Ɓalɔ́ma 11:25 - Ɔngana á Kɛ̌kɛ

²⁵ Cɔ, ɓaya, nekondi úbisa anu moangɔ á ɓɔsɔmɛa ndea Mokonga ka gea, ɓóúbɛ gea ɓókó ɓato á kɔɓɔɔngɛ. Nga, Ɓaisilaɛ́li ɓuangbo ɓáikande kángá á ɓeekea. Nndɔ aiphiande na ka ɓî mɔɔmba á ɓakpa ɓunde ɓáná Ɓayúda ɓáamande ka měma.

Ɓalɔ́ma 11:25 Iomraidhean Croise

Matáyɔ 13:11

Yéso áǒsikisia te: «Ɓo ye tɔi úbapha á nyɔngɔ á ɓɔsɔmɛa á koɓoamɛ á na koba. Ɓɔ gǎkɛ, ɓáká tɔi ú.

Lóka 21:24

Ɓáemowande ɓuangbo na píndí, ɓáǒga na ɓuangbo ka kɔkɔɓɛ ka nji bui. Ɓato á k'ékuna nɛngbo ɓátúkatúkande Yɛusalɛ́ma na ka ɓî mbenɔ á kɔkɔta ndeaɓɔ asungiagande.

Yoáni 10:16

Nena ɓamɔgɔgɔ ɓunɛngbo, ɓunde ɓáká gǎkɛ á k'ékombo ndee. Akeni phɔtɔ nétambisɛ ɓɔ. Ɓáɔ́kande ɛsɔ ani, ɓáɓande ekombo moci na mɓondigi moci.

Ɓalɔ́ma 1:13

Ɓaya, nekondi ɓóubɛ gea, mɔngɔ ásii ɗéobisa moangɔ á gǎ mɔtɛ-anu, na ka kesande kɛ́tɔtɔkisimbɛ. Cɔ, nekondi néɗunguɛ phɔtɔ mbuka á ka měma mɔtɛ-anu, ɓíndɔ ne phɔtɔ ogea ka ɓakpa nde ɓáná Ɓayúda.

Ɓalɔ́ma 11:12

Ka nyɔngɔ á ɓojeɗe ndea Ɓaisilaɛ́li aunge aɛ́tɔisi ɓato á ka mokonda ka měma. Tugbanaga aɓɔ aɛ́tɔisi ɓato á k'ékuna nengbo. Cɔ, ɓonjánja-ékondi aɓande ángbó phɛɛ ka amá á Ɓayúda ɓɔbu ka měma!

Ɓalɔ́ma 11:24

Ɓenu íɓunde ɓókó Ɓayúda ɗoni, ɓo ɓea ntabi á me á Mujɛitúni á k'osaa nnde Mokonga ɗátenigi ú, â gǎkɛ onoɗakatisa ka me ánjá nnde ɗáɓákátúokonaga ɓó. Ɓayúda ɓá ɓea Mujɛitúni á ɗoni nnde ɗáɓákoni, nna akpɛ ka Mokonga tɛisa goto ntabi nde ɗáɓátenigi ka me nɛɓɔ.

Ɓalɔ́ma 12:16

Ɓáni na ɔ́kana sɔsɔɓɛ anu. Ɓókóɓɛmbɛ na měma á ébeba. Ɓáni ndiu na měma édidisa. Ɓókǒbisɛmbɛ ɓea ɓa mɔɔngɛ.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

Ɓalɔ́ma 9:18

Ande gea te, Mokonga aokonda kuia á nkpa ngomi, áonkuia. A gǎkɛ okonda nkpa áɓɛ na měma akpɛ, nkpa ndɔ áoɓa ně.

1 Ɓakɔlítɔ 10:1

Ɓaya, kékondi gea, ɓóɓoseɛ nyɔngɔ ndee: Ka mbenɔ ndea Mósa, ɓatatasu ɗáɓátambi ɓɔbu kusi égugu, na ɗáɓájabi phɔtɔ ɓɔbu ka oɓenge ánjɛ.

1 Ɓakɔlítɔ 12:1

Ɓaya, ɓɛ́yɔngɛni phɔ́ nyɔngɔ á egabɔ ndea Měma á kanga ɓojeɗe nga, nekondi ɓóengekisɛ ú ánjá.

