Ɓalɔ́ma 13:7 - Ɔngana á Kɛ̌kɛ

⁷ Móphani nkpa na nkpa kema nde ankeni ně. Aoɓá n'ande mphendisigi manjanja, mphendani. Aoɓá n'ande mphendisigi ɓaoɓa, mphendani. Nɗokómisani mmbé akeni na ɗokomisa akɛ, mbebáni mmbé akeni na beba akɛ.

Ɓalɔ́ma 13:7 Iomraidhean Croise

Matáyɔ 17:25

Pɛ́tɛɛ áonsikisia: «Eya, aophendaga.» Ɓî Pɛ́tɛɛ angí k'éndu, Yéso â phɔ́ okpanga ngoɗea akɛ: «Simɔ́ni, okanisi ɓo? Ɓ'ani ɓunde ɓaamɛ á ka mokonda nde ɓáǒphendisa manjanja: Ɓaniki á nji? Ɓakɛni?»

Matáyɔ 22:21

Ɓáonsikisia te: «Ande á moamɛ angbóngbó á Ɓalɔ́ma.» Mpɔ Yéso áǒgea te: «Mophani Kaisáa kema nɛkɛ, ɓómophɛ phɔtɔ Mokonga kema ínɛkɛ.»

Málikɔ 12:17

Yéso â gǎkɛ ǒsikisia: «Mophani Kaisáa kema nɛkɛ, ɓómophɛ phɔtɔ Mokonga kema ínɛkɛ.» Ɓáɔ́ki ye ɓó, ɓáotangaaga.

Lóka 20:22

Cɔ, ósóngoɗea phɔ́: Ɛɔphi nɛsu asososi phenda á manjanja á Kaisáa, mɔkɔta á Ɓalɔ́ma, kaɓɛ na kásososi phenda í?»

Lóka 20:25

Mpɔ Yéso áǒngoɗea gea: «Cɔ, ɓaya, mophani Kaisáa kema nɛkɛ, ɓómophɛ phɔtɔ Mokonga kema ínɛkɛ.»

Lóka 23:2

Ɓî ɓánjú ně kó, ɓáokpanga tɔnga akɛ, ɓáogea te: «Ɓetóndondi mɔgaa nde n'aǒdema ɓato á k'ékuna nɛsu, ka gea te, ɓákáphendɛmbɛ manjanja mɔtɛ á Kaisáa, goto agi te ande Moamɛ Masíya.»

Ɓalɔ́ma 12:10

Kóndanani ɓea ɓato á komunamema ɗoni, éɗokomisani ngǔngu anu.

Ɓalɔ́ma 13:6

Ka nyɔngɔ índɔ unge, ɓo phɔtɔ ophenda manjanja nga, ɓunde ɓáophendisaga ú, Mokonga aámbé aebisi k'ékuma ndɔ.

Ɓaɛphɛ́sɔ 5:33

Cɔ, a gǎkɛ tɔ ɓó ka ɓenu: Ambe mǒko buakɛ ánkondɛ nkakɛ ɓíndɔ ěkondi sasakɛ na ambe nke ánɗokomisɛ munyakɛ.

Ɓaɛphɛ́sɔ 6:5

Ɓenu ɓakɔɓɛ, ɓáni kusi á ɓakɔta nɛnu á ka mokonda, óɗokomisani na ɓánga aɓɔ kángá á maibe, ɓíndɔ ɓoombɛɗaneaga Kiísito.

1 Timɔtɛ́ɔ 5:13

Goto, ɓáná na ka kema á gea í, ɓáoga na ɓáɔkɔɓa k'éndu ɗanga-ɗanga, ɓáɔɗɛgia, ɓáongiaga ka nyɔngɔ bui, ɓáɔyɔngaga nyɔngɔ nde ɓákákeni yɔnga í.

1 Timɔtɛ́ɔ 5:17

Ambe ɓéɗokomisɛ ɓagbɛga íɓunde ɓáoamba kanisa ánjá mɔngɔ iɓɛ, a goto phɛɛ ka ɓunde ɓáɔphɛa na goisaga Nyɔngɔ á Mokonga.

1 Timɔtɛ́ɔ 6:1

Akeni ɓakɔɓɛ ɓɔbu ɓáɛɓɔ́kɛ ɓakɔta nɛɓɔ ɗoni gea, ɓakpa ɓákabómɛmbɛ ina á Mokonga na ɓɛnjiaga á goisaga nɛsu.

1 Pɛ́tɛɛ 3:7

Ɓenu phɔtɔ ɓǒko, ikani na ɓake ɓánu ka ɔ́kana ánjá, na ɓooúba gea, ɓáɔlɔmani kɔnɔnyɛ́nya. Ambe ɓóoɗokomisɛ nga, ɓɔ ɓátɔande egabɔ á enda á ɗoni ɓea ɓenu. Geani ɓó ka gea, ka kema kaɗakɛmbɛ ɛmɛmi nɛnu.