Ɓalɔ́ma 12:16 - Ɔngana á Kɛ̌kɛ

¹⁶ Ɓáni na ɔ́kana sɔsɔɓɛ anu. Ɓókóɓɛmbɛ na měma á ébeba. Ɓáni ndiu na měma édidisa. Ɓókǒbisɛmbɛ ɓea ɓa mɔɔngɛ.

Ɓalɔ́ma 12:16 Iomraidhean Croise

Matáyɔ 11:5

Ɓakeíme-íme ɓáɔnaphi, ɓaɗɔti ɓátambi ánjá, ɓato á sǔ ɓáesokosei, ɓaɗakekanigi-kecue ɓáɔ́kaphi, ɓasí ɓájujúki ka kukuwa, ɓato á ɓuyɛnɛ ɓáɔ́ki Mbino-Ánjá.

Matáyɔ 26:11

Ɓona ɓato á ɓuyɛnɛ esa bui bíbí anu. Eme kéɓɛku gǎkɛ na ɓenu wani esa bui.

Lóka 14:13

Cɔ, mbenɔ nde ɔ̌ɓɔphana ɓakpa ka jaí, ɔ́ɓɔphana ndiu ɓaúki, ɓaɗɔti na ɓakeíme-íme.

Lóka 6:20

Yéso áɔ̌ɔnjia ɓagoigi nɛkɛ áǒngoɗea: «Maseye ka ɓenu ɓato á ɓuyɛnɛ nga, koɓoamɛ ndea Mokonga ande anu.

Ekuma á ɓateki 4:32

Cɔ, usɛsɛ á ɓaɓêki ɓáɔɔ́kana na měma moci, n'ɛsɔ moci. Nna na ka ɓɔ moci nde ɗáɔyɔnga gea te, nkumba nɛmɔ ú. Nkumba bui ɗá tɔ ka ɓɔ ɓɔbu.

Ɓalɔ́ma 11:20

Eya a ɓó! Mokonga ɗáetenigi ka nyɔngɔ á kanga ɓeekea nɛɓɔ. Oɓɛ oiki gǎkɛ súa ka nyɔngɔ á ɓeekea. Kǒbebɛmbɛ, ɓá ndiu na ɓánga.

Ɓalɔ́ma 11:25

Cɔ, ɓaya, nekondi úbisa anu moangɔ á ɓɔsɔmɛa ndea Mokonga ka gea, ɓóúbɛ gea ɓókó ɓato á kɔɓɔɔngɛ. Nga, Ɓaisilaɛ́li ɓuangbo ɓáikande kángá á ɓeekea. Nndɔ aiphiande na ka ɓî mɔɔmba á ɓakpa ɓunde ɓáná Ɓayúda ɓáamande ka měma.

Ɓalɔ́ma 12:3

Ka ɓeana na ɓonjánja-ékondi nde Mokonga ɗámopi, aunge nenóngoɗi ɓenu ɓɔbu gea, ká ɓenu kaɓɛmbɛ něɗokomisa phɛɛ, nkpa na nkpa áɓɛ ndiu na měma á ɛngɛpha ka ɓeana na keɓu á ɓeekea nde Mokonga ɗángabei.

Ɓalɔ́ma 15:5

Ambe Mokonga mmbé aosóphiphisa měma na kpagisaga asu ásɔɔnganisɛ ánjá ɓíndɔ Yéso akondi.

Ɓalɔ́ma 6:2

Tanda phɔ́! Ɓesu íɓunde ɓeku ka nyɔngɔ á ɗeketa asu ɓojeɗe, ɓɛtɔkande goto na ɓeendi suɓi á ɓojeɗe ka ɓo?

1 Ɓakɔlítɔ 1:10

Ɓaya, nenóɗengemisigi k'ína á Mɔkɔta nɛsu Yéso Kiísito gea, ɔ́kanani, ɓókokatanɛgɛ mɔnɔ. Ɓáni ndiu na měma mo na kanisia mo na yɔngɛa mo.

1 Ɓakɔlítɔ 3:18

Cɔ, nkpa kědemɛ mɔnɔ sasakɛ. Aoɓá ka ɓenu moci n'aokanisia te, ande mɔɔngɛ á ka mokonda nde, áɓɛ mbóbó ka gea, áɓɛ ye tɔ mɔɔngɛ ɗoni.

1 Ɓakɔlítɔ 4:10

Ɓesu, ɓende ɓabóbó ka nyɔngɔ á Kiísito, ɓenu gǎkɛ, ɓonde ɓato á kɔɓɔɔngɛ ka nyɔngɔ á jukana anu na Kiísito. Ɓesu ɓende ɓakusi, ɓenu ɓo gǎkɛ, ɓákpɛkpɛ. Ɓesu, ɓakpa ɓáɔsɔɓɛnjiaga, ɓenu gǎkɛ, ɓakpa ɓáonóɗokomisa.

1 Ɓakɔlítɔ 6:5

Nenóngoɗi ɓó ka kusa anu na soni. Ande gea, sɔsɔɓɛ anu, ɓókó tanda na mɔɔngɛ moci, mmbé aɔtɔka n'ateni nyɔngɔ nde a sɔsɔɓɛ anu ɓaɓêki?

1 Ɓakɔlítɔ 8:2

Nkpa nde aokanisia te, aoúba kema, káúbimbɛ ɓíndɔ atókeni úba í.

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓaphilípi 3:16

Nanga áɓá ɓóni, akeni ɓétútuisɛ tamba k'aphe nde ɗéɓeɓǐ na ka kɛ̌kɛnde.

Ɓaphilípi 4:2

Cɔ, ɓenu Eɔdía na Sitíkɛ, nenóɗengemisigi: Ɔnganani sɔsɔɓɛ anu suɓi á Mɔkɔta.

Ɓaɛbulanía 13:5

Ɓókobisɛmbɛ měma anu phɛɛ ka nyɔngɔ á imɔna. Ɓeekeani ndiu enda na nkumba nde ɓoně nga, Mokonga ɗági te: «Kékoɗeketɛeka, kékosagɛeka.»

1 Pɛ́tɛɛ 3:8

Ka sungiaga, ɓáni ɓenu ɓɔbu na kanisia mo na měma mo. Kondanani ɓea ɓato á komunamema, ɓáni na měma ánjá, n'ědidisa sɔsɔɓɛ anu.

1 Pɛ́tɛɛ 5:3

Ɓókobɛɗaneɛgɛmbɛ kɔkɔta gǔ á ɓunde Mokonga ɗánóphi ka amba aɓɔ, ɓáni ndiu mphangiɔ ka ɓɔ.

3 Yoáni 1:9

Netóɗundu ɓaoɓa ábɔa ka kanisa. Cɔ, Diɔtɛɛ́phɛ mmbé aokonda maga mosá, ayé gǎkɛ nyɔngɔ á suɓi á ɓaoɓa ndɔɔ.