Ɓalɔ́ma 13:13 - Ɔngana á Kɛ̌kɛ

¹³ Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

Ɓalɔ́ma 13:13 Iomraidhean Croise

Lóka 1:6

Ɓɔbu ɓaɓɛ ɗáɓátú ɓato á koɗoni k'íso á Mokonga. Ɗáɓáotambea ɓíndɔ ɛɔphi bui ndea Mɔkɔta ayɔngi, na tɔtɔkisa á kema bui nde Mokonga ɗáososea kángá kisɛki.

Lóka 16:19

Ntɔi moci ɗáɔɔ́laga bɔngɔ áphǒ-phǒ n'esombi í n'akpɛ phɛɛ. Ɗá phɔtɔ oenda esa bubui ánjá na eaga eea nde aotena soki.

Lóka 21:34

«Ɛ́ngɛphani! Měma anu kaɗokómanɛmbɛ ka nyɔngɔ á eaga n'ɛbɛɗi á makana, phɔtɔ na mɔphɛ á enda. Ɓoogea ɓó, mmbe esa ndɔ anosɛnɛkɛande kángá mosenda.

Ekuma á ɓateki 2:15

Makana káɛbɛɗi ɓakpa nde ɓíndɔ ɓookanisia nga, ɓî esa ásɛ, a phɔ́tɔ ka nji asasi.

1 Ɓakɔlítɔ 3:3

nga, ɓo phɔ́tɔ otambea ɓea ɓakpa á ka mokonda ndee. Sɔsɔɓɛ anu, ɓona nsengo na sani. Cɔ, ɓókó phɔ́tɔ na tambea á ɓato á ka mokonda nde? Ɓókó phɔ́tɔ na tambea á kokpa?

Ɓagalatía 5:19

Cɔ, mɔphɛ á nyama aoúbukana base ka: Otungɔ, ɓɔjɔɔkiɔ, mambɔ,

Ɓagalatía 5:21

Ɓá na mɔphɛ ájeɗe, ɓoita, osǎ, na kema nɛngbo nde akengeani ně. Nesikíí goto ngoɗea anu ɓíndɔ netónongoɗi mosá gea: Ɓunde ɓáogea ka kema ɓínde, ɓákángiɛku ka koɓoamɛ ndea Mokonga.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaɛphɛ́sɔ 4:17

Cɔ, nenóɗengemisigi k'ína á Mɔkɔta gea: Ɓókótambeɛ mɔnɔ ye ɓea ɓakpa nde ɓánáomúba Mokonga, ɓunde kanisia aɓɔ a tɔ jǎi-jǎi

Ɓaɛphɛ́sɔ 5:15

Cɔ, óengani ánjá ka tambea anu. Ɓókóɓɛmbɛ ɓea ɓabóbó, ɓáni ndiu ɓea ɓato á kɔɓɔɔngɛ.

Ɓaɛphɛ́sɔ 5:18

Makana kanɔ́bɛɗɛmbɛ nga, ɛbɛɗi á makana aomúja nkpa. Akeni ndiu, ɓótúmɛ na Měma á kanga ɓojeɗe.

Ɓaɛphɛ́sɔ 5:8

Mosá, ɗóɓotú suɓi á kaiphiɔ. Kɛ̌kɛnde gǎkɛ, ka nyɔngɔ á ɔngana anu na Mɔkɔta, ɓo ye tɔ suɓi á owanga. Ɓî aɓó, tambeani ɓea ɓato á owanga.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓaphilípi 2:3

Ɓókogeɛ mɔnɔ kema na měma éteɓa, ɓókokaɓɛ mɔnɔ ɓoombia á jǎi-jǎi. Ɓáni ndiu na měma édidisa, nkpa na nkpa ámɔnɛ dakɛ gea, ana kantíti kɔnyɛ́nya yɛ.

Ɓakɔlɔsái 1:10

Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

Ɓakɔlɔsái 3:5

Kaɓondɔ, kusani mɔphɛ ájeɗe á ka mokonda ka měma anu ɓea: iɛɓɛ, ɓɔjɔɔkiɔ, phɛngɛmana ka kema, mɔphɛ á kema ájeɗe-jeɗe, kuma, nnde ande etéte á beba á ɓamokonga á mbɛa.

1 Ɓatɛsalɔníka 2:12

Nga ɗéɓenógbagisigi ka měma, na phɔngisa anu, na phɛá anu gea, ɓótambeɛ ɓíndɔ amɓɔngɛi Mokonga. Yɛ aámbé anɔɔphani gea, ɓóɓɛ ɓato á ka koɓoamɛ á ɓoombia nɛkɛ.

1 Ɓatɛsalɔníka 4:12

Ɓo ye otétemisa ekuma á ka njaga anu sasanu, ɓókóoɗokomaneɛku ye ɓakpa. Ɓakpa nde ɓákámɓeekimbɛ Kiísito, ɓâ phɔtɔ onóbeba.

1 Ɓatɛsalɔníka 5:17

mɛmani Mokonga kángá ɗeketa,

Yakɔ́ɓɔ 4:5

Ɓomá ndiu okanisia te, nyɔngɔ nde a suɓi á Ɓuku á Mokonga ande á jǎi-jǎi ɓî agi te: «Mokonga nna phɔ́ na nsengo ka phɔa Měma akɛ nnde ɗábisi suɓi asu?»

1 Yoáni 2:6

Cɔ, mmbé agi gea, aɔngani na yɛ, akeni tambea akɛ ákengeanɛ n'índe á Yéso.

2 Yoáni 1:4

Ɗéna maseye phɛɛ ka ɔna gea, ɓ'anakɔ ɓuangbo ɓáoenda suɓi á ɗoni, ɓíndɔ Abɛ ɗásósosi.

Yúda 1:23

Óamisani ɓuangbo na nsa. Ɓunɛngbo goto, ókuiani ngomi índɔ ana kɔɓɔɓɔkɔ. Ɓókodungɛmbɛ ka ngɔ́mbɛ á ka nyama aɓɔ, ka nyɔngɔ nde a ye jɔɔkani n'ekuma nɛɓɔ ájeɗe.