Ɓalɔ́ma 10:9 - Ɔngana á Kɛ̌kɛ

⁹ Aoɓá n'ɔyɔngi k'aphenɔkɔ akɔ sisakɔ mosá á ɓakpa gea, Yéso ande Mɔkɔta na ɓeekea ka měma akɔ gea, Mokonga ɗánjujúkisi ka kukuwa sɔsɔɓɛ á ɓasí, oamande ka měma.

Ɓalɔ́ma 10:9 Iomraidhean Croise

Lóka 12:8

«Nenogie, mmbé amoɗigimisíí nyɔngɔ base mosá á ɓakpa, eme Muna-Nkpa nenɗigimisiaeka phɔtɔ base mosá á ɓamalaéka ndea Mokonga.

Yoáni 9:22

Ɓaɓɔkɔti akɛ ɗáɓáyɔngi ɓó ka nyɔngɔ nde ɗáɓáǒɓanga Ɓayúda. Nga, Ɓayúda ɗáɓáɔ́kani gea, nkpa nde aoɓeekea gea Yéso ande Kiísito, ɓámɓeagande k'éndu á madondanɔ ndea Ɓayúda ka nyɔngɔ á Mokonga.

Ekuma á ɓateki 16:31

Ɓáonsikisia te: «Mɓeekea Mɔkɔta Yéso, mpɔ oamande, oɓɛ n'ekombo nɛkɔ.»

Ekuma á ɓateki 