Ɓalɔ́ma 14:3 - Ɔngana á Kɛ̌kɛ

³ Mmbé aoea kema bui, kamɓɛnjiɛgɛmbɛ mmbé nnaoea kema bui. Mmbé nnaoea kema bui, kátenɛmbɛ nyɔngɔ á nkpa nde aoea kema bui nga, Mokonga amɓeeki.

Ɓalɔ́ma 14:3 Iomraidhean Croise

Matáyɔ 18:10

Cɔ, ɛ́ngɛphani! Ɓókomɓɛnjiɛgɛmbɛ ka ɓaniki ábɔbɔa ndɔɔ, ka nyɔngɔ nde, nenóngoɗi ɗoni gea, ɓamalaéka nɛɓɔ ɓá tɔ esa bui mosá á Abɛ na koba. [

Matáyɔ 9:14

Cɔ, ɓagoigi ndea Yoáni-Mɓatisi ɓáombikia Yéso, ɓáomúsia te: «Ka nyɔngɔ éke nde ɓesu na Ɓaphaisáyɔ ɓeoikaga kángá á eaga ka nyɔngɔ á mɛma á Mokonga na ɓagoigi nɛkɔ ɓáná gǎkɛ ogea ɓo?»

Lóka 18:9

Yéso ɗáyɔngi mɛní nde ka ɓakpa ɓunde ɗáɓáogea ɓánde ɓato á koɗoni na ɓáǒtondea ɓadaɓɔ. Mɛní kau aungee:

Ekuma á ɓateki 10:34

Mpɔ, Pɛ́tɛɛ áɔyɔnga ɓe: «Neúbi ye tɔ ɗoni gea, Mokonga nna omɓaya ka nkpa,

Ekuma á ɓateki 10:44

Pɛ́tɛɛ n'a phɔ́tɔ ɔyɔnga, Měma á kanga ɓojeɗe áodida gǔ á ɓakpa ɓɔbu ɓunde ɗáɓáɔɔ́ka nyɔngɔ nɛkɛ.

Ekuma á ɓateki 28:2

Ɓato á ka kesanga ndɔ, ɗáɓásógǐí ánjá phɛɛ. Ɓɔ, ɓáotoɓoa nsa, ɓáosódondanisa ɓesu ɓɔbu ka mpɛphɛ í nga, mbua ɗáɔɔka, phiɔ áoɓá phɛɛ.

Ɓalɔ́ma 11:15

Ɓî Mokonga ɗáephaphi Ɓayúda, ɗáɔnganisi mokonda na yɛ. Cɔ, mbenɔ nde aeseseande goto, ekende aɓande? Aɓande ɓea ɓasí na ɓájujúki ka kukuwa!

Ɓalɔ́ma 14:1

Nseseani mmbé kámɔtimbɛ ka ɓeekea, kángá á ianaga kanisia akɛ.

Ɓalɔ́ma 14:10

Oɓɛ gǎkɛ ka nyɔngɔ sina nde ootena nyɔngɔ ndea muna-amakɔ? Oɓɛ ɔɔmɓɛnjiaga muna-amakɔ ka ɓo? Nga, ɓesu ɓɔbu ɓemamande mosá á ntua á tena á nyɔngɔ ndea Mokonga.

Ɓalɔ́ma 14:13

Ɓéɗeketɛni teneanaga á nyɔngɔ ɓesu ka ɓesu. Ɓeekeanani ndiu ka gea, kɔmɓɛtɛkisɛmbɛ muna-amakɔ n'ephiphi ájeɗe kaɓɛ ngisisa akɛ ka ɓojeɗe.

Ɓalɔ́ma 14:15

Aoɓá n'omɓɛisi dakɔ ka nyɔngɔ á eea nde ooea, o ye tɔ otambea kángá ekondi. Nna ka nyɔngɔ á eea unge ɔɔtɔka n'omɓúngisi nkpa nde Yéso ɗánkui.

Ɓalɔ́ma 14:21

Kema nde aánjá ande gina á nyama, makana na kema bui nde aɔtɔka n'angisisi muna-amakɔ ka ɓojeɗe.

Ɓalɔ́ma 15:7

Cɔ, seseanani na maseye ɓíndɔ Kiísito ɗánósesi phɔtɔ ka gea Mokonga áɓɛ n'obebɔ.