Ɓalɔ́ma 15:1 - Ɔngana á Kɛ̌kɛ

¹ Ambe ɓesu íɓunde ɓɛmɔti ka ɓeekea, ɓékumbɛni ɓoɗoko á ɓunde ɓákámɔtimbɛ ka ɓeekea. Kákeni ɓékaɓɛ nnde asɔɓɔngɛi.

Ɓalɔ́ma 15:1 Iomraidhean Croise

Ɓalɔ́ma 14:1

Nseseani mmbé kámɔtimbɛ ka ɓeekea, kángá á ianaga kanisia akɛ.

Ɓalɔ́ma 14:2

Nkpa nde amɔti ka ɓeekea, aɔtɔka n'aí kema bui, mmbé kámɔtimbɛ ka ɓeekea a gǎkɛ tɔ oeaga nɛkɛ mbuti.

Ɓalɔ́ma 4:20

Ka phɔa mɔkɔ ndea Mokonga, ɗáɓeeki kángá ngǎka. Ɓeekea nɛkɛ â ndiu oɓá na ɓukpɛkpɛ, áombeba Mokonga.

1 Ɓakɔlítɔ 4:10

Ɓesu, ɓende ɓabóbó ka nyɔngɔ á Kiísito, ɓenu gǎkɛ, ɓonde ɓato á kɔɓɔɔngɛ ka nyɔngɔ á jukana anu na Kiísito. Ɓesu ɓende ɓakusi, ɓenu ɓo gǎkɛ, ɓákpɛkpɛ. Ɓesu, ɓakpa ɓáɔsɔɓɛnjiaga, ɓenu gǎkɛ, ɓakpa ɓáonóɗokomisa.

1 Ɓakɔlítɔ 9:22

Mbenɔ nde nɛɔbɛɗanaga sɔsɔɓɛ á ɓakpa nde ɓákámɔtimbɛ ka ɓeekea, tambea ani aokengeana na nndɛaɓɔ ka gea, ɓámɓeekeɛ Kiísito. Eya, neǒyamea ka ɓakpa ɓɔbu ka gea, ɓakpa ɓunɛngbo sɔsɔɓɛ aɓɔ ɓáamɛ ka měma.

2 Ɓakɔlítɔ 12:10

Kaɓondɔ unge, nena maseye ka nyɔngɔ á ɓɔɔlɔ bui, kaɓɛ mbóma, ɓuyɛnɛ, tambaga ɗanga-ɗanga, k'ína á Kiísito. Mbenɔ nde nena ɓɔɔlɔ, wandɔ unge nena ɓukpɛkpɛ.

Ɓaɛphɛ́sɔ 6:10

Cɔ, ka sungiaga, ógbagisanagani phɛɛ suɓi á Mɔkɔta na ɓukpɛkpɛ phɛɛ ndea Mɔkɔta.

Ɓaphilípi 2:4

Nkpa kakáɓɛ mɔnɔ nyɔngɔ á ka phɔakɛ sasakɛ. Ákaɓɛ ndiu nnde á ɓakpa ɓuangbo.

1 Ɓatɛsalɔníka 5:14

Ɓaya, ɓenóɗengemisigi, ókeagani ɓakpa nde ɓáná ɔbɛɗa ka kema, ógbagisagani ɓato á kɔɓɔɓɔkɔ, óengani ɓakusi. Óphiphiani ɓakpa ɓɔbu.

2 Timɔtɛ́ɔ 2:1

Cɔ, oɓɛ miki nɛmɔ Timɔtɛ́ɔ, ɓá na ɓukpɛkpɛ ka ɓonjánja-ékondi nde Kiísito Yéso ɗásóphi.

1 Yoáni 2:14

Ɓaniki amɔ, nenóɗundui ka nyɔngɔ nde, ɓomúbi Abɛ. Ɓ'abɛ, nenóɗundui ka nyɔngɔ nde, ɓomúbi mmbé ɗátú kpanga nkpangeɔ. Ɓaganda, nenóɗundui ka nyɔngɔ nde, ɓona ɓukpɛkpɛ, nyɔngɔ á Mokonga a suɓi anu na ɗóɓonkíndí Nto-ajeɗe.