Ɓalɔ́ma 12:8 - Ɔngana á Kɛ̌kɛ

⁸ Kaɓɛ n'ande ebigɔ á phɛá, áphɛɛ. Kaɓɛ n'ande ebigɔ á gaba, ágabɛ na měma á maseye, kaɓɛ n'ande ebigɔ á mamea á ɓakpa, áémameɛ na nténdé, kaɓɛ n'ande ebigɔ á taɓea ɓato á ɓuyɛnɛ, áétaɓeɛ na maseye.

Ɓalɔ́ma 12:8 Iomraidhean Croise

Matáyɔ 25:40

Moamɛ aesikisiande te: ‹Nenóngoɗi ɗoni gea, kema nde ɓoogea ka ɓadani íɓundɔ ɓáná na ɓoombia, aunge ɓo ye gi k'eme.›

Ekuma á ɓateki 11:23

Ajú ye kó, áɔɔna ɓî Mokonga ɗégǐí ɓakpa nɛkɛ ɓonjánja, áoɓá na maseye. Áǒgbagisaga ɓaɓêki ɓɔbu ka měma ka gea ɓámbɛɗaneɛgɛ Mɔkɔta na měma mo.

Ekuma á ɓateki 13:12

Cɔ, ɓî moamɛ aɔni ye nyɔngɔ ndɔ, áomɓeekea Mɔkɔta Yéso, ka nyɔngɔ nde ɗáyayami phɛɛ na ɓɔphɛi ndɔ.

Ekuma á ɓateki 13:15

Mbusa á tanga suɓi á ɓuku ɛ́ɔphi ndea Mósa, na suɓi á ɓuku ndea ɓaɔtu-nyɔngɔ ndea Mokonga, ɓaamɛ éndu á madondanɔ ndea Ɓayúda ka nyɔngɔ á Mokonga ɓáonteka nkpa ka ngoɗea Pɔ́lɔ na Baanába te: «Ɓaya, aoɓá na ɓona nyɔngɔ ka kpagisaga á měma á ɓakpa, yɔngani.»

Ekuma á ɓateki 15:32

Yúda na Síla ɓundɔ ɓaɔtu-nyɔngɔ ndea Mokonga, ɓáɔ̌phɛa phɛɛ, ɓáǒgbagisa na opha aɓɔ ɓukpɛkpɛ.

Ekuma á ɓateki 20:2

Ɓî ɗátúɔtɔmba nji ndɔ, ɗáɔ̌phɛa ɓagoigi nyɔngɔ ásii á gbagisaga á ɓɔ měma. Mbusa índɔ, áoga ka nji á Ɓagiíki,

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

Ekuma á ɓateki 4:36

Cɔ, nkpa moci ɗátú sɔsɔɓɛ aɓɔ, ina akɛ n'ande Yɔsɛ́phu Moláwi mmbé nji á ɓɔkɔtɛana nɛkɛ ande Kipúɔ, mmbé ɓateki ɗáɓáɔmɔphana Baanába. Ande gea te: «Ngbagisigi.»

Ɓalɔ́ma 12:13

Ótaɓeani ɓato á Mokonga ka kema nde ɓá na siki í. Óseseani ɓunde ɓáonódonda.

Ɓalɔ́ma 13:6

Ka nyɔngɔ índɔ unge, ɓo phɔtɔ ophenda manjanja nga, ɓunde ɓáophendisaga ú, Mokonga aámbé aebisi k'ékuma ndɔ.

1 Ɓakɔlítɔ 12:28

Kaɓondɔ unge, Mokonga aebisi k'ama mosá-mosá ɓateki suɓi á kanisa, mbusa áǒbisa ɓaɔtu-nyɔngɔ ndea Mokonga, mpɔ, ɓagoisigi, mbusa aɓɔ, ɓatɔtɔkisigi-ketangaɔ, ɓaamisigi ɓato á esambɔ, mpɔ, ɓato á enga á ɓakpa ɓunɛngbo, ɓaɗigimisi ekuma, mbusa, ɓato á yɔnga ɛyɔngi nde ɓakpa ɓunɛngbo ɓánáoúba.

1 Ɓakɔlítɔ 14:3

Nkpa nde a gǎkɛ ɔɔtɔa nyɔngɔ nde atóki ka Mokonga, aɔmɔtisaga ɓeekea ndea ɓakpa, gbagisaga á měma, na phɔngisa á měma aɓɔ.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 11:3

Ne gǎkɛ oɓánga gea, ɓákanódemɛgɛmbɛ, ka ɗeketisa anu kanisia anu na ɓeekea nɛnu á ɗoni, ɓíndɔ Nketi ɗángí suɓi á njɔka, áondemaga Áwa na maibe nɛkɛ.

2 Ɓakɔlítɔ 8:12

Nga, aoɓá na ɓobisi mɔphɛ ánjá, Mokonga aɓeekeande kema nde ɓogabi, ka ɓeana na nnde nkpa aně, nna gǎkɛ k'índe nkpa nna ně.

