Ɓalɔ́ma 15:18 - Ɔngana á Kɛ̌kɛ

¹⁸ Aoɓá na neogea nɛ́yɔngɛ ká kema, nɛyɔnga tɔ nnde Kiísito ɗátɔtɔkisi k'ékuma nɛmɔ ka yɔnga na ka tambea ani ka ɓotea ɓunde ɓáná Ɓayúda ka gea ɓámɓángɛ Mokonga.

Ɓalɔ́ma 15:18 Iomraidhean Croise

Matáyɔ 25:16

Mmbɔ ɗábɛɗi imɔna á láté ɓɔku, áoga k'aphe á sombeanaga na sombisaga á nkumba, áɔtɔa nɛngbo imɔna á láté ɓɔku.

Málikɔ 16:20

Ɓagoigi gǎkɛ, ɓáoga ɔtɔmiaga Mbino-Ánjá k'ɔ́ma bui. Mɔkɔta Yéso áoɓá na ɓɔ k'ékuma bui. Áoɗokomisa ɓɔphɛi nɛɓɔ ka ketangaɔ nde ɗáɓátú ɔtɔtɔkisa.]

Ekuma á ɓateki 14:27

Ɓájú ye na Antiɔkía, ɓáǒdondanisa ɓato á kanisa, ɓáǒngoɗea kema bui nde Mokonga ɗági kimoci na ɓɔ, na ɓî Mokonga aekoɗei phɔtɔ ɓakpa nde ɓáná Ɓayúda aphe á ɓeekea á Mokonga.

Ekuma á ɓateki 15:12

Mpɔ, usɛsɛ á ɓakpa ɓɔbu ɓáodakana, phio! Ɓáɔmɔ́kanea Pɔ́lɔ na Baanába ɓî ɓáɔtɔmiaga mphaniɔ na ketangaɔ ndɔ Mokonga ɗátɔtɔkisi ka njaga aɓɔ ka ɔlɔ á ɓato á k'ékuna nɛngbo.

Ekuma á ɓateki 15:4

Ɓî ɓakpa nde kanisa ɗáeteki ɓájú ye na Yɛusalɛ́ma, ɓato á ka kanisa, ɓateki ndea Yéso na ɓagbɛga ɓáǒsesea. Pɔ́lɔ na Baanába ɓáɔ̌tɔmiaga kema bui nde Mokonga ɗági ka njaga aɓɔ.

Ekuma á ɓateki 21:19

Pɔ́lɔ áǒsesea, áɔ̌tɔmiaga nyɔngɔ á kema moci-moci nde Mokonga ɗági ka ɓato á k'ékuna nɛngbo k'ékuma nɛkɛ.

Ekuma á ɓateki 26:20

Cɔ, ɗɛ́phɛí phɔ́ gǎkɛ ɓato á ka Damasíki, mpɔ ɓato á ka Yɛusalɛ́ma, na ɓato á ka nji á Yudɛ́a ɓɔbu, na ɓakpa nde ɓáná Ɓayúda. Ɓɔphɛi ndɔ ɗátú ka gea, ɓákětiɛ tambea aɓɔ ájeɗe, ɓéphaiɛ ka Mokonga, mpɔ ɓáúbisɛ gea, ɓá ye ěkěti.

Ɓalɔ́ma 1:5

Ka nyɔngɔ á Yéso unge Mokonga ɗámopi ɓonjánja-ékondi na ekuma á ɓá nteki, ka úbisa á ɓato á ekuna bui gea te, ka ina akɛ ɓámɓeekeɛ na ɓámɓangɛ.

Ɓalɔ́ma 16:26

Kɛ̌kɛnde gǎkɛ, ɓákiɗianisi nyɔngɔ á ɓɔsɔmɛa bui base, ka ɓeana na moangɔ ndea Mokonga Mɛyɔ, ɓíndɔ ɓáɗundu suɓi á ɓuku á ɓaɔtu-nyɔngɔ ndea Mokonga, áǒteka gea, ɓátɔ̌miɛgɛ ú ka ɓato ékuna bui, ka gea ɓáɓeekeɛ ú, na ɓámɔ́kɛ.

Ɓalɔ́ma 6:17

Cɔ, ɓosegi gǎkɛ ka Mokonga nga, ɓenu íɓunde ɗóɓotú kala ɓakɔɓɛ á ɓojeɗe, ɗóɓoɓǐ na měma anu bui, aphe á ɓɔphɛi nde ɗáɓánóphɛi.

2 Ɓakɔlítɔ 11:31

Mokonga, Aba-Mɔkɔta Yéso, mmbɔ obebɔ nɛkɛ ande mɛyɔ, aoúba gea, kɛ́ɔyɔnga mbɛa.

2 Ɓakɔlítɔ 12:6

Atú gǎkɛ oɓá na nekondi éɗokomisa, kétóɓɛku mbóbó nga nɛyɔngande ɗoni. Cɔ, ké gǎkɛ ogea ɓó ka nyɔngɔ nde, kékóndi ɓakpa ɓámoɗokomisɛ phɛɛ kɔnyɛ́nya kema nde ɓáɔni na ɓáɔ́ki k'eme.

2 Ɓakɔlítɔ 3:5

Ɓeoúba gea, ɓéké na ɓukpɛkpɛ á tɔtɔkisa á kema ɓíndɔ sasasu. Ɓukpɛkpɛ ndɔ a tɔ otóka ka Mokonga.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓagalatía 2:8

Mokonga ɗámbisi Pɛ́tɛɛ áɓɛ nteki ka Ɓayúda, ɓíndɔ amobisi ka ɓakpa nde ɓáná Ɓayúda.

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

2 Ɓatɛsalɔníka 2:17

ánóphɛ ɓukpɛkpɛ, na mamisa anu akpɛ esa bui k'ékuma ánjá, nanga á ɓá kaɓɛɗanaga, nanga á ɓá ka yɔnga.

Ɓaɛbulanía 11:8

Ka nyɔngɔ á ɓeekea, Abalaámu ɗáɓeeki mɔphani ndea Mokonga gea te, átokɛ ka nji nɛkɛ ágɛ ka nji nde Mokonga ɗámɔku gea átɔ́ɛ ú ka ɓotukɔ. Abalaámu áotóa kángá úba ɔma nde aoga.

Ɓaɛbulanía 5:9

Ka nyɔngɔ nde ɗákáúki ye ka kema, â ye tɔ oɓá cina á ɓoamia á mɛyɔ ka ɓakpa ɓɔbu ɓunde ɓáɔmɔ́ka yɛ.

Yakɔ́ɓɔ 1:22

Ɓókoikiɛmbɛ tɔ ɔ́ka á nyɔngɔ ndea Mokonga, tɔtɔkisani ndiu ú ka gea, ɓókǒdemɛmbɛ sasanu.

1 Yoáni 3:18

Ɓaniki amɔ, ekondi nɛsu kaɓɛ mɔnɔ tɔndɔ á k'aphenɔkɔ na yɔngaga á jǎi-jǎi. Akeni gǎkɛ ekondi nɛsu áɓɛ á ɗoni, nnde aoúbikana ka tambea asu.

Yúda 1:9

Nanga Mikaɛ́li áɓá mɔkɔta á ɓamalaéka, ɗákági gǎkɛ ɓó. Ɓî ɗáɓáopúa na nketi na sanea mǒnda á Mósa, Mikaɛ́li ɗákáteni gǎkɛ nyɔngɔ na bóma á nketi. Ɗángi ndiu nketi gea: «Ambe Mɔkɔta áophekeɛgɛ.»