Ɓalɔ́ma 11:14 - Ɔngana á Kɛ̌kɛ

¹⁴ Neseɓei bisisa á ɓato á k'ékuna nɛmɔ na nsengo ka amisa ka ɓɔ.

Ɓalɔ́ma 11:14 Iomraidhean Croise

Ɓalɔ́ma 10:19

Nekoúsi goto, Ɓaisilaɛ́li ɗáɓákáengekisi ú? Mosá, Mokonga ɗán'yɔngisi Mósa gea: «Nenóbisande ɓato á nsengo ka phɔa ɓakpa nde ɓáká ɓato á ekuna ɗoni. Nenóbisande ɓato á esúia gǔ á ekuna nde ɓáná na úbapha.»

Ɓalɔ́ma 11:11

Cɔ, negie, Ɓaisilaɛ́li ɗáɓáɓɛtɛkani tɔ na gúa aɓɔ ɗoni? Nndakɛ! Ka nyɔngɔ á ɓojeɗe nɛɓɔ unge ɓato á k'ékuna nengbo ɓáami gǎkɛ ka měma, ka kusisa aɓɔ na nsengo.

Ɓalɔ́ma 9:3

Nɛtɔ́ɔni ánjá Mokonga ámɔsɛmɛɛgɛ na nékatanɛ na Kiísito ka nyɔngɔ á ɓana-ayi íɓundɔ nɛɓɔkɔtɛani na ɓɔ.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 10:33

Eme Pɔ́lɔ, neókondisaga na ɓakpa ɓɔbu ka nyɔngɔ bui. Kéokáɓa ɓonjánja nɛmɔ sasani, ne ndiu okaɓa ɓonjánja ka ɓakpa ɓɔbu gea te, Mokonga éamisɛ ka měma.

1 Ɓakɔlítɔ 7:16

Cɔ, oɓɛ nke-mɓêki, ooúba gea, onamisande munyakɔ ɗoni? Oɓɛ mǒko-mɓêki, ooúba gea, onamisande nkakɔ ɗoni?

1 Timɔtɛ́ɔ 1:15

Nyɔngɔ á ɗoni nde akeni na ɓeekea í aungee: Ambe ɓakpa ɓɔbu ɓáɓeekeɛ phɔtɔ gea, Kiísito Yéso ɗábiki ka mokonda k'aphe á amisa á ɓato á ɓojeɗe. Eme nende nto á ɓojeɗe á k'ama mosá-mosá ka ɔlɔ aɓɔ.

1 Timɔtɛ́ɔ 2:4

Nga, yɛ akondi ɓakpa ɓɔbu ɓáamɛ ka měma, ɓáúbɛ ɗoni.

1 Timɔtɛ́ɔ 4:16

Cɔ, oɓɛ óenga sasakɔ, ka tambea akɔ na ɓɔphɛi nɛkɔ, ótétemanɛ kau. Nga, oogea ɓó, ǒamisande sasakɔ na amisa á ɓundɔ ɓáɔkɔɔ́ka.

2 Timɔtɛ́ɔ 1:9

Yɛ aámbé, ɗásóamisi ka měma, áɔsɔ́ɔphana gea, ɓéɓɛ ɓakpa nɛkɛ, nna ka nyɔngɔ á ekuma nɛsu, a ndiu tɔ ka nyɔngɔ á moangɔ nɛkɛ sasakɛ na ɓonjánjá-ékondi nɛkɛ. Nndɔ bui, ɗásóphi kimoci na Kiísito Yéso, mosá á conjá á mokonda.

2 Timɔtɛ́ɔ 2:10

Kaɓondɔ unge, nephiphíí tambaga bui ka nyɔngɔ á ɓakpa nde Mokonga ɛ̌sɔmbu ka gea, Yéso Kiísito éamisɛ phɔtɔ ɓɔ ka měma na tɔá á ɓoombia á mɛyɔ.

Títɔ 3:5

áosóamisa ka měma. Nna gǎkɛ ka nyɔngɔ á ekuma ánjá nɛsu nnde ɓɛtɔtɔkisi unge agi ně ɓó, a ndiu ka kuia asu ngomi. Ɗásóamisi ka měma ka opha asu enda á kɛ̌kɛ ka iɓo á oɓatisɔ na Měma á kanga ɓojeɗe.

Philɛmɔ́nɔ 1:12

Cɔ, nenjisi mɔtɛ-akɔ, yɛ, a ye tɔ phaeka á měma ani.

Ɓaɛbulanía 1:14

Cɔ, ɓamalaéka ɓánde ɓaani? Ɓɔbu ɓá tɔ ɔmbɛɗaneaga Mokonga. Yɛ aǒteka ka enga ɓakpa nde ɓátɔande ɓoamia á ka měma.

Ɓaɛbulanía 2:3

Cɔ, ɓeúkande tena á nyɔngɔ ndeasu akpɛ ɓo, kaɓɛ na ɓɛɓɛnjigi nyɔngɔ ángbó á ɓoamia ɓínde? Nga, nyɔngɔ ndɔ Mɔkɔta aámbé ɗákpangi tɔ̌mia í, mpɔ ɓunde ɗáɓáɔ́ki ɓáoengekisa ka ɓesu.

Yakɔ́ɓɔ 5:20

Úbani gea: Mmbé ankiɗianisi nto á ɓojede k'aphe ánjá, anamisande ka kukuwa na ɓáímande ɓojeɗe nɛkɛ ásii.