Ɓalɔ́ma 14:22 - Ɔngana á Kɛ̌kɛ

²² Ámbá kakɔ mosá á Mokonga nnde oɓeeki sasakɔ ka nyɔngɔ ndee. Maseye ka mmbé nnaɔɔna ɓojeɗe k'índe asɔmbu.

Ɓalɔ́ma 14:22 Iomraidhean Croise

Ekuma á ɓateki 24:16

Kaɓondɔ unge, neogea ɓukpɛkpɛ ani esa bui, néɓɛ kángá kisɛki ka měma mosá á Mokonga na mosá á ɓakpa.

Ɓalɔ́ma 14:14

Ka ɔngana ani na Mɔkɔta Yéso, neúbi na ne engekisi ánjá gea nna na kema nde ajɔɔkani. Ajɔɔkani ndiu ka nkpa nde aɔni gea ande á jɔɔkana.

Ɓalɔ́ma 14:2

Nkpa nde amɔti ka ɓeekea, aɔtɔka n'aí kema bui, mmbé kámɔtimbɛ ka ɓeekea a gǎkɛ tɔ oeaga nɛkɛ mbuti.

Ɓalɔ́ma 14:23

Mmbé gǎkɛ aoeaga n'ana ngǎka, Mokonga atenande nyɔngɔ nɛkɛ akpɛ ka nyɔngɔ nde, tambea akɛ nnaɔɔnisa mɔphɛ á ɓeekea na nndɔ bui ande ɓojeɗe.

Ɓalɔ́ma 14:5

Ɓakpa moci-moci ɓáokanisia gea, ana esa nde anyɛ́nyi esa nɛngbo ka kantíti, ɓuangbo gǎkɛ a tɔ kimoci. Ambe nkpa na nkpa áengekisɛ ánjá nkanisiɔ nɛkɛ.

Ɓalɔ́ma 2:1

Cɔ, oɓɛ ímbe ootena nyɔngɔ á ɓakpa ɓunɛngbo akpɛ, nanga oɓá ani, ɓákáúkɛku phɔtɔ tena á nyɔngɔ ínɛkɔ akpɛ nga, ootena nyɔngɔ ndea ɓadakɔ akpɛ n'ɔ phɔtɔ otambea ɓea ɓɔ. Kaɓondɔ, o tɔ otena nyɔngɔ nɛkɔ akpɛ oɓɛ sasakɔ.

Ɓalɔ́ma 7:15

Ande ɗoni, kema nde nɛɔtɔtɔkisa kéoúba ú. Kema nde nekondi, kéɔtɔka tɔtɔkisa í. Kema nde ne gǎkɛ okangea aunge neogea ú.

Ɓalɔ́ma 7:24

Ngomi ani eme nto á ɓuyɛnɛ ee! Ani mmbé amoamisande na nyama á kukuwa ndee?

1 Ɓakɔlítɔ 8:7

Cɔ, ɓakpa ɓɔbu ɓáná gǎkɛ oúba ɗoni ndɔɔ. Ɓakpa ɓuangbo ɓáɛmbani gǎkɛ na beba á ɓamokonga á mbɛa. Na ka kɛ̌kɛnde, aoɓá na ɓáí eea ɓíndɔ, ɓá phɔ́tɔ okanisia te ɓáí nyama á phɛ́a. Ɓakpa ndɔ, úbapha aɓɔ akusi, ɓáɔɔna gea ɓájɔɔkani ka nyɔngɔ á nyama ndɔɔ.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

Ɓagalatía 6:1

Ɓaya, aoɓá nkpa n'angí ka ɓojeɗe, akeni ɓenu íɓundɔ ɓona Měma á kanga ɓojeɗe ɓɔ́mphɛɛ́ na ɓǒtea akɛ k'aphe ánjá. Geani tɔ ka phɔakɛ ɓó na ɓɔphɔngɔ. Óambani ka gea, ɓókóngiɛmbɛ mɔnɔ sisanu ka tombaga.

Yakɔ́ɓɔ 3:13

Cɔ, ani mmbé ande múbaphi na mɔɔngɛ sɔsɔɓɛ anu? Áphangiɛ ú ka tambea akɛ ánjá na k'ékuma nɛkɛ nnde aogea ka ɓɔphɔngɔ na kɔɓɔɔngɛ.

1 Yoáni 3:21

Ɓadani ékondi aoɓá měma asu na nnaɔsɔtɔnga ande gea, ɓena nseɓeɔ mosá á Mokonga.