Ɓalɔ́ma 11:18 - Ɔngana á Kɛ̌kɛ

¹⁸ Kaɓondɔ unge, kɔ́ɔtɔka n'ɔɓɛnjigi ɓantabi nde ɓátenigi. Ǒbebande k'éke? Nna oɓɛ aámbé okumbi mǐgi. Mǐgi ndiu unge aokumbi.

Ɓalɔ́ma 11:18 Iomraidhean Croise

Matáyɔ 26:33

Pɛ́tɛɛ áongoɗea te: «Nanga ɓadani ɓɔbu ɓákosaga, eme kékosagɛeka gǎkɛ.»

Yoáni 10:16

Nena ɓamɔgɔgɔ ɓunɛngbo, ɓunde ɓáká gǎkɛ á k'ékombo ndee. Akeni phɔtɔ nétambisɛ ɓɔ. Ɓáɔ́kande ɛsɔ ani, ɓáɓande ekombo moci na mɓondigi moci.

Yoáni 4:22

Ɓenu Ɓasamalía, ɓókóoúba nnde ɓooɗokomisa. Ɓesu Ɓayúda, ɓeoúba nnde ɓeoɗokomisa ka nyɔngɔ nde, ɓoamia á ka měma atóki mɔtɛ-asu.

Ekuma á ɓateki 25:7

Ɓî Pɔ́lɔ ajú, Ɓayúda ɓunde ɓátóki na Yɛusalɛ́ma, ɓáontimba, ɓáɔntɔnga akpɛ phɛɛ. Ɓákatɔkɛ gǎkɛ engekisa á koɗoni á ɓojeɗe nde ɓántɔngi kau.

Ɓalɔ́ma 11:20

Eya a ɓó! Mokonga ɗáetenigi ka nyɔngɔ á kanga ɓeekea nɛɓɔ. Oɓɛ oiki gǎkɛ súa ka nyɔngɔ á ɓeekea. Kǒbebɛmbɛ, ɓá ndiu na ɓánga.

Ɓalɔ́ma 3:27

Cɔ, ɓena kema nde ɓeǒbeba ně? Tanda phɔ́. Ka ɓo? Ka nyɔngɔ nde kema nde ana kantíti nna ɛɔphi, a ndiu ɓeekea.

Ɓalɔ́ma 4:16

Kaɓondɔ, ɓɛtɔí gǎkɛ tɔ ɓotukɔ ndɔ ka nyɔngɔ á ɓeekea, ka gea te, mɔkɔ ndea Mokonga áɓɛ ka nyɔngɔ á ɓonjánja-ékondi nɛkɛ. Mpɔ, áoúbikana ɗoni gea, mɔkɔ ndɔ ande ka phɔa á ɓato á k'ɛɓɔkɔti bui ndea Abalaámu. Ande gea, nna tɔndɔ ka ɓunde ɓáoamba ɛɔphi, a ndiu phɔtɔ ka ɓunde ɓá na ɓeekea ɓea Abalaámu, mmbé ande tatasu ɓesu ɓɔbu.

1 Ɓakɔlítɔ 10:12

Cɔ, nkpa nde aokanisia gea te, amame, éambɛ. Kaguɛ mɔnɔ.

Ɓagalatía 3:29

Aoɓá na ɓonde ɓakpa ndea Kiísito, ɓo ye tɔ ɓato á k'ekombo ndea Abalaámu. Ɓonde ɓamɛna-ɓotukɔ ɓíndɔ Mokonga ɗáɔku.