Ɓalɔ́ma 14:1 - Ɔngana á Kɛ̌kɛ

¹ Nseseani mmbé kámɔtimbɛ ka ɓeekea, kángá á ianaga kanisia akɛ.

Ɓalɔ́ma 14:1 Iomraidhean Croise

Matáyɔ 12:20

Káɓúnɛku manganga nde ěgbuki, káimɛku ɔbɛa nde owanga í a phɔ́tɔ n'aojegia ábɔa. Ageaeka tɔ ɓó, na ka ɓî koɗoni amamagaeka.

Matáyɔ 14:31

Mɔngɔ ímoci, Yéso áonanoa njaga, áondunga, áongoɗea te: «Oɓɛ nto á ɓeekea ábɔa nde ca! Ona ngǎka ka nyɔngɔ á kema sina?»

Matáyɔ 18:10

Cɔ, ɛ́ngɛphani! Ɓókomɓɛnjiɛgɛmbɛ ka ɓaniki ábɔbɔa ndɔɔ, ka nyɔngɔ nde, nenóngoɗi ɗoni gea, ɓamalaéka nɛɓɔ ɓá tɔ esa bui mosá á Abɛ na koba. [

Málikɔ 7:19

Nga, eea nna ongia suɓi á měma á nkpa. A ndiu ongia suɓi á sɔphɔ. Mbusa, eea ndɔ áoga ka ɓɔɔga.» Ka yɔnga akɛ ɓó unge Yéso ɗáengekisi gea, ɓakpa ɓáeɛ eea bui.

Lóka 17:2

Ambe ɓámɓɔɛɛ na moimba ka kingo, ɓámmakɛ ka kiba á oɓenge ɗǔ! Ka gea te, kangusɛmbɛ ka ɓaniki nde moci.»

Yoáni 13:20

Nenóngoɗi ɗoni gea, nkpa nde ansesi mmbé nenteki, amosesi phɔtɔ. Nkpa nde amosesi, ansesi mmbé ɗámoteki.»

Ekuma á ɓateki 28:2

Ɓato á ka kesanga ndɔ, ɗáɓásógǐí ánjá phɛɛ. Ɓɔ, ɓáotoɓoa nsa, ɓáosódondanisa ɓesu ɓɔbu ka mpɛphɛ í nga, mbua ɗáɔɔka, phiɔ áoɓá phɛɛ.

Ɓalɔ́ma 11:15

Ɓî Mokonga ɗáephaphi Ɓayúda, ɗáɔnganisi mokonda na yɛ. Cɔ, mbenɔ nde aeseseande goto, ekende aɓande? Aɓande ɓea ɓasí na ɓájujúki ka kukuwa!

Ɓalɔ́ma 14:2

Nkpa nde amɔti ka ɓeekea, aɔtɔka n'aí kema bui, mmbé kámɔtimbɛ ka ɓeekea a gǎkɛ tɔ oeaga nɛkɛ mbuti.

Ɓalɔ́ma 14:21

Kema nde aánjá ande gina á nyama, makana na kema bui nde aɔtɔka n'angisisi muna-amakɔ ka ɓojeɗe.

Ɓalɔ́ma 14:3

Mmbé aoea kema bui, kamɓɛnjiɛgɛmbɛ mmbé nnaoea kema bui. Mmbé nnaoea kema bui, kátenɛmbɛ nyɔngɔ á nkpa nde aoea kema bui nga, Mokonga amɓeeki.

Ɓalɔ́ma 15:1

Ambe ɓesu íɓunde ɓɛmɔti ka ɓeekea, ɓékumbɛni ɓoɗoko á ɓunde ɓákámɔtimbɛ ka ɓeekea. Kákeni ɓékaɓɛ nnde asɔɓɔngɛi.

Ɓalɔ́ma 15:7

Cɔ, seseanani na maseye ɓíndɔ Kiísito ɗánósesi phɔtɔ ka gea Mokonga áɓɛ n'obebɔ.

Ɓalɔ́ma 4:19

Abalaámu ɗátú na ɓasaga bíbí á mia moci (100), ɓeekea nɛkɛ ɗákádɔndɔɓɔki nanga ɓî ɗáokanisia ka phɔa nyama akɛ n'a ye bíbí á kukuwa na ka phɔa nkakɛ Sála ɓî ɗátú ngomba.

1 Ɓakɔlítɔ 9:22

Mbenɔ nde nɛɔbɛɗanaga sɔsɔɓɛ á ɓakpa nde ɓákámɔtimbɛ ka ɓeekea, tambea ani aokengeana na nndɛaɓɔ ka gea, ɓámɓeekeɛ Kiísito. Eya, neǒyamea ka ɓakpa ɓɔbu ka gea, ɓakpa ɓunɛngbo sɔsɔɓɛ aɓɔ ɓáamɛ ka měma.

Ɓaphilípi 2:29

Cɔ, nseseani na maseye phɛɛ ɓea muna-amasu suɓi á Mɔkɔta. Óɗokomisani ɓakpa nde ɓá ɓea yɛ,

1 Ɓatɛsalɔníka 5:14

Ɓaya, ɓenóɗengemisigi, ókeagani ɓakpa nde ɓáná ɔbɛɗa ka kema, ógbagisagani ɓato á kɔɓɔɓɔkɔ, óengani ɓakusi. Óphiphiani ɓakpa ɓɔbu.

Ɓaɛbulanía 5:14

Eea akpɛ a ndiu tɔ ka ɓakpa nde ɓamɔti nga, ɓáɛmbani ye na katanisa á kema ánjá na kema ájeɗe.

2 Yoáni 1:10

Aoɓá nkpa n'abiki mɔtɛ-anu, na kábiki na ɓɔphɛi ndee, ɓókóɓeekeɛmbɛ ángiɛ mɔtɛ-anu na ɓókónseseɛmbɛ