Ɓalɔ́ma 14:17 - Ɔngana á Kɛ̌kɛ

¹⁷ Nga, koɓoamɛ ndea Mokonga nna ka nyɔngɔ á kema á koea na kema á konoa. A ndiu á koɗoni, ɓujɛjɛ na maseye nde Měma á kanga ɓojeɗe aobikisa.

Ɓalɔ́ma 14:17 Iomraidhean Croise

Matáyɔ 3:2

«Kětiani tambea anu ájeɗe, ka nyɔngɔ nde koɓoamɛ ndea Mokonga a bíbí!»

Matáyɔ 6:33

Kaɓani phɔ́ koɓoamɛ na koɗoni ndea Mokonga. Mpɔ, anóphande kema bubui nde anójiganei.

Lóka 14:15

Nkpa moci ka ɓunde ɗáoeaga na Yéso aɔ́ki ye ɓó, áongoɗea Yéso gea: «Maseye ka nkpa nde aeagaeka ka koɓoamɛ ndea Mokonga!»

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Yoáni 3:3

Yéso áonsikisia: «Nekongoɗi ɗoni gea, nkpa nde káɓɔkɔtɛani mɔngɔ á ko iɓɛ, káɔnɛku koɓoamɛ ndea Mokonga.»

Yoáni 3:5

Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga.

Ekuma á ɓateki 13:52

Cɔ, ɓagoigi á ka Antiɔkía ɓáotúma na maseye, phɔtɔ na Měma á kanga ɓojeɗe.

Ekuma á ɓateki 9:31

Ka matú ndɔ, ɓato á kanisa ɗáɓátú na ɓujɛjɛ suɓi á Yudɛ́a bui, Galiláya, na Samalía. Ɓáɔmɔta ka měma na ɓánga á Mɔkɔta, Měma á kanga ɓojeɗe áǒɓikisa phɛɛ.

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

Ɓalɔ́ma 8:6

Cɔ, nkpa aoɓea tambea á kokpa, tambea ndɔ áonkusa. Nkpa a gǎkɛ oɓea tambea á Měma á Mokonga, tambea ndɔ áomopha enda na ɓujɛjɛ.

1 Ɓakɔlítɔ 1:30

Nga, Mokonga aámbé anójúkanisi na Kiísito Yéso. Kiísito aámbé ande kɔɓɔɔngɛ ka ɓesu nnde atóki ka Mokonga. Mokonga aosótanga ɓato á koɗoni mosá akɛ, aosósokosea na koɗaga asu ka ɓojeɗe ka nyɔngɔ á Kiísito.

1 Ɓakɔlítɔ 4:20

Koɓoamɛ ndea Mokonga nna tɔ ka yɔngaga, a ndiu ka ɓukpɛkpɛ.

1 Ɓakɔlítɔ 6:9

Ɓókóoúba gea, ɓakpa nde ɓáogea ájeɗe ɓákáɓɛku na ɓotukɔ ka koɓoamɛ ndea Mokonga? Ɓókǒdemɛ mɔnɔ sasanu. Ɓakpa nde ɓákáɓɛku na ɓotukɔ ka koɓoamɛ ndea Mokonga ɓáungee: Ɓato á iɛɓɛ, ɓato á beba á ɓamokonga á mbɛa, ɓato á otungɔ, ɓǒko íɓunde ɓáǒɗaga ɓadaɓɔ ɓǒko,

1 Ɓakɔlítɔ 8:8

Cɔ, eea kásojúsɛku mosá á Mokonga. Kaɓɛ na ɓeɗeketi ea á nyama á phɛ́a, ɓékéúki ka kema. Kaɓɛ gǎkɛ na ɓeí, ɓékéyamei tanda ka kema.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaphilípi 2:1

Cɔ, ɓî ɓo kimoci na Kiísito, nndɔ anóphi ɓukpɛkpɛ ka měma. Ekondi nɛkɛ ka ɓenu, anóphiphisi měma. Ɓo kimoci na Měma á kanga ɓojeɗe. Ɓona ekondi na ngomi sɔsɔɓɛ anu.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

Ɓaphilípi 3:9

na ɔngana na yɛ ánjá. Kéokaɓa ɓá á nto á koɗoni ka nyɔngɔ á amba ɛɔphi. A ndiu tɔ ka nyɔngɔ á ɓeekea Kiísito, koɗoni nde atóki ka Mokonga nnde aotókana ka ɓeekea.

Ɓaphilípi 4:4

Cɔ, ɓáni na maseye mbenɔ bui, ka nyɔngɔ á ɔngana anu na Mɔkɔta. Nesikíí goto: Ɓáni na maseye.

Ɓaphilípi 4:7

Mpɔ, Mokonga áonóamba, áobisa ɓujɛjɛ ka měma anu, ɓujɛjɛ ndɔ n'anyɛ́nyi úbapha bui, aámbande měma anu ka nyɔngɔ nde, ɓɔɔngani na Kiísito Yéso.

Ɓakɔlɔsái 1:11

Ambe Mokonga ánóphɛ ɓukpɛkpɛ bui, měma á kinia á kema na měma á phiphia.

1 Ɓatɛsalɔníka 1:6

Ɓenu phɔtɔ, ɗóɓoɓǐ tambea asu, n'índe á Mɔkɔta. Ɓô phɔtɔ oɓeekea ɓɔphɛi á Mbino-Ánjá ndɔ, nanga ɓî ɗóɓotambigi phɛɛ ka nyɔngɔ ndɔɔ. Ɗóɓotú ndiu na maseye á Měma á kanga ɓojeɗe.

1 Ɓatɛsalɔníka 2:12

Nga ɗéɓenógbagisigi ka měma, na phɔngisa anu, na phɛá anu gea, ɓótambeɛ ɓíndɔ amɓɔngɛi Mokonga. Yɛ aámbé anɔɔphani gea, ɓóɓɛ ɓato á ka koɓoamɛ á ɓoombia nɛkɛ.

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.

1 Pɛ́tɛɛ 1:8

Cɔ, ɓonkondi Yéso, nanga ɗɔ́ɓɔ́kɔ́mɔni ka yɛ. Ɓomɓeeki, nanga kɛ̌kɛnde ɓɔ́kɔ́ɔmɔna. Kaɓondɔ unge ɓotúmi na maseye ángbó phɛɛ, nnde nkpa nnaɔtɔka n'atɔ̌mi ú.

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.