Ɓalɔ́ma 12:13 - Ɔngana á Kɛ̌kɛ

¹³ Ótaɓeani ɓato á Mokonga ka kema nde ɓá na siki í. Óseseani ɓunde ɓáonódonda.

Ɓalɔ́ma 12:13 Iomraidhean Croise

Matáyɔ 25:35

Nga, ɓî ɗétú na nja, ɗóɓomopi kema á koeea. Ɓî ɗétú n'ɛnyɔta, ɗóɓomopi iɓo á onoa. Ɓî ɗétú mɔkɛni, ɗóɓomosesi.

Ekuma á ɓateki 10:4

Kɔɔnɛlíɔ áontúmia n'iso, n'ana kɔɓɔɓɔkɔ. Áomúsia: «Mɔkɔta, ama ɓo?» Malaéka áonsikisia te: «Mokonga aɔ́ki ɛmɛmi nɛkɔ na ɓeekea á kema nde ǒgabei ɓaúki. Kaɓondɔ, aokokanisia.

Ekuma á ɓateki 4:35

áobisa ka njaga á ɓateki ndea Yéso. Mpɔ, ɓáǒgabea nkpa na nkpa ka ɓeana na siki á kema nde aně.

Ɓalɔ́ma 12:8

Kaɓɛ n'ande ebigɔ á phɛá, áphɛɛ. Kaɓɛ n'ande ebigɔ á gaba, ágabɛ na měma á maseye, kaɓɛ n'ande ebigɔ á mamea á ɓakpa, áémameɛ na nténdé, kaɓɛ n'ande ebigɔ á taɓea ɓato á ɓuyɛnɛ, áétaɓeɛ na maseye.

1 Ɓakɔlítɔ 16:15

Ɓooúba gea Sɛtɛphána n'ekombo nɛkɛ ɓánde ɓakpa nde ɗáɓámɓeeki Kiísito k'ama mosá-mosá ka ntanga-nji ndea ka Akáya. Ɓɔ ɓáunge ɓáɔ̌bɛɗaneaga ɓaɓêki. Ɓaya, nenóɗengemisigi gea,

2 Ɓakɔlítɔ 9:1

Ɓaya, kákeni goto nénoɗunduiɛ nyɔngɔ á taɓeá á ɓakpa ndea Mokonga ɓunde ɓá ka Yudɛ́a.

2 Ɓakɔlítɔ 9:12

Nga, ekuma ndɔ ɓɔɔbɛɗanaga, nna tɔ ka enga á ɓakpa ndea Mokonga. A phɔtɔ kǒɓopha ɓakpa mɔphɛ á sega Mokonga phɛɛ.

Ɓagalatía 6:10

Cɔ, aoɓá na ɓena mbenɔ átɔtɔkisa kema ánjá, ɓétɔtɔkisɛni ú ka phɔa ɓakpa ɓɔbu. Ɓegeɛni ánjá phɛɛ ka phɔa ɓunde ɓá ka ekombo á ɓaɓêki.

1 Timɔtɛ́ɔ 3:2

Cɔ, akeni nambi-kanisa áɓɛ kángá á nyɔngɔ ájeɗe. Áɓɛ tɔndɔ na nke moci, áambɛ tambea akɛ ánjá sasakɛ, áɓɛ múbaphi, áɓɛ na měma ánjá, áɓɛ nsesi-ɓakɛni na ngoisigi anjánjá.

1 Timɔtɛ́ɔ 5:10

Ambe ɓakpa ɓáɗigimisɛ gea ékuma nɛkɛ ɗátú ánjá, mmbé ɗáɛmɔtisi ɓ'anakɛ ánjá, ɗáǒsesea ɓakeni, ɗáosokosa ecinji á ɓaɓêki, ɗáǒenga ɓunde ɗáɓáotambaga na gea ekuma ánjánja bui ka enda akɛ bui.

Títɔ 1:8

Áɓɛ ndiu nsesi á ɓakɛni, nto á konda kema nde aánjá, nto á kanisia ánjá, nto á koɗoni, nto á kanga á ɓojeɗe, nto-éamba sasakɛ.

Títɔ 3:14

Ambe ɓakpa nɛsu, ɓágoɛgɛ phɔtɔ gea á ɓonjánja phɛɛ ka tɔtɔkisa á kema nde ɓakpa ɓá na mɔphɛ í phɛɛ. Na ka gea aɓɔ ɓó, enda aɓɔ káɓɛku jǎi-jǎi.

Philɛmɔ́nɔ 1:7

Dani, ekondi nɛkɔ ɗámopi maseye phɛɛ na gbagisaga měma ani ka nyɔngɔ nde, ɗɔ́phɔngisigi měma á ɓato á Mokonga.

Ɓaɛbulanía 13:16

Ɓókoɓoseɛmbɛ phɔtɔ geana á ɓonjánja na engana sɔsɔɓɛ anu, ka nyɔngɔ nde ɔphɛ́ɔ ɓíndɔ unge áɔmɓɔngɛa Mokonga.

Ɓaɛbulanía 13:2

Ɓókoɓoseɛmbɛ sesea á ɓakɛni nga, ka gea ɓó, ɓakpa ɓuangbo ɗáɓěsesi ɓamalaéka kángá á úba.

Ɓaɛbulanía 6:10

Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.

1 Pɛ́tɛɛ 4:9

Seseanagani kángá á ngɔngɔnaga.

1 Yoáni 3:17

Aoɓá nkpa n'ana ɛtɔi ka mokonda ndee, áɔmɔna dakɛ n'ana ɓuyɛnɛ, áonɗakea měma. Cɔ, mmbɔ aɔtɔka n'agi te ankondi Mokonga?

3 Yoáni 1:5

Dani ékondi, ɔɔbɛɗanaga na měma mo ka phɔa á ɓana-ayi na ka phɔa á ɓakɛni.