Ɓalɔ́ma 12:5 - Ɔngana á Kɛ̌kɛ

⁵ Goto, nanga ɓéɓika, ɓe tɔ ɓea nyama á nkpa moci suɓi á jukana na Kiísito na ɓesu ka ɓesu ɓɔbu, ɓejúkani ɓea gbútuka ɗanga-ɗanga á ka nyama moci.

Ɓalɔ́ma 12:5 Iomraidhean Croise

Yoáni 17:11

Ké ye ka mokonda, nege mɔtɛ-akɔ, ɓɔ ɓáunge ɓá phɔ́tɔ ka mokonda. Abɛ, nto á kanga ɓojeɗe, óamba ɓɔ ka ɓukpɛkpɛ á ina akɔ. Ina ndɔ ɗómopi ka gea, ɓakpa nɛsu ɓáɓɛ kimoci, ɓíndɔ oɓɛ n'eme ɓe kimoci.

Ɓalɔ́ma 12:4

Nyama á nkpa a tɔ mo, a gǎkɛ na gbútuka ásii. Gbútuka ndɔ bui nna gǎkɛ tɔ ɔbɛɗanaga ekuma moci.

1 Ɓakɔlítɔ 10:17

Nga, mokati ndɔ a tɔ moci. Nanga ɓéɓika, ɓe tɔ nkpa moci ka nyama. Nga, ɓe tɔ ogabisanaga mokati ndɔ moci.

1 Ɓakɔlítɔ 10:33

Eme Pɔ́lɔ, neókondisaga na ɓakpa ɓɔbu ka nyɔngɔ bui. Kéokáɓa ɓonjánja nɛmɔ sasani, ne ndiu okaɓa ɓonjánja ka ɓakpa ɓɔbu gea te, Mokonga éamisɛ ka měma.

1 Ɓakɔlítɔ 12:20

Kaɓondɔ, gbútuka á nyama aásii, nyama a gǎkɛ tɔ mo.

1 Ɓakɔlítɔ 6:15

Cɔ, ɓooɓosa gea, nyama anu ande gbútuka á nyama á Kiísito? Cɔ, akeni nɛ́bɛɗɛ phaeka á nyama á Kiísito, nébisɛ ú ka phaeka á nyama á nke á mambɔ? Tanda phɔ́.

Ɓaɛphɛ́sɔ 1:23

Nga, kanisa ande nyama á Kiísito. Suɓi í unge Kiísito aiki buakɛ, ɓíndɔ atúmisi kema bui k'ɔ́ma bui ka mokonda.

Ɓaɛphɛ́sɔ 4:12

Agi ɓó ka gbagisa á ɓakpa ndea Mokonga gea te, ɓámbɛɗaneɛgɛ ka mɔtisaga nyama á Kiísito.

Ɓaɛphɛ́sɔ 4:25

Kaɓondɔ, ɗeketani yɔnga á mbɛa. Ambe nkpa na nkpa án'yɔngɛɛ dakɛ nyɔngɔ á ɗoni nga, ɓesu ɓɔbu, ɓende gbútuka á nyama á Kiísito.

Ɓaɛphɛ́sɔ 5:23

Nga, mǒko ana kɔkɔta gǔ á nkakɛ ɓíndɔ Kiísito ana kɔkɔta gǔ á kanisa. Kiísito sasakɛ ande Namisi á kanisa nnde ande nyama akɛ.

Ɓaɛphɛ́sɔ 5:30

Nga, ɓende gbútuka á nyama akɛ.

Ɓakɔlɔsái 1:24

Cɔ, kɛ̌kɛnde, nena maseye ka tambaga nde ne kau ka phɔanu. Ande gea te, ka nyama ani ne phɔtɔ suɓi á tambaga nde Kiísito ɗátú suɓi í ka phɔa nyama akɛ nnde ande kanisa.

Ɓakɔlɔsái 2:19

Cɔ, ɓakpa nde ɓákájúkani na Kiísito na Kiísito aámbé a ɓea mɔ̌, nnde aoendisa nyama bui na aodondanisaga nsisa bui ka gea nyama á mɔtɛ ɓíndɔ Mokonga akondi.