Ɓalɔ́ma 11:22 - Ɔngana á Kɛ̌kɛ

²² Cɔ, ianagani phɔ́ ɓonjánja ndea Mokonga na kokae nɛkɛ. Mokonga aákae ka ɓundɔ ɗáɓágu. Yɛ, a gǎkɛ anjánjá k'óɓɛ aoɓá n'oomɓeekea ka ɓonjánja nɛkɛ. Aoɓá na kógi ɓó, ámbé ɓákotenande phɔtɔ.

Ɓalɔ́ma 11:22 Iomraidhean Croise

Lóka 8:15

Nndɔ agu gǎkɛ ka oɗo ánjá, a ɓea mbenɔ nde ɓakpa ɓáɔɔ́ka Nyɔngɔ á Mokonga, ɓáoamba nyɔngɔ kau ka měma ánjá na měma á ɗoni. Ɓɔ gǎkɛ, ɓáoamba Nyɔngɔ ndɔ k'ésa ásii na gɔmbisa á mbuka.

Yoáni 15:2

Aotena ntabi bui nnde ajúkani n'eme na nnaɔgɔmba. A gǎkɛ ɔɓɔngisiaga nnde aɔgɔmba ka gea te, ágɔmbɛ goto phɛɛ.

Yoáni 8:31

Yéso áǒngoɗea Ɓayúda nde ɗáɓámɓeeki áǒgea: «Aoɓá na ɓoambi nyɔngɔ nɛmɔ, ɓonde ɓagoigi nɛmɔ ɗoni.

Ekuma á ɓateki 11:23

Ajú ye kó, áɔɔna ɓî Mokonga ɗégǐí ɓakpa nɛkɛ ɓonjánja, áoɓá na maseye. Áǒgbagisaga ɓaɓêki ɓɔbu ka měma ka gea ɓámbɛɗaneɛgɛ Mɔkɔta na měma mo.

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ɓalɔ́ma 11:21

Nga, aoɓá Mokonga na ɗákáegami Ɓaisilaɛ́li ɓunde ɓá ɓea ɓantabi á ɗoni ka gea te ɓámɔtɛ, nna gǎkɛ oɓɛ ámbé akoɗeketande ɔ́mɔtɛ.

Ɓalɔ́ma 2:7

Mokonga aeɓophande enda á mɛyɔ, ɓakpa nde ɓásui bɛɗaneaga akɛ na kaɓa obebɔ, ɓokutú na kema nde nna na sungiaga.

1 Ɓakɔlítɔ 15:2

Mbino-Ánjá ndɔ, ande phɔtɔ aphe á ɓoamia anu ka měma, aoɓá na ɓodungi ánjá ka měma ɓíndɔ ɗénɔtɔ̌mi. Kaɓɛ na nna ɓó, ámbé ɓeekea nɛnu a tɔ jǎi.

Ɓagalatía 6:9

Ɓégeɛni kema ánjá kángá ɛla. Nga, aoɓá na ɓékéɛli, ɓeɗunguande ka mbenɔ ndɔ aobika.

1 Ɓatɛsalɔníka 3:5

Kaɓondɔ unge, ɓî ɗékétɔki phiphia á ɓondeaga, kángá á engekisa á ɓeekea nɛnu, ɗénotekisíí Timɔtɛ́ɔ. Nga, ɗéɓángi gea, Ndemigi kanótombɛgɛ mɔnɔ, mmbe ekuma nɛsu mɔtɛ-anu akuwande ecici.

1 Ɓatɛsalɔníka 3:8

Ɓe ye tɔ na ɓukpɛkpɛ ɓî ɓɛɔ́ki gea, ɓo kimoci na Mɔkɔta ka měma.

Ɓaɛbulanía 10:23

Ɓéambɛni akpɛ nseɓeɔ nɛsu nnde ɓɛɔtɔmiaga mosá á ɓakpa nga, Mokonga nnaotinganisa mɔkɔ nɛkɛ.

Ɓaɛbulanía 3:14

Nga, ɓe tɔ oɓá kimoci na Kiísito ámbé ɓeambi akpɛ ɓeekea nde ɗéɓekpangi ně na ka ɓî ɓegande ojúa ka sungiaga.

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

1 Yoáni 2:19

Ɓaɓiɓia ndɔ, ɗáɓátókei mɔtɛ-asu, ɗáɓákátú gǎkɛ ɓunɛsu. Ɗáɓátúoɓá ɓunɛsu, ámbé ɗáɓáiki kimoci na ɓesu. Ɓásoɗeketi gǎkɛ ka gea te, áubikanɛ base gea, ɗáɓákátú ɓunɛsu.

Mphaniɔ 2:5

Cɔ, kanisia phɔ́ tambea akɔ á mosá, kɛ̌kɛnde gǎkɛ, ogu. Cɔ, kětia tambea akɔ ájeɗe, ótambeɛ ɓíndɔ ɗótú otambea mosá. Kaɓɛ na kókěti tambea akɔ ájeɗe, ámbé nekobikiande, néophúia ɔbɛa nɛkɔ k'ɔ́ma í.