Ɓalɔ́ma 12:17 - Ɔngana á Kɛ̌kɛ

¹⁷ Ɓókógisiɛmbɛ ɓojeɗe ka nkpa. Ɓáni na měma á tɔtɔkisa kema ánjá mosá á ɓakpa ɓɔbu.

Ɓalɔ́ma 12:17 Iomraidhean Croise

Matáyɔ 5:24

akeni óɗeketɛ phɔ́ ɛkɔmi nɛkɔ mosá á ɛtɛ-ɔ́phɛ́ɔ, ógɛ ɔ́ɓɔngisiɛgɛ nyɔngɔ nɛkɔ na dakɔ. Mpɔ ósikianɛgɛ goto ka gǎ opha á Mokonga ɛkɔmi kau.

Matáyɔ 5:39

Eme nenóngoɗi gǎkɛ te nkpa aokogeeya ájeɗe, kogisiɛ mɔnɔ. Aoɓá n'akɔɓɛti ka ngaga á nci á mǔku, óphaia goto áɔɓɛtɛ k'índe á nci á nkei.

Ɓalɔ́ma 12:19

Ɓadani ékondi, ɓókógisianɛmbɛ ngǔngu anu. Ɗeketani ndiu esúia ndea Mokonga ka gisia nga, Ɓuku á Mokonga agi te: «Eme aámbé nena ekuma á gisia. Eme aámbé negisiande ɓojeɗe.» Mɔkɔta aámbé ayɔngi.

Ɓalɔ́ma 14:16

Cɔ, kema nde aánjá ka ɓenu, kaɓɛmbɛ ye aphe ka ɓakpa ɓunɛngbo yɔnga ájeɗe ka phɔanu.

Ɓakɔlɔsái 4:5

Mbenɔ bui nde ɓoodondana na ɓakpa íɓunde ɓáná ɓaɓêki, ɛ́ɓɔnisani ɓɔ tambea nde akeni.

1 Ɓatɛsalɔníka 4:12

Ɓo ye otétemisa ekuma á ka njaga anu sasanu, ɓókóoɗokomaneɛku ye ɓakpa. Ɓakpa nde ɓákámɓeekimbɛ Kiísito, ɓâ phɔtɔ onóbeba.

1 Ɓatɛsalɔníka 5:15

Óengani phɛɛ gea, nkpa kansikisiɛ mɔnɔ dakɛ ɓojeɗe. Ɓógeanɛ ndiu ɓonjánja. Geani phɔtɔ ɓó ka ɓakpa ɓɔbu.

1 Ɓatɛsalɔníka 5:22

Téani ɓojeɗe bui.

1 Timɔtɛ́ɔ 5:14

Cɔ, nekondi gǎkɛ ɓake á kekusa íɓunde ɓá phɔ́tɔ ɓamponjo, ɓáɔmanɛ, ɓáɛɓɔkɔtɛ ɓaniki, ɓáambɛ endu nɛɓɔ ka gea, ɓaɓiɓia asu ɓákáɓɛmbɛ n'aphe moci nde ɓásóbómande kau.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 3:16

Geani tɔ ɓó na měma aphɔngɔ na ɓánga. Ɓáni na měma ánjá. Nanga ɓakpa ɓánɔtɔnga ka mbɛa na bóma anu ka nyɔngɔ á tambea anu ánjá ɓî ɓonde ɓakiísito, ɓákuwande na soni.

1 Pɛ́tɛɛ 3:9

Ɓókosikisianɛmbɛ ɓojeɗe ka ɓojeɗe, na mbóma ka mbóma. Sikisianani ndiu nyɔngɔ ánjá nga, ka nyɔngɔ índɔ unge Mokonga ɗánɔɔphani, ka gea, abisande njaga akɛ gǔ anu.