Ɓalɔ́ma 11:2 - Ɔngana á Kɛ̌kɛ

² Mokonga ɗákáeyé ɓakpa nɛkɛ ɓundɔ ɗáɛsɔmbu mosá. Ɓókóoúba nyɔngɔ nde Ɓuku á Mokonga ayɔngi k'ɔ́ma nde Elía ɗáge na ntaɓo mɔtɛ á Mokonga ka phɔa á Ɓaisilaɛ́li?

Ɓalɔ́ma 11:2 Iomraidhean Croise

Málikɔ 12:26

Ka nyɔngɔ á jujúka á ɓasí ka kukuwa, ɓókótangimbɛ mɔnɔ suɓi á ɓuku ndea Mósa nyɔngɔ nde Mokonga ɗáyɔngi ka esasa á me nde ɗátúosiɗa? Mokonga ɗákántɔ̌mi Mósa gea te: ‹Nende Mokonga nde ɓa Abalaámu, Mokonga nde ɓa Isáka na Mokonga nde ɓa Yakɔ́ɓɔ.›

Lóka 4:1

Mbusa índɔ Yéso áotóka na Yɔɔdáni n'atúmi na Měma á kanga ɓojeɗe. Měma ndɔ áɔnsɔndɔɛa ka nkanda.

Yoáni 4:11

Mpɔ, nke ndɔ áongoɗea: «Mɔkɔta, kóna kema á dogea na iɓo nga, ntogɔ kau adǔmani. Otóki gǎkɛ na iɓo nde ana enda wani?

Ekuma á ɓateki 13:48

Ɓî ɓundɔ ɓáná Ɓayúda ɓáɔ́ki tɔ nyɔngɔ ndɔ, ɓáoɓá na maseye phɛɛ. Ɓáobeba nyɔngɔ á Mɔkɔta Yéso, na ɓakpa ɓɔbu ɓunde Mokonga ɗáɛsɔmbu ka ɓá na enda á mɛyɔ, ɓáoɓeekea.

Ekuma á ɓateki 15:18

moangɔ nɛkɛ nnde ɗáengekisi kala.›

Ekuma á ɓateki 3:17

Cɔ, ɓaya, neoúba te, ɓenu na ɓakɔta nɛnu, ɗóɓogi ɓojeɗe ndɔ ka kobóbó.

Ekuma á ɓateki 7:40

Ɓáongoɗea ntoɓeigi-phɛ́a Alɔ́ni te: ‹Ɓɔngisiaga k'asu iii á ɓamokonga á mbɛa ɓunde ɓásɔmɛɛande mosá. Nga Mósa, mmbɔ ɗásotókisi na Mísii, ɓékéoúba nyɔngɔ sina nde angui.›

Ɓalɔ́ma 6:16

Ɓoɗigimisi gea, ɓo ye oɓá ɓakɔɓɛ ndea nkpa na ɔ́ka á nyɔngɔ nɛkɛ bui, ɓo ye tɔ ɓakɔɓɛ nɛkɛ. Aoɓá kɔkɔɓɛ á ɓojeɗe, sungiaga í ande kukuwa. Aoɓá n'ande ɓánga á Mokonga, sungiaga í ande enda á ɓonjánja.

Ɓalɔ́ma 9:23

Ɗákondi gǎkɛ áɔnisɛ ɓoombia akɛ phɛɛ ka ɓunde ɗáekui ngomi, ɗáɛɓɔngisigi kpanga kala ka ɓá na ɓoombia ndɔ.

Ɓalɔ́ma 9:6

Kégi gǎkɛ te, mɔkɔ ndea Mokonga ɗákátɔtɔkɛani ka nyɔngɔ nde, nna ɛɓɔkɔti bui á Ɓaisilaɛ́li aunge ɓánde Ɓaisilaɛ́li á ɗoni á ɗoni,

1 Ɓakɔlítɔ 6:2

Ɓókóoúba gea, ɓakpa ndea Mokonga ɓáunge ɓátenaeka nyɔngɔ ndea ka mokonda? Cɔ, ɓî ɓotenaeka ú, ɓɔ́kɔ́ɔtɔka na ɓoteni nyɔngɔ ábɔbɔbɔa?

1 Ɓakɔlítɔ 8:3

Aoɓá nkpa n'ankondi gǎkɛ Mokonga, Mokonga amúbande yɛ.

Ɓaphilípi 1:22

A gǎkɛ oɓá na ne phɔ́tɔ oenda, na nɛɔtɔka tɔtɔkisa á ekuma ánjá, cɔ, kéoúba kau sina nde nɛɔsɔmbɔa.

Ɓaɛbulanía 1:1

Ka mbenɔ á kala, Mokonga ɗáyɔngi na ɓatatasu mɔngɔ ásii na k'ététe ɗanga-ɗanga, k'aphe á ɓaɔtu-nyɔngɔ nɛkɛ.

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.