Ɓalɔ́ma 14:10 - Ɔngana á Kɛ̌kɛ

¹⁰ Oɓɛ gǎkɛ ka nyɔngɔ sina nde ootena nyɔngɔ ndea muna-amakɔ? Oɓɛ ɔɔmɓɛnjiaga muna-amakɔ ka ɓo? Nga, ɓesu ɓɔbu ɓemamande mosá á ntua á tena á nyɔngɔ ndea Mokonga.

Ɓalɔ́ma 14:10 Iomraidhean Croise

Matáyɔ 7:1

Kotenɛmbɛ nyɔngɔ ndea ɓakpa ɓuangbo ka gea te, Mokonga katenɛmbɛ phɔtɔ nyɔngɔ ínɛkɔ.

Lóka 18:9

Yéso ɗáyɔngi mɛní nde ka ɓakpa ɓunde ɗáɓáogea ɓánde ɓato á koɗoni na ɓáǒtondea ɓadaɓɔ. Mɛní kau aungee:

Lóka 23:11

Wa, Ɛlɔ́dɛ kimoci na ɓato émani nɛkɛ ɓáontondea Yéso na tɛɓa akɛ, ɓáɔmɔ́lisa ngɔ́mbɛ ánjá phɛɛ na jisa akɛ goto mɔtɛ á Pilátɔ.

Yoáni 5:22

Nna ye na ka nkpa nde Abɛ aotena nyɔngɔ nɛkɛ. Yɛ, amophi ndiu Anakɛ kɔkɔta bui á tena á nyɔngɔ

Ekuma á ɓateki 10:42

Ɗásososi tɔ̌mia á Mbino-Ánjá ka ɓakpa na engekisa gea, ande mmbɔ aámbé Mokonga amamisi ka tena á nyɔngɔ ndea ɓakpa nde ɓaoenda na ɓunde ɓasí.

Ekuma á ɓateki 17:31

Mokonga a ye bisi esa nde atenaeka nyɔngɔ á ɓato á ka mokonda bui ka koɗoni, na ka njaga á nkpa nde ansɔmbu. Ɗánengekisi nkpa kayɛ mosá á ɓakpa ɓɔbu ka jujúkisa akɛ ka kukuwa.»

Ekuma á ɓateki 4:11

Yéso a ɓea ɛtɛ ndɔ ɓenu ɓaphɛki ɗóɓoyé. Cɔ, ěphangisi ye tɔ kɛ̌kɛnde ɛtɛ ététe á mɔphɛkɔ, ɓíndɔ ɗáɓáɗundu kala suɓi á Ɓuku á Mokonga.

Ɓalɔ́ma 2:16

Ɓondɔ unge aɓande esa nde Mokonga atenande akpɛ nyɔngɔ á ɓɔsɔmɛa ndea ɓakpa k'aphe ndea Yéso Kiísito. A tɔ ɓíndɔ Mbino-Ánjá nde nɛɔtɔmiaga ayɔngi.

1 Ɓakɔlítɔ 4:5

Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

2 Ɓakɔlítɔ 5:10

Nga, ɓesu ɓɔbu ɓemamande mosá á ntua nde Kiísito atenande nyɔngɔ á ɓakpa kau. Wa, amphendande nkpa na nkpa ka ɓeana na tambea akɛ, kaɓɛ ánjá, kaɓɛ ájeɗe ka enda akɛ ka mokonda.