Ɓalɔ́ma 14:19 - Ɔngana á Kɛ̌kɛ

¹⁹ Ɓékaɓɛni kema nde aobisa ɓujɛjɛ na káɓa á kema nde áɔphɛka ɓeekea á ɓakpa.

Ɓalɔ́ma 14:19 Iomraidhean Croise

Matáyɔ 5:9

Maseye ka ɓunde ɓáobikisa ɓujɛjɛ, ka nyɔngɔ nde Mokonga aɛɓɔphanande ɓɔ, ɓ'anakɛ.

Málikɔ 9:50

Cɔ, mɔnɛi ande kema ánjá. A gǎkɛ oɓá mɔnɛi na nna ye na ɓɔɛkɛ nɛkɛ, eke nde aɛkɛmisande? Ɓáni sɔsɔɓɛ anu ɓea mɔnɛi. Ande gea te endani ka ɓujɛjɛ sɔsɔɓɛ anu.

Ɓalɔ́ma 12:18

Aoɓá n'atɔtɔkɛani, na nndɔ atókani na ɓenu, endani ka ɓujɛjɛ na ɓakpa ɓɔbu.

Ɓalɔ́ma 15:2

Ambe nkpa na nkpa ka ɓesu ágeɛ ánjá ka dakɛ n'índe amɓɔgɛande ka gea, ɓeekea nɛkɛ ámɔtɛ.

1 Ɓakɔlítɔ 10:23

Ɓakpa ɓunɛngbo sɔsɔɓɛ anu ɓáɔyɔnga te: «Ɓásosi tɔ kema bubui.» A ɓó! Nna gǎkɛ kema bubui unge aoenga ka mɔtisa á ɓeekea.

1 Ɓakɔlítɔ 10:33

Eme Pɔ́lɔ, neókondisaga na ɓakpa ɓɔbu ka nyɔngɔ bui. Kéokáɓa ɓonjánja nɛmɔ sasani, ne ndiu okaɓa ɓonjánja ka ɓakpa ɓɔbu gea te, Mokonga éamisɛ ka měma.

1 Ɓakɔlítɔ 14:26

Cɔ, ɓaya, négeɛ ɓo? Mbenɔ nde ɓoodondanaga, nkpa moci aɔtɔka n'aembi, moci áɔphɛa, moci áɔɔ́tɔa kema á ɓɔsɔmɛa ndea Mokonga, moci áɔyɔnga ka ɛyɔngi nde nnaoúbukana, moci n'aoketia nyɔngɔ ndɔɔ. Nndɔ bui ágeanɛ ka mɔtisaga á ɓeekea ndea ɓato á ka kanisa.

1 Ɓakɔlítɔ 14:3

Nkpa nde a gǎkɛ ɔɔtɔa nyɔngɔ nde atóki ka Mokonga, aɔmɔtisaga ɓeekea ndea ɓakpa, gbagisaga á měma, na phɔngisa á měma aɓɔ.

1 Ɓakɔlítɔ 14:4

Nkpa nde aɔyɔnga k'ɛyɔngi nde nnaoúbukana, aɔmɔtisaga ɓeekea nɛkɛ sasakɛ. Mmbé gǎkɛ aɔɔtɔa nyɔngɔ nde atóki ka Mokonga, aɔmɔtisaga ɓeekea á ɓato á kanisa ɓɔbu.

1 Ɓakɔlítɔ 14:5

Nekondi gea, ɓenu ɓɔbu ɓɔ́yɔngɛ ka ɛyɔngi nde nnaoúbukana. Nekondi gǎkɛ phɛɛ gea, ɓɔ́ɔtɔɛ nyɔngɔ nde atóki ka Mokonga. Ka nyɔngɔ nde, nkpa nde aɔɔtɔa nyɔngɔ nde atóki ka Mokanga, mmbɔ ana kantíti phɛɛ kɔnyɛ́nya nkpa nde aɔyɔnga ɛyɔngi nde nnaoúbukana. Nkpa ndɔ a tɔ na kantíti ámbé nkpa nde aoketia ɛyɔngi ndɔ aɓei, ka mɔtisaga á ɓeekea á ɓato á kanisa ɓɔbu.

1 Ɓakɔlítɔ 7:15

A gǎkɛ oɓá mmbé nna mɓêki, n'akondi ɗoana na mɓêki, áɗoanɛ. Aoɓá n'a ɓó, mǒko, kaɓɛ nke mmbé ande mɓêki nna kusi ɛ́ɔphi nga, Mokonga ɗánɔɔphani gea, ɓóikɛ ka ɓujɛjɛ.

1 Ɓakɔlítɔ 8:1

Ɓeoúba gea, ka nyɔngɔ á nyama ɔ́phɛ́ɔ ka ɓamokonga á mbɛa: «Ɓesu ɓɔbu ɓena úbapha ka nyɔngɔ ndɔɔ», ɓíndɔ ɓɔɔyɔnga. Úbapha ndɔ, aomopha nkpa ébeba. Ekondi a gǎkɛ ǒgbagisaga ɓakpa ka měma.

2 Ɓakɔlítɔ 12:19

Kanisia anu esa nde bui ande gea te ɓemɔ̂ kǒunia ka yɔnga mosá anu? Nna ɓó! Ɓɛɔyɔnga mosá á Mokonga, ɓíndɔ Kiísito aokonda, ka nyɔngɔ á mɔtisaga anu ka měma.

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

Ɓaɛphɛ́sɔ 4:12

Agi ɓó ka gbagisa á ɓakpa ndea Mokonga gea te, ɓámbɛɗaneɛgɛ ka mɔtisaga nyama á Kiísito.

Ɓaɛphɛ́sɔ 4:29

Nyɔngɔ ájeɗe kajúanɛ mɔnɔ tanda k'aphenɔkɔ anu. Yɔngani ndiu tɔ nnde ana kantíti na akenanigi na mɔphɛ á ɓakpa na aɔtɔka na aegbagisigi ɓakpa na gea ánjá ka ɓundɔ ɓáɔnɔɔ́ka.

1 Timɔtɛ́ɔ 1:4

Óngoɗeɛ phɔtɔ gea, ɓákábisɛmbɛ kanisia aɓɔ ka nyɔngɔ á egani á jǎi-jǎi, na nnde á cɔca cina á ɓatataɓɔ. Nndɔ aikíí tɔ kampápa á jǎi. Nnaoenga ka tútuisa moangɔ á ɓoamia nnde atóki ka Mokonga, nnde aúbikani ka nyɔngɔ á ɓeekea.

2 Timɔtɛ́ɔ 2:22

Timɔtɛ́ɔ, koɓɛmbɛ na mɔphɛ á koganda, káɓa ndiu koɗoni, ɓeekea, ekondi, ɓujɛjɛ kimoci na ɓunde ɓáokumia ina á Mɔkɔta na měma ánjá.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.

1 Pɛ́tɛɛ 3:11

Áɗeketɛ ɓojeɗe, ágeɛ ánjá. Ákaɓɛ ɓujɛjɛ, ásuiɛ kaɓa í ɗoni.