Ɓalɔ́ma 11:7 - Ɔngana á Kɛ̌kɛ

⁷ A ɓo? Kema nde Ɓaisilaɛ́li ɗáɓáokáɓa, ɗáɓákátɔi ú. Ɓunde gǎkɛ Mokonga ɗáɛsɔmbu ɓáɔtɔa ú. Ɓuangbo gǎkɛ, ɗáɓákátɔki engekisa.

Ɓalɔ́ma 11:7 Iomraidhean Croise

Málikɔ 6:52

Nga, ɗáɓákáengekisi kantíti á ketangaɔ á ɓikisa á mokati, ka nyɔngɔ nde měma aɓɔ ɗátú akpɛ.

Lóka 13:24

«Geani ɓukpɛkpɛ anu ka ngia ka kǐo áɔkɔtɔkana. Nga, nenóngoɗi gea, ɓakpa ɓásii ɓákáɓande ngia kau, ɓákátɔkɛku.

Yoáni 12:40

ɗáebisi ɓakeíme-íme, â phɔtɔ obisa měma aɓɔ akpɛ ka gea, ɓákaɔnaphɛmbɛ, ɓákaúbaphɛmbɛ. Ka nyɔngɔ índɔ unge Mokonga ɗági gea, ɓákaepháiɛmbɛ kuɓî nɛɔ, ka gea te, néamisɛ.

Ɓalɔ́ma 10:3

Nga, ɗáɓákáoúba moangɔ ndea Mokonga ka bisa ɓakpa ɓato á koɗoni mosá akɛ, ɓâ ndiu okáɓa bisa á koɗoni nɛɓɔ sasaɓɔ, ɓákákondɛ ɓeá aphe á koɗoni ndea Mokonga.

Ɓalɔ́ma 11:25

Cɔ, ɓaya, nekondi úbisa anu moangɔ á ɓɔsɔmɛa ndea Mokonga ka gea, ɓóúbɛ gea ɓókó ɓato á kɔɓɔɔngɛ. Nga, Ɓaisilaɛ́li ɓuangbo ɓáikande kángá á ɓeekea. Nndɔ aiphiande na ka ɓî mɔɔmba á ɓakpa ɓunde ɓáná Ɓayúda ɓáamande ka měma.

Ɓalɔ́ma 11:5

A phɔtɔ ɓó ka matú ndee. Ɓakpa ɓábɔa ɓunde Mokonga ɗáɛsɔmbu ka ɓonjánja-ékondi ɓájigi.

Ɓalɔ́ma 3:9

Cɔ, ɓɛ́yɔngɛni ɓoni? Ɓesu Ɓayúda ɓɛɛ́nyɛ́nyi ɓakpa ɓunɛngbo? Tanda phɔ́! Ɓe ye phangi base gea Ɓayúda na ɓunde ɓáná Ɓayúda, ɓesu ɓɔbu ɓe tɔ kusi á kɔkɔta á ɓojeɗe.

Ɓalɔ́ma 6:15

Cɔ, aɓo? Ɓégeɛ ɓojeɗe ka nyɔngɔ nde ɓéké kusi á ɛɔphi, ɓe ndiu kusi á ɓonjánja-ékondi ndea Mokonga? Tanda phɔ́.

Ɓalɔ́ma 9:18

Ande gea te, Mokonga aokonda kuia á nkpa ngomi, áonkuia. A gǎkɛ okonda nkpa áɓɛ na měma akpɛ, nkpa ndɔ áoɓa ně.

Ɓalɔ́ma 9:23

Ɗákondi gǎkɛ áɔnisɛ ɓoombia akɛ phɛɛ ka ɓunde ɗáekui ngomi, ɗáɛɓɔngisigi kpanga kala ka ɓá na ɓoombia ndɔ.

1 Ɓakɔlítɔ 10:19

Cɔ, nɛ́yɔngɛ ye ɓo? Nyama nde ɓáphúi k'ɔ́phɛ́ɔ á ɓamokonga á mbɛa, ande kema sina, kaɓɛ ɓamokonga á mbɛa ana kantíti sina?

2 Ɓakɔlítɔ 3:14

Cɔ, kanisia aɓɔ áosia na ka kesande. Mbenɔ nde ɓáotanga ɓuku á ɔngana á kala, bɔngɔ ndɔ â tɔ oika wa. Bɔngɔ ndɔ ɓáphúiande tɔ ka nkpa nde aɔngani na Kiísito.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

Ɓaɛphɛ́sɔ 1:4

Mokonga ɗásɔsɔmbu mosá á conjá á mokonda ka gea, ɓéɓɛ ɓakpa nɛkɛ ka ɔngana asu na Kiísito ka gea, ɓéɓɛ ɓato á kanga ɓojeɗe na kángá kisɛki mosá akɛ.

Ɓaɛphɛ́sɔ 4:18

na úbapha aɓɔ a tɔ suɓi á kaiphiɔ. Ɓáná na ɔma ka enda nde Mokonga aobikisa nga, ɓánde ɓasɔngɔɗa na ɓá na měma akpɛ.

Ɓaphilípi 1:18

Cɔ, nndɔ nna na nyɔngɔ. Nanga ɓáɓá na maibe-maibe, nanga ɓáɓá na mɔphɛ ánjá, ɓá tɔ ɔtɔmiaga nyɔngɔ á Kiísito. Kaɓondɔ, ne tɔ na maseye, nésikia ɓá na maseye.

Ɓaɛbulanía 12:17

Cɔ, ɓooúba gea te, mbusa í, ɗákondi tɔá á ɓotukɔ ka abakɛ bisia akɛ njaga, abakɛ áoyá. Ɗákátú ye n'aphe á anganisa á moangɔ ndɔ nanga ɓî ɗáokáɓa ú n'aogáma.

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.