Ɓalɔ́ma 12:9 - Ɔngana á Kɛ̌kɛ

⁹ Ambe ekondi nɛnu áɓɛ kángá maibe. Kángeani ɓojeɗe, ɓóoyameɛ ka ɓonjánja.

Ɓalɔ́ma 12:9 Iomraidhean Croise

Matáyɔ 26:49

Cɔ, mɔngɔ moci, Yúda áombîmisia Yéso, áongea te: «Ngoisigi samba!» Mpɔ, áomumbia.

Yoáni 12:6

Ɗákáyɔngi gǎkɛ ɓó ka nyɔngɔ á ngomi á ɓaúki, ɗátú ndiu ka nyɔngɔ nde ɗátú nkukuɓa. Yɛ, aámbé ɗáokumbaga njombi á imɔna, na bɛɗa kau ka phɔakɛ sasakɛ.

Ekuma á ɓateki 11:23

Ajú ye kó, áɔɔna ɓî Mokonga ɗégǐí ɓakpa nɛkɛ ɓonjánja, áoɓá na maseye. Áǒgbagisaga ɓaɓêki ɓɔbu ka měma ka gea ɓámbɛɗaneɛgɛ Mɔkɔta na měma mo.

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

2 Ɓakɔlítɔ 8:8

Kéonósosea, ne ndiu ɔyɔnga nyɔngɔ á moíngí nde ɓadanu ɓátú ně. Kaɓondɔ, nenóphi mbenɔ á ɔnisa gea, ekondi nɛnu ande á ɗoni.

1 Ɓatɛsalɔníka 2:3

Ɓɔphɛi nɛsu gǎkɛ, nna na mbɛa, nna na maibe, nna n'odemayɔ.

1 Ɓatɛsalɔníka 5:15

Óengani phɛɛ gea, nkpa kansikisiɛ mɔnɔ dakɛ ɓojeɗe. Ɓógeanɛ ndiu ɓonjánja. Geani phɔtɔ ɓó ka ɓakpa ɓɔbu.

1 Ɓatɛsalɔníka 5:21

Ɛnjiani phɔ́ ɓɔphɛi bui mosá, mpɔ, ɓóoamba nnde aánjá.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

Ɓaɛbulanía 1:9

Nga, okondi ɓonjánja, ôkangea ɓojeɗe. Ka nyɔngɔ índɔ unge Mokonga, Mokonga ndeakɔ aɔsɔmbu, áokosia gamba á jaí ka mɔ̌. Ɗákoɗokomisi ndiu ka sɔmbɔa akɔ ka nkíndí á ɓadakɔ.»

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Pɛ́tɛɛ 4:8

Mosá á kema bui, ɓáni n'ekondi sɔsɔɓɛ anu phɛɛ nga, ekondi aogbukumia ɓojeɗe ásii.