Ɓalɔ́ma 14:9 - Ɔngana á Kɛ̌kɛ

⁹ Ka nyɔngɔ índɔ unge, Kiísito ɗáku na enda goto ka gea, áɓɛ Mɔkɔta á ɓasí na ɓunde ɓáoenda.

Ɓalɔ́ma 14:9 Iomraidhean Croise

Matáyɔ 28:18

Mpɔ Yéso áobika ka mpɛphɛ aɓɔ, áǒngoɗea te: «Ɓámopi kɔkɔta bui á na koba na nnde á ka mokonda.

Lóka 24:26

Ande gea te kátókeni gǎkɛ Masíya átambɛgɛ ɓó na ángiɛ ka ɓoombia nɛkɛ?»

Yoáni 12:24

Nenóngoɗi ɗoni gea, mbuka á nganɔ a tɔ ojiga sasakɛ ámbé kágumbɛ ka oɗo na phoa. A ye gǎkɛ ogua ka oɗo na phoa, áɔgɔmbisa mbuka ásii.

Ekuma á ɓateki 10:36

Cɔ, Mokonga ɗátekisi moyo akɛ ka Ɓaisilaɛ́li. Yéso Kiísito aámbé abiki na moyo ndɔ, n'ande Mbino-Ánjá á ɓujɛjɛ. Yɛ aámbé ande Mɔkɔta á ɓakpa ɓɔbu.

Ekuma á ɓateki 10:42

Ɗásososi tɔ̌mia á Mbino-Ánjá ka ɓakpa na engekisa gea, ande mmbɔ aámbé Mokonga amamisi ka tena á nyɔngɔ ndea ɓakpa nde ɓaoenda na ɓunde ɓasí.

Ɓalɔ́ma 10:9

Aoɓá n'ɔyɔngi k'aphenɔkɔ akɔ sisakɔ mosá á ɓakpa gea, Yéso ande Mɔkɔta na ɓeekea ka měma akɔ gea, Mokonga ɗánjujúkisi ka kukuwa sɔsɔɓɛ á ɓasí, oamande ka měma.

2 Ɓakɔlítɔ 5:14

Ekondi ndea Kiísito aunge aɔsɔ́sɔndɔɛa. Nga, ɓesu ɓáunge ɓeoúba ɗoni gea, Kiísito ɗásókui ɓesu ɓɔbu. Ande gea te, ɓakpa ɓɔbu ɓasí ye tɔ kimoci na yɛ.

1 Ɓatɛsalɔníka 4:14

Ɓesu gǎkɛ, ɓeɓeeki gea, Yéso ɗáku, Mokonga áonjujukisa. Kaɓondɔ unge, ɓeɓeeki gea, aějujukisaeka ɓakpa nde ɗáɓásí na ɓámɓeeki Yéso. Mbusa, Mokonga ěbikisande ɓakpa nɛkɛ kimoci na Yéso, mɔtɛ-akɛ.

1 Ɓatɛsalɔníka 5:10

Nga yɛ, ɗásókui ka gea te, ɓéikɛ kimoci na yɛ, kaɓɛ na ɓesí, kaɓɛ na ɓe phɔ́tɔ ka mokonda k'ésa á ja akɛ.

2 Timɔtɛ́ɔ 4:1

Cɔ, Timɔtɛ́ɔ, nekososi base mosá á Mokonga na Kiísito Yéso, mmbé atenaeka nyɔngɔ ndea ɓakpa nde ɓáku na ɓunde ɓáoenda, ka sɛnɛka akɛ ka koɓoamɛ nɛkɛ:

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

1 Pɛ́tɛɛ 4:5

Ɓɔ, ɓáyɔngande gǎkɛ nyɔngɔ nɛɓɔ mosá á Mokonga, mmbé a ye n'ɛ̌ɓɔngisigi ka tena nyɔngɔ á ɓakpa nde ɓáku na ɓunde ɓáoenda.

Mphaniɔ 1:18

Nende nkpa nde neoenda. Ɗéku, cɔ, kɛ̌kɛnde ne gǎkɛ oenda ka saga na saga. Nɛbɛɗi phembekete á kukuwa na nnde á nji á ɓasí.

Mphaniɔ 2:8

Nɗunduia malaéka á ka kanisa ndea ka Smúna ɓe: Mmbé ande Nkpangeɔ na Sungiaga, mmbé ɗáku, áojujuka ka kukuwa, ayɔngi ɓe: