Ɓalɔ́ma 12:18 - Ɔngana á Kɛ̌kɛ

¹⁸ Aoɓá n'atɔtɔkɛani, na nndɔ atókani na ɓenu, endani ka ɓujɛjɛ na ɓakpa ɓɔbu.

Ɓalɔ́ma 12:18 Iomraidhean Croise

Matáyɔ 5:24

akeni óɗeketɛ phɔ́ ɛkɔmi nɛkɔ mosá á ɛtɛ-ɔ́phɛ́ɔ, ógɛ ɔ́ɓɔngisiɛgɛ nyɔngɔ nɛkɔ na dakɔ. Mpɔ ósikianɛgɛ goto ka gǎ opha á Mokonga ɛkɔmi kau.

Matáyɔ 5:5

Maseye ka ɓato-aphɔngɔ, ka nyɔngɔ nde ɓátɔande mokonda nde Mokonga ɗɛ́ɓɔku.

Matáyɔ 5:9

Maseye ka ɓunde ɓáobikisa ɓujɛjɛ, ka nyɔngɔ nde Mokonga aɛɓɔphanande ɓɔ, ɓ'anakɛ.

Málikɔ 9:50

Cɔ, mɔnɛi ande kema ánjá. A gǎkɛ oɓá mɔnɛi na nna ye na ɓɔɛkɛ nɛkɛ, eke nde aɛkɛmisande? Ɓáni sɔsɔɓɛ anu ɓea mɔnɛi. Ande gea te endani ka ɓujɛjɛ sɔsɔɓɛ anu.

Ɓalɔ́ma 1:15

Ka nyɔngɔ índɔ unge ne phɔtɔ na mɔphɛ á tɔ̌miaga Mbino-Ánjá ka ɓenu íɓunde ɓoiki ka Lɔ́ma.

Ɓalɔ́ma 14:17

Nga, koɓoamɛ ndea Mokonga nna ka nyɔngɔ á kema á koea na kema á konoa. A ndiu á koɗoni, ɓujɛjɛ na maseye nde Měma á kanga ɓojeɗe aobikisa.

Ɓalɔ́ma 14:19

Ɓékaɓɛni kema nde aobisa ɓujɛjɛ na káɓa á kema nde áɔphɛka ɓeekea á ɓakpa.

1 Ɓakɔlítɔ 7:15

A gǎkɛ oɓá mmbé nna mɓêki, n'akondi ɗoana na mɓêki, áɗoanɛ. Aoɓá n'a ɓó, mǒko, kaɓɛ nke mmbé ande mɓêki nna kusi ɛ́ɔphi nga, Mokonga ɗánɔɔphani gea, ɓóikɛ ka ɓujɛjɛ.

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaɛphɛ́sɔ 4:3

Suiani ika suɓi á ɔngana nde Měma á kanga ɓojeɗe aobikisa ka ɓujɛjɛ nde anójúkanisi.

1 Ɓatɛsalɔníka 5:13

Óɗokomisani, ókondagani ka nyɔngɔ ékuma nɛɓɔ k'ína á Mɔkɔta. Ikani ka ɓujɛjɛ sɔsɔɓɛ anu.

2 Timɔtɛ́ɔ 2:22

Timɔtɛ́ɔ, koɓɛmbɛ na mɔphɛ á koganda, káɓa ndiu koɗoni, ɓeekea, ekondi, ɓujɛjɛ kimoci na ɓunde ɓáokumia ina á Mɔkɔta na měma ánjá.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.

1 Pɛ́tɛɛ 3:11

Áɗeketɛ ɓojeɗe, ágeɛ ánjá. Ákaɓɛ ɓujɛjɛ, ásuiɛ kaɓa í ɗoni.