2 Ɓakɔlítɔ 9:11

Mokonga anóphande ɛtɔi ásii ka gea, ɓóɓɛ na ɓukpɛkpɛ á gabea á ɓakpa mbenɔ bui. Mpɔ, ɓáombeba Mokonga ka nyɔngɔ égabɔ nɛnu nde ɓɛ̌nyɛ́nyisiande.

2 Ɓakɔlítɔ 9:13

Ɓǒphangiande ɓakpa base ekuma nɛnu ánjá. Ɓakpa ɓásii ɓánɗɔkɔmisande Mokonga ka nyɔngɔ á ɔ́kapha anu. Nndɔ ungɔ aoɗigimisa ɓeekea nɛnu ka Mbino-Ánjá ndea Kiísito. Ɓámbebande phɔtɔ ka nyɔngɔ á ɓonjánja nɛnu ka égabea ɓɔ nkumba nɛnu na ɓuangbo ɓɔbu.

2 Ɓakɔlítɔ 9:7

Akeni nkpa ágabɛ ɓíndɔ měma akɛ anteki, kángá á ianaga, kángá á sosea akɛ. Nga, Mokonga ankondi nkpa nde aogaba na maseye.

Ɓaɛphɛ́sɔ 6:5

Ɓenu ɓakɔɓɛ, ɓáni kusi á ɓakɔta nɛnu á ka mokonda, óɗokomisani na ɓánga aɓɔ kángá á maibe, ɓíndɔ ɓoombɛɗaneaga Kiísito.

Ɓakɔlɔsái 3:22

Ɓenu ɓakɔɓɛ, ɔ́ɓɔ́kani ɓakɔta nɛnu á ka mokonda ka kema bui. Ɓókoɓɛmbɛ tɔ kɔ̌bɛɗaneaga ámbé ɓánoɓóndigi ka nyɔngɔ á ékondisaga na ɓɔ. Geani ndiu na měma mo, ka nyɔngɔ nde, ɓoomɓánga Mɔkɔta.

1 Ɓatɛsalɔníka 2:3

Ɓɔphɛi nɛsu gǎkɛ, nna na mbɛa, nna na maibe, nna n'odemayɔ.

1 Ɓatɛsalɔníka 2:8

Nga, ɗéɓetú na siki anu phɛɛ. Kaɓondɔ unge, ɗéɓenɔ́tɔ̌migi Mbino-Ánjá ndea Mokonga. Nna tɔndɔ nndɔ, ɓê phɔtɔ oɓá na mɔphɛ á kuia anu. Eya, ɗéɓenókondi phɛɛ.

1 Timɔtɛ́ɔ 4:13

Suia tanga á Ɓuku á Mokonga mosá á ɓakpa, gbagisaga aɓɔ ka měma na goisaga aɓɔ, na ka ɓî ne kiɗiande.

1 Timɔtɛ́ɔ 5:17

Ambe ɓéɗokomisɛ ɓagbɛga íɓunde ɓáoamba kanisa ánjá mɔngɔ iɓɛ, a goto phɛɛ ka ɓunde ɓáɔphɛa na goisaga Nyɔngɔ á Mokonga.

1 Timɔtɛ́ɔ 6:18

Óngoɗea phɔtɔ ɓágeɛ ɓonjánja, ɓábɛ ɓatɔi ka tɔtɔkisa á kema ánjánja, ɓágabɛ na měma ánjá, na ɓábɛɗaneɛgɛ nkumba nɛɓɔ kimoci na ɓakpa ɓuangbo.

Ɓaɛbulanía 10:25

Ɓékéɗeketɛmbɛ dondanaga kimoci ɓíndɔ ɓakpa ɓuangbo ɓáɛmbani na ɗeketa í. Ɓégbagisanɛgɛni goto phɛɛ nga, ɓɔɔni gea esa á ja á Mɔkɔta a ye tɔ bíbí.

Ɓaɛbulanía 13:17

Óɓángani ɓakɔta nɛnu na tɔtɔkisa á nyɔngɔ nde ɓáonóngoɗea. Ka nyɔngɔ nde ɓáɔbɛɗanaga ásii ka phɔa měma anu nga, ɓaoúba gea te, Mokonga aeɓúsiande ka nyɔngɔ í. Kaɓondɔ unge, ambe ɓábɛɗanɛgɛ na maseye kángá á bɛɗanaga na ntaɓo. Ɓáɔbɛɗanaga na ntaɓo, nndɔ kánóengɛku ka kema.

Ɓaɛbulanía 13:22

Ɓaya, nenóɗengemisigi ɔ́kani nyɔngɔ nde á gbagisaga měma anu nga, kénóɗundui nyɔngɔ endǎ.

Ɓaɛbulanía 13:24

Ósambeani ɓakɔta nɛnu na ɓaɓêki ɓɔbu. Ɓadasu íɓunde ɓá na Italía ɓanosambei.

Ɓaɛbulanía 13:7

Ókanisiani ɓakɔta nɛnu á k'ama mosá-mosá ɓunde ɗáɓánoúbisi nyɔngɔ ndea Mokonga. Ianagani ka phɔa á kema nde ɗáɓátɔtɔkisi ka enda aɓɔ. Mɓeekeani Mokonga ɓea ɓɔ.