Ɓalɔ́ma 13:1 - Ɔngana á Kɛ̌kɛ

¹ Ambe nkpa na nkpa ɛ́ɓɔ́kɛ ɓunde ɓá na kɔkɔta gǔ asu. Nga, kɔkɔta bui a tɔ otóka ka Mokonga na yɛ aámbé ɗémamisi ɓunde ɓámamei nji.

Ɓalɔ́ma 13:1 Iomraidhean Croise

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Yoáni 19:11

Yéso áonsikisia: «Kóná ka kɔkɔta gǔ ani, na nna tɔndɔ nnde ɓákophi ka toka na koba. Kaɓondɔ unge, nkpa nde amobisi ka njaga akɔ, ɓojeɗe ínɛkɛ anyɛ́nyɛi nɛkɔ.»

Ekuma á ɓateki 2:41

Cɔ, ɓakpa nde ɗáɓáɓeeki nyɔngɔ ndea Pɛ́tɛɛ, ɓáǒɓatisa. K'ésa ndɔ tɔ, ɓakpa ɓea ɛlɛphu isaɔ (3.000), ɓáǒyamea ka nkíndí á ɓaɓêki.

Ɓalɔ́ma 12:21

Kǒɗeketeɛmbɛ ka gea ɓojeɗe ákokíndɛ. Kínda ndiu ú ka gea ɓonjánja.

Ɓalɔ́ma 13:2

Cɔ, mmbé nnaokonda ika kusi á kɔkɔta á ɓakɔta á nji, ayé moangɔ nde Mokonga akondi. Ɓunde ɓáoyá ɔ́ka á ɓakɔta, ɓáoɓotea gǔ aɓɔ sasaɓɔ tena á nyɔngɔ akpɛ.

Ɓaɛphɛ́sɔ 5:21

Ɔ́kanani na ɗokomisanani ka nyɔngɔ á ika kusi á kɔkɔta ndea Kiísito.

1 Timɔtɛ́ɔ 2:2

Mɛmani phɔtɔ ka ɓaamɛ na ɓakɔta ɓɔbu á ka nji ka gea te, ɓéikɛ ka ɓujɛjɛ, ɓéɓɛ tɔ ɓato á ɓonjánja na ɓánga á Mokonga.

Títɔ 3:1

Cɔ, ókanisia ɓaɓêki gea te, akeni ɓaedidisɛ kusi á ɓakɔta na ɓaamɛ nɛɓɔ, ambe ɓáɛɓɔ́kɛ na ɓeekea á tɔtɔkisa ekuma bui nde aánjá.

Yúda 1:8

Eya, ɓakpa ɓájeɗe ɓundɔ ɗáɓángí ka nkíndí anu ka ɓɔsɔmɛa, ɓá phɔtɔ ogea ɓó. Njeki nde ɓáoɗa ně, a tɔ á mɔphɛ á uja nyama aɓɔ sasaɓɔ na ɓɛnjiaga kɔkɔta ndea Mokonga. Ɓáǒbóma econji á ɓoombia á na koba.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.

Mphaniɔ 17:14

Ɓɔ, ɓámanande na Muna-Mɔgɔgɔ. Muna-Mɔgɔgɔ aékíndande ka nyɔngɔ nde ande Mɔkɔta ndea ɓakɔta na Moamɛ ndea ɓaamɛ. Akíndande kimoci na ɓunde ɗáɛɓɔphani, ɗáesombi na ɓunde ɓámɓeeki.»

Mphaniɔ 19:16

Ɗáɓáɗundu ka bɔngɔ nɛkɛ na ka kɛbɛ akɛ ina ndee: «Moamɛ ndea ɓaamɛ na Mɔkɔta ndea ɓakɔta.»