1 Ɓakɔlítɔ 2:7

Nɛɔphɛa kɔɓɔɔngɛ á ɓɔsɔmɛa ndea Mokonga, nnde ɗáɓásɔmi ka ɓakpa. Nga, ɗáangi moangɔ á kɔɓɔɔngɛ ndɔ mosá á conjá á mokonda ka gea, ɓéɓɛ na ɓoombia nɛkɛ.

1 Ɓakɔlítɔ 4:1

Kaɓondɔ, ósobɛɗani ɓea ɓabɛɗanigi ndea Yéso Kiísito, ɓɛɔbɛɗanaga ka tɔ̌mia nyɔngɔ á ɓɔsɔmɛa ndea Mokonga.

Ɓaɛphɛ́sɔ 1:9

Áosóphangia base moangɔ nɛkɛ á ɓɔsɔmɛa ka ɓonjánja, áosuia kala tɔtɔkisa í ka Kiísito.

Ɓaɛphɛ́sɔ 3:9

Ne phɔtɔ óɓúbisa ɓakpa ɓɔbu base kantíti á ɓî Mokonga aɔtɔtɔkisa moangɔ nɛkɛ á ɓɔsɔmɛa. Yɛ Nconji á kema bui ɗásɔ̌mi moangɔ ndɔ kpanga kala.

Ɓaɛphɛ́sɔ 4:18

na úbapha aɓɔ a tɔ suɓi á kaiphiɔ. Ɓáná na ɔma ka enda nde Mokonga aobikisa nga, ɓánde ɓasɔngɔɗa na ɓá na měma akpɛ.

2 Pɛ́tɛɛ 3:8

Ɓenu gǎkɛ ɓadani ékondi, ana kema moci nnde kákeni ɓóɓoseɛ nyɔngɔ ndee: K'íso á Mɔkɔta, esa moci a ɓea saga ɛlɛphu moci (1.000). Saga ɛlɛphu moci (1.000), a ɓea esa moci.

Mphaniɔ 1:20

Kantíti á ɓɔsɔmɛa ka ɓasɛɛngɔa ngianjaga iɓɛ (7) ndɔ ɗɔ́ɔni ka njaga ani á mǔku, na tɛta á ɔbɛa ngianjaga iɓɛ (7) nde ɓáɓɔngisigi na láté a ɓe: Ɓasɛɛngɔa ngianjaga iɓɛ (7) ande ɓamalaéka ndea Mokonga á ka kanisa ngianjaga iɓɛ (7) ndɔɔ. Ɓatɛta á ɔbɛa ngianjaga iɓɛ (7) ndɔ, ande kanisa ngianjaga iɓɛ (7).

Mphaniɔ 10:7

Cɔ, esa nde malaéka ɓa ko ngianjaga iɓɛ (7) asúande gǎkɛ mbengu, Mokonga atɔtɔkisande moangɔ nɛkɛ á ɓɔsɔmɛa, ɓíndɔ ɗɛ́tɔ̌mi ɓabɛɗanigi nɛkɛ, ɓaɔtu-nyɔngɔ.»

Mphaniɔ 11:15

Mpɔ, malaéka ɓa ko ngianjaga iɓɛ (7), áosúa mbengu. Ɛsɔ ángbó áɔɔ́kɛkana n'aotóka na koba gea: «Koɓoamɛ á ka mokonda a ye tɔ ndea Mɔkɔta nɛsu Kiísito na koɓoamɛ nɛkɛ aɓande ka saga na saga!»

Mphaniɔ 7:9

Mbusa á nyɔngɔ ndɔ, nɛ́ɔɔna usɛsɛ ángbó á ɓakpa, nnde nkpa nnaɔtɔka nětangi. Ɓakpa ndɔ ɗáɓátóki ka nji bui, k'ekuna bui, k'ététe á ɓakpa ɓɔbu, na k'ététe á ɛyɔngi bui. Ɗáɓámamege mosá á kankaanga á koɓoamɛ na mosá á Muna-Mɔgɔgɔ. Ɗáɓáɔ́li bɔngɔ éndǎ ábu na ɓábɛɗigi kasa á mbia.