Ɓalɔ́ma 13:12 - Ɔngana á Kɛ̌kɛ

¹² Esa angɛndi dakɛ. Akeni ɓéɗeketɛni tambea ájeɗe á kaiphiɔ. Ɓɛ́bɛɗɛni ndiu nkumba á emani nde ɓáɔbɛɗaneaga n'esa.

Ɓalɔ́ma 13:12 Iomraidhean Croise

Ɓalɔ́ma 13:14

Ɓékengeanɛ ndiu na Mɔkɔta Yéso Kiísito. Ɓókoɗeketɛmbɛ mɔphɛ ájeɗe á nyama anu ánongisɛ ka ɓojeɗe.

1 Ɓakɔlítɔ 10:11

Cɔ, kema ndɔ ɗáedondi ka gea, áɓɛ mphangiɔ ka ɓesu. Ɗáɓásoɗunɗui ú, ka ɛngɛphisa asu, ɓesu íɓundɔ ɓeoenda ka sungiaga á matú.

1 Ɓakɔlítɔ 7:29

Ɓaya, nnde nɛyɔngi a ɓe: Mbenɔ kájigi ye ásii. Cɔ, kpangá á kɛ̌kɛnde, ɓakpa nde ɓána ɓake, ɓáikɛ ɓea ɓakpa nde ɓáná na ɓake.

2 Ɓakɔlítɔ 10:4

Nkumba émani nɛsu nna á kokpa, a ndiu á ɓukpɛkpɛ ndea Mokonga, nnde aɔgɔɓa ɓukpɛkpɛ á ɓaɓiɓia. Ɓeotúkatúka kanisia ájeɗe,

2 Ɓakɔlítɔ 6:7

Ɓe tɔ ɔtɔmiaga nyɔngɔ á ɗoni. Ɓɛɔbɛɗaneaga ɓukpɛkpɛ á Mokonga. Nkumba émani nɛsu ka mana ně na kéúnia ně ande koɗoni mosá á Mokonga,

Ɓaɛphɛ́sɔ 4:22

Kaɓondɔ, ɗeketani tambea nɛnu á kala. Ɗeketani phɔtɔ kokpa anu á kala nde mɔphɛ í á odemayɔ aongisa ka ɓojeɗe.

Ɓaɛphɛ́sɔ 5:11

Ɓókǒngisɛmbɛ mɔnɔ ka nyɔngɔ nde ɓáogea suɓi á kaiphiɔ. Ɓókóbuniɛgɛmbɛ gǎkɛ nyɔngɔ kau.

Ɓaɛphɛ́sɔ 5:8

Mosá, ɗóɓotú suɓi á kaiphiɔ. Kɛ̌kɛnde gǎkɛ, ka nyɔngɔ á ɔngana anu na Mɔkɔta, ɓo ye tɔ suɓi á owanga. Ɓî aɓó, tambeani ɓea ɓato á owanga.

Ɓaɛbulanía 10:25

Ɓékéɗeketɛmbɛ dondanaga kimoci ɓíndɔ ɓakpa ɓuangbo ɓáɛmbani na ɗeketa í. Ɓégbagisanɛgɛni goto phɛɛ nga, ɓɔɔni gea esa á ja á Mɔkɔta a ye tɔ bíbí.

Ɓaɛbulanía 12:1

Cɔ, ɓesu phɔtɔ, usɛsɛ á ɓaɗigimisi ndɔ asotimbi ka ɛnjia asu ka njoko á mbangɔ. Kaɓondɔ ɓémakɛni ɗanga nnde aosóɗokomisa na ɓojeɗe nde ɓékéoiphia na tá kau. Ɓéɓɛni na moíngí ka mbagɔ kau.

Yakɔ́ɓɔ 1:21

Kaɓondɔ, tókisani kema nde aɔjɔɔkisa měma na kokae ásii bui nnde ɓoně. Ɓeekeani ndiu na édidisa nyɔngɔ nde Mokonga akoni ka měma anu nga, nndɔ ana ɓukpɛkpɛ á amisa anu ka měma.

Yakɔ́ɓɔ 5:8

Ɓáni phɔtɔ na měma áɗoko ka ɔ́kanea. Ɓáni na nténdé nga, Mɔkɔta a ye tɔ bíbí á bika.

1 Pɛ́tɛɛ 2:1

Cɔ, ɓî aɓó, ɗeketani etéte á ɓojeɗe bui: mbɛa, maibe, nsengo na maca.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

2 Pɛ́tɛɛ 3:11

Cɔ, ɓî kema bubui agogokanande ɓó, akeni tambea anu áɓɛ ɓo? Akeni tambea anu áɓɛ ɓíndɔ Mokonga akondi na tamba mosá akɛ kángá kisɛki,

2 Pɛ́tɛɛ 3:9

Cɔ, Mɔkɔta nnaoiphia ka tɔtɔkisa á mɔkɔ nɛkɛ ɓíndɔ ɓakpa ɓuangbo ɓáokanisia. Yɛ, a gǎkɛ onóphiphia nga, kákondi gea, ka ɓenu moci áɓungɛgɛ. Akondi ndiu gea, ɓakpa ɓɔbu ɓákětiɛ tambea nɛɓɔ ájeɗe.

1 Yoáni 2:18

Ɓaniki amɔ, mbenɔ á sungiaga ungee. Ɗɔ́ɓɔɔ́ki gea te, Mɓiɓia á Kiísito aobika. Ɓaɓiɓia akɛ ɓá ye sɛnɛki ye tɔ ɓásii na ɓeúbi gea, ɓe ye tɔ ka mbenɔ á sungiaga.

Mphaniɔ 1:3

Cɔ, maseye ka nkpa nde aotanga ɓuku ndee, maseye ka ɓunde ɓáɔɔ́ka na tɔtɔkisa á nyɔngɔ nde Mokonga ɗáyɔngi, nnde ɓáɗundu wani. Nga, mbenɔ á tɔtɔkɛana á nyɔngɔ ndɔ bui a ye tɔ bíbí.

Mphaniɔ 22:10

Mpɔ, áomongoɗea te: «Kɔsɔmɛɛ mɔnɔ nyɔngɔ nde ɓáɔtú suɓi á ɓuku ndee. Nga, mbenɔ átɔtɔkɛana á nyɔngɔ ndɔ, abîmani.