Ɓalɔ́ma 14:8 - Ɔngana á Kɛ̌kɛ

⁸ Nga, aoɓá na ɓeoenda, ɓeoenda ka Mɔkɔta, kaɓɛ na ɓéokuwa, ɓéokuwa ka Mɔkɔta. Kaɓɛ ɓékuwa, ɓéenda, ɓende ɓakpa ndea Mɔkɔta.

Ɓalɔ́ma 14:8 Iomraidhean Croise

Lóka 20:38

Ka nyɔngɔ índɔ unge Mokonga nna Mokonga á ɓasí, a ndiu Mokonga á ɓunde ɓáoenda. Nga mosá akɛ, ɓɔbu ɓa tɔ oenda.»

Yoáni 21:19

Yéso ɗáyɔngi ɓó ka phangia nkókó á kukuwa nde Pɛ́tɛɛ akuwande, ka ombisa á Mokonga. Mpɔ Yéso áongoɗea Pɛ́tɛɛ: «Ómoɓea.»

Ekuma á ɓateki 13:36

Nga, mbusa á Daúdi gɔɓa á bɛɗanaga ɓíndɔ mɔphɛ ndea Mokonga ɗákondi ka enda akɛ, áokuwa. Ɓáomúmba ka ngbangbata ndea ɓatatakɛ, mǒnda akɛ áophoa.

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

Ekuma á ɓateki 21:13

Pɔ́lɔ â gǎkɛ ososikisia te: «Eke nde ɓoogámea na dɔɓɔkisa á měma ani ně ɓende? Kéɓeeki tɔ ɓóaga ani, neɓeeki phɔtɔ gǎ kuwa na Yɛusalɛ́ma ka nyɔngɔ á Mɔkɔta Yéso.»

1 Ɓakɔlítɔ 15:23

Cɔ, ɓejujukande gǎkɛ nkpa na nkpa ka mbenɔ nɛkɛ. Kiísito aámbé ɗájujúki ka kukuwa, ande ánge, mpɔ, ɓakpa nɛkɛ k'ésa nde yɛ abikaeka.

Ɓaphilípi 1:20

A tɔ ɓíndɔ ne ka ɓondeaga na seɓea gea, kékuwɛku tanda na soni. Ne ndiu otétemisa gea, néphangiɛ ɓophombia á Kiísito ka tambea ani bui, kaɓɛ kɛ̌kɛnde, kaɓɛ esa bui, kaɓɛ ka enda ani, kaɓɛ ka kukuwa ani.

Ɓaphilípi 2:17

Nanga ɓámomowa gǎkɛ ɓea nyama á phɛ́a ka nyɔngɔ á ekuma á ɓeekea nɛnu nnde ande ɛkɔmi ka Mokonga, nena maseye k'índɔ, nésikia ɓá na maseye kimoci na ɓenu ɓɔbu.

Ɓaphilípi 2:30

ka nyɔngɔ nde, ɗátú bíbí á kuwa ka nyɔngɔ á bɛɗaneaga a Kiísito. Â gǎkɛ oóloka ka kukuwa ɓî amoengi ka tɔtɔkisa ekuma k'ɔ́ma nɛnu.

1 Ɓatɛsalɔníka 5:10

Nga yɛ, ɗásókui ka gea te, ɓéikɛ kimoci na yɛ, kaɓɛ na ɓesí, kaɓɛ na ɓe phɔ́tɔ ka mokonda k'ésa á ja akɛ.

Mphaniɔ 14:13

Mpɔ, nê goto ɔɔ́ka ɛsɔ n'atóki na koba, áogea: «Cɔ, ɗundua ɓe: Maseye áɓɛ kpanga á kɛ̌kɛnde ka ɓunde ɓáku k'ína á Mɔkɔta!» Měma á Mokonga agi: «Eya, ɓáumbiɛ mbusa ékuma nɛɓɔ akpɛ nga, ekuma nɛɓɔ aeɓeande.»