɛgɛ ka nyɔngɔ anu. Ekuma ndɔ ande tɔ̌miaga á nyɔngɔ nɛkɛ bubui.

1 Ɓatɛsalɔníka 1:5

A ɓó, ka nyɔngɔ nde, ɓî ɗɛ́ɓɛnɔ́tɔ̌migi Mbino-Ánjá ndea Mokonga, ɗáná tɔndɔ ka yɔnga, ɗátú ndiu ka ɓukpɛkpɛ ndea Měma á kanga ɓojeɗe. Ɗéɓebisi měma asu kau gea, ande ɗoni. Ɓoúbi phɔtɔ tambea asu ɓî ɗéɓeiki sɔsɔɓɛ anu, na ɗátú ánjá ka ɓenu.

2 Timɔtɛ́ɔ 4:17

Mɔkɔta ndiu aámbé ɗámoengi na áomopa ɓukpɛkpɛ ka gea te, nɛ́tɔmiɛ Mbino-Ánjá nɛkɛ phɛɛ ka gea, ɓakpa nde ɓáná Ɓayúda ɓáɔ́kɛ. Yɛ ɗámoamisi k'aphenɔkɔ á simba.

Ɓaɛbulanía 2:4

Mokonga â gǎkɛ oɗigimisa nyɔngɔ nde ɗáɓátɔ̌mi, ka tɔtɔkisa á mphangiɔ na ketangaɔ ɗanga-ɗanga phɔtɔ ɓî agabi Měma á kanga ɓojeɗe ɓíndɔ ɗákondi.

1 Pɛ́tɛɛ 1:12

Mokonga ɗéúbisi gea te, mbino ndɔ ɗákátú ka phɔaɓɔ sasaɓɔ, ɗátú ndiu ka phɔanu. Cɔ, kɛ̌kɛnde, ɓatɔmi Mbino-Ánjá ɗáɓánɔ́tɔ̌mi mbino ndɔ na ɓukpɛkpɛ á Měma á kanga ɓojeɗe, mmbé Mokonga ɗánteki ka toka na koba. Ɓamalaéka ɓɔ sasaɓɔ ɓákondi phɔtɔ úba á mbino ndɔɔ.