Ɓalɔ́ma 12:7 - Ɔngana á Kɛ̌kɛ

⁷ Kaɓɛ n'ande ebigɔ á bɛɗanaga, ábɛɗanɛgɛ nɛkɛ, kaɓɛ n'ande ebigɔ á goisaga, ágoisɛgɛ nɛkɛ.

Ɓalɔ́ma 12:7 Iomraidhean Croise

Matáyɔ 28:19

Cɔ, gǎni ka ɓato á ekuna bui, ɓókětiɛ ɓɔ ka ɓá ɓagoigi, ɓóǒɓatisɛ ɓɔ k'ína á Abɛ, k'ína á Anakɛ, na k'ína á Měma á kanga ɓojeɗe.

Yoáni 3:2

Cɔ, yɛ áombikia Yéso kǐpha áongoɗea: «Ngoisigi, ɓeoúba gea, Mokonga aámbé ɗáoteki k'aphe á goisaga asu ka nyɔngɔ nde, nkpa nnaɔtɔka n'atɔtɔkisi ketangaɔ ɓíndɔ ɔɔtɔtɔkisa, kaɓɛ Mokonga na nna kimoci na yɛ.»

Ekuma á ɓateki 13:1

Ka kanisa ndea ka Antiɔkía ɗátú na ɓaɔtu-nyɔngɔ ndea Mokonga na ɓagoisigi. Ina á ɓɔ aungee: Baanába, Simɔ́ni (mmbé ɗáɓátú ɔmɔphana nto á koínda), Lukíɔ (nto á ka Kuɛ́nɛ), Saúlɔ na Manaɛ́ni (mmbé ɓámɔtɛani na Moamɛ Ɛlɔ́dɛ.)

Ekuma á ɓateki 20:20

Ɓooúba gea, kɛ́nɔsɔmɛi tanda nyɔngɔ moci, nnde anókeni. Ɗɛ́nɔphɛí na goisaga ka ntanga, phɔtɔ suɓi éndu nɛnu.

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

Ekuma á ɓateki 6:1

Ka mbenɔ ndɔ mɔɔmba á ɓagoigi ndea Yéso ɗáǒyamea phɛɛ, Ɓayúda ɓundɔ ɓáɔyɔnga Kigiíki ɓáɔ̌ngɔngɔnɛaga phɛɛ ɓadaɓɔ ɓundɔ ɗáɓáɔyɔnga Kiɛbulanía. Nga ɓɔ, ɗáɓáǒɓosea ɓake á k'ekusa ndea ɓunde ɗáɓáɔyɔnga Kigiíki mbenɔ égabɔ.

1 Ɓakɔlítɔ 12:28

Kaɓondɔ unge, Mokonga aebisi k'ama mosá-mosá ɓateki suɓi á kanisa, mbusa áǒbisa ɓaɔtu-nyɔngɔ ndea Mokonga, mpɔ, ɓagoisigi, mbusa aɓɔ, ɓatɔtɔkisigi-ketangaɔ, ɓaamisigi ɓato á esambɔ, mpɔ, ɓato á enga á ɓakpa ɓunɛngbo, ɓaɗigimisi ekuma, mbusa, ɓato á yɔnga ɛyɔngi nde ɓakpa ɓunɛngbo ɓánáoúba.

1 Ɓakɔlítɔ 12:5

Mɔkɔta a tɔ mo. Yɛ gǎkɛ tɔ aámbé ɓáɔmbɛɗaneaga ekuma ɗanga-ɗanga.

1 Ɓakɔlítɔ 14:26

Cɔ, ɓaya, négeɛ ɓo? Mbenɔ nde ɓoodondanaga, nkpa moci aɔtɔka n'aembi, moci áɔphɛa, moci áɔɔ́tɔa kema á ɓɔsɔmɛa ndea Mokonga, moci áɔyɔnga ka ɛyɔngi nde nnaoúbukana, moci n'aoketia nyɔngɔ ndɔɔ. Nndɔ bui ágeanɛ ka mɔtisaga á ɓeekea ndea ɓato á ka kanisa.

Ɓagalatía 6:6

Nkpa nde ɓáongoisaga nyɔngɔ á Mokonga ambe ángabeɛ ngoisigi nɛkɛ k'ɛ́tɔi nɛkɛ bui.

Ɓaɛphɛ́sɔ 4:11

Cɔ, yɛ aámbé amophi nkpa na nkpa egabɔ ínɛkɛ. Aebisi ɓuangbo ɓáɓɛ ɓateki, ɓuangbo ɓaɔtu-nyɔngɔ ndea Mokonga, ɓuangbo ɓatɔmigi-Mbino-Ánjá ndea Mokonga, ɓuangbo ɓaámbi-kanisa na ɓagoisigi.

Ɓakɔlɔsái 4:17

Ngoɗeani Aakípɔ gea: «Ɔ́ɛngɛphambɛ n'ekuma nde Mɔkɔta akophi, tɔtɔkisa ú ánjá.»

1 Timɔtɛ́ɔ 2:7

Ka nyɔngɔ índɔ unge Mokonga ɗámobisi ntɔmigi-mbino na nteki, ka goisaga ɓunde ɓáná Ɓayúda nyɔngɔ á ɓeekea na ɗoni. Kɛ́ɔyɔnga mbɛa, ne tɔ ɔyɔnga ɗoni.

1 Timɔtɛ́ɔ 3:2

Cɔ, akeni nambi-kanisa áɓɛ kángá á nyɔngɔ ájeɗe. Áɓɛ tɔndɔ na nke moci, áambɛ tambea akɛ ánjá sasakɛ, áɓɛ múbaphi, áɓɛ na měma ánjá, áɓɛ nsesi-ɓakɛni na ngoisigi anjánjá.

1 Timɔtɛ́ɔ 4:16

Cɔ, oɓɛ óenga sasakɔ, ka tambea akɔ na ɓɔphɛi nɛkɔ, ótétemanɛ kau. Nga, oogea ɓó, ǒamisande sasakɔ na amisa á ɓundɔ ɓáɔkɔɔ́ka.

1 Timɔtɛ́ɔ 5:17

Ambe ɓéɗokomisɛ ɓagbɛga íɓunde ɓáoamba kanisa ánjá mɔngɔ iɓɛ, a goto phɛɛ ka ɓunde ɓáɔphɛa na goisaga Nyɔngɔ á Mokonga.

2 Timɔtɛ́ɔ 2:2

Ɓɔphɛi nɛmɔ nnde ɗɔ́ɔ́ki mosá á ɓakpa ɓásii, ɔ́phɛ́a ɓakpa nde ɓákeni ka gea, ɓáɓɛ na ɓukpɛkpɛ á goisaga ɓakpa ɓuangbo.

2 Timɔtɛ́ɔ 2:24

Cɔ, kákeni mbɛɗanigi ndea Mɔkɔta ásanɛ. Akeni ndiu áɓɛ nto á aphɔngɔ ka ɓakpa ɓɔbu, mmbé aɔtɔka goisaga na phiphia á tambaga.

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.