Ɓalɔ́ma 12:1 - Ɔngana á Kɛ̌kɛ

¹ Ɓaya, ɓî Mokonga aɔnisi ɓonjánja nɛkɛ ka phɔasu, nenóɗengemisigi gea, ɓóbisɛ enda anu bui ka Mokonga ɓea ɔphɛ́ɔ ánjá, nnde aoenda na kángá ɓojeɗe. Nndɔ aɓande obebɔ nɛnu á ka měma ka yɛ.

Ɓalɔ́ma 12:1 Iomraidhean Croise

Lóka 7:47

Negie, kema ángbó nde amogi ně, aúbisi gea te, ɓojeɗe nɛkɛ así, Mokonga aími ú. Mmbé Mokonga aími gǎkɛ ɓojeɗe nɛkɛ ábɔa, yɛ ankondi phɔtɔ Mokonga ábɔa.»

Ɓalɔ́ma 12:2

Ɓókoɓongeɛgɛmbɛ nyɔngɔ á ka mokonda ndee. Ɗeketani ndiu Mokonga ánokětiɛ na opha anu úbapha á kɛ̌kɛ. Ɓondɔ unge ɓoengekisande kema nde amɓɔngɛi Mokonga, nnde aánjá na nnde á kanga kisɛki.

Ɓalɔ́ma 15:16

ka ɓá mbɛɗanigi ndea Yéso Kiísito ka phɔa ɓakpa ɓunde ɓáná Ɓayúda. Nɛɔbɛɗanaga ekuma á ntoɓeigi-phɛ́a ka tɔ̌miaga Mbino-Ánjá ndea Mokonga ka gea, ɓunde ɓáná Ɓayúda ɓáɓɛ ɓea ɛkɔmi nde Měma á kanga ɓojeɗe asokosei.

Ɓalɔ́ma 15:30

Ɓaya, nenóɗengemisigi k'ína á Mɔkɔta nɛsu Yéso Kiísito na k'ékondi nde Měma á Mokonga aobikisa, ɓéjúkanɛni ka mɛma á Mokonga na moíngi ka phɔani.

Ɓalɔ́ma 2:4

Goto, oɓɛ ɔɔmɓɛnjiaga Mokonga ímbe aanjánjá phɛɛ, mmbé ana měma aphɔngɔ na měma á phiphia. Kóoúba gea, ngomi ndea Mokonga aokotútuisa ka kětia á tambea akɔ ájeɗe?

Ɓalɔ́ma 6:13

Ɓókobisɛmbɛ gbútuka á nyama anu ka tɔtɔkisa á ɓojeɗe, ka bɛɗanisaga í ɓea kema á tɔtɔkisa na kema ájeɗe. Óbisani ndiu buanu ka Mokonga ɓea ɓakpa nde ɓájujúki ka kukuwa. Bisani phɔtɔ nyama anu bui ka bɛɗaneaga á Mokonga ka tɔtɔkisa á koɗoni.

Ɓalɔ́ma 6:16

Ɓoɗigimisi gea, ɓo ye oɓá ɓakɔɓɛ ndea nkpa na ɔ́ka á nyɔngɔ nɛkɛ bui, ɓo ye tɔ ɓakɔɓɛ nɛkɛ. Aoɓá kɔkɔɓɛ á ɓojeɗe, sungiaga í ande kukuwa. Aoɓá n'ande ɓánga á Mokonga, sungiaga í ande enda á ɓonjánja.

Ɓalɔ́ma 6:19

Nɛyɔngi wani k'etéte á kokpa, ka nyɔngɔ á kanga ɔ́kapha anu ánjá. A tɔ ɓíndɔ ɗóɓobisi nyama anu bui kala ka bɛɗaneaga á ɓojeɗe na enda ka ɓojeɗe, a phɔtɔ ɓó unge ɓóbisɛ ú kɛ̌kɛnde ka bɛɗaneaga Mokonga na ɓá na enda ánjá.

Ɓalɔ́ma 9:23

Ɗákondi gǎkɛ áɔnisɛ ɓoombia akɛ phɛɛ ka ɓunde ɗáekui ngomi, ɗáɛɓɔngisigi kpanga kala ka ɓá na ɓoombia ndɔ.

1 Ɓakɔlítɔ 1:10

Ɓaya, nenóɗengemisigi k'ína á Mɔkɔta nɛsu Yéso Kiísito gea, ɔ́kanani, ɓókokatanɛgɛ mɔnɔ. Ɓáni ndiu na měma mo na kanisia mo na yɔngɛa mo.

2 Ɓakɔlítɔ 10:1

Eme Pɔ́lɔ, nenóɗengemisigi na ɓɔphɔngɔ ka ɓonjánja ndea Kiísito. Ɓakpa ɓáomogea te, ne aphɔngɔ mbenɔ nde ne sɔsɔɓɛ anu. Ne gǎkɛ nkae mbenɔ nde ne ɗanga na ɓenu.

2 Ɓakɔlítɔ 4:1

Mokonga asóphi ekuma nde ka nyɔngɔ á ɓonjánja nɛkɛ. Kaɓondɔ unge, ɓékéɔɛla kau.

2 Ɓakɔlítɔ 4:16

Kaɓondɔ, ɓékéɔɛla k'ékuma nɛsu. Nanga nyama asu ákpanga dɔndɔɓɔka ɓokɛ-ɓokɛ, měma asu áoɓá á kɛ̌kɛ esa bui.

2 Ɓakɔlítɔ 5:20

Ɓende ɓakpa nde ɓɛɔyɔnga k'ína á Yéso nga yɛ aámbé asóteki. Ande gea te, Mokonga aámbé agi te ɓɛ́nɔɔphanɛ. Cɔ, ɓenóɗengemisigi k'ína á Kiísito gea te, ɓɔ́ɔnganɛ na Mokonga.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaɛphɛ́sɔ 5:10

Káɓáni kema nde áɔmɓɔngɛa Mɔkɔta.

Ɓaphilípi 1:20

A tɔ ɓíndɔ ne ka ɓondeaga na seɓea gea, kékuwɛku tanda na soni. Ne ndiu otétemisa gea, néphangiɛ ɓophombia á Kiísito ka tambea ani bui, kaɓɛ kɛ̌kɛnde, kaɓɛ esa bui, kaɓɛ ka enda ani, kaɓɛ ka kukuwa ani.

Ɓaphilípi 2:17

Nanga ɓámomowa gǎkɛ ɓea nyama á phɛ́a ka nyɔngɔ á ekuma á ɓeekea nɛnu nnde ande ɛkɔmi ka Mokonga, nena maseye k'índɔ, nésikia ɓá na maseye kimoci na ɓenu ɓɔbu.

Ɓaphilípi 4:18

Nga, ɓokambia nɛnu amɔgɔɓi, â phɔtɔ ɔmɔnyɛ́nyɛa. Ɓî Ɛpaphɔdítɔ amopi nkɛɓɛa nɛnu, ne ye tɔ na kema bui. Nga, ɓokambia nɛnu ande ɓea nyama á phɛa, nnde ana su ánjá. Kaɓondɔ, Mokonga áoɓeekea ka nyɔngɔ nde, amɓɔngɛi.

1 Ɓatɛsalɔníka 4:1

Cɔ, ɓaya, ka sungiaga, ɓɛnɔphɛí ye nyɔngɔ á tambea nde aɔmɓɔngɛa Mokonga. Ɗoni, ɓotambi tɔndɔ ɓó. Kɛ̌kɛnde gǎkɛ, ɓɛnɔmɛmi na ɗengemisaga anu k'ína á Mɔkɔta Yéso gea, ɓótetemisɛ phɔtɔ tambea ndɔ ánjá phɛɛ.

1 Ɓatɛsalɔníka 4:10

Eya, ɓǒkondi ɓato á Mokonga ɓɔbu, ɓunde ɓá ka ntanga-nji á ka Makɛdɔnía bui. Ɓaya, ɓɛnɔphɛí gǎkɛ gea, ɓósuiɛ phɔtɔ ekondi ndɔ phɛɛ.

1 Ɓatɛsalɔníka 5:12

Ɓaya, ɓɛnɔmɛmi, ɔ́ɓɔ́kani ɓakpa nde ɓáɔmbɛɗaneaga Mokonga akpɛ ka ɔlɔ anu. Nga, Mokonga ěbisi gǔ anu ka phɛá anu.

1 Timɔtɛ́ɔ 2:3

Nndɔ unge aánjá na amɓɔngɛi Mokonga, Namisi nɛsu.

1 Timɔtɛ́ɔ 5:4

A gǎkɛ oɓá nke á kekusa n'ana ɓaniki na ɓasuko, akeni ɓato á k'ékombo nɛkɛ ɓágoɛgɛ tɔtɔkisa á ɓeekea ndea Mokonga ka nyɛ́nyɛa ekuma nɛɓɔ ka phɔa ɓato á k'ékombo nɛɓɔ sasaɓɔ. Ɓáejisiɛ phɔtɔ ɓaɓɔkɔti aɓɔ na ɓatataɓɔ ɓonjánja nde ɗáɓěgi ně nga, nndɔ unge amɓɔngɛi Mokonga.

Philɛmɔ́nɔ 1:10

Nekoɗengemisigi ka nyɔngɔ á Ɔnɛsímɔ, miki nɛmɔ á ka měma mmbé nɛntɔi wani ka mekakɔ.

Philɛmɔ́nɔ 1:9

nekondi gǎkɛ ɗengemisaga akɔ ɓó k'ína ékondi. Eya, eme Pɔ́lɔ, ne ye ngbɛga, na kɛ̌kɛnde ne phɔ́tɔ nto á mekakɔ ka nyɔngɔ á Kiísito Yéso.

Ɓaɛbulanía 13:22

Ɓaya, nenóɗengemisigi ɔ́kani nyɔngɔ nde á gbagisaga měma anu nga, kénóɗundui nyɔngɔ endǎ.

1 Pɛ́tɛɛ 2:20

Ana obebɔ sina aoɓá na ɓophiphíí tambaga ka nyɔngɔ nde ɓogi ájeɗe? A gǎkɛ oɓá na ɓophiphíí tambaga ka nyɔngɔ nde ɓogi kema ánjá, nndɔ amɓɔngɛi Mokonga.

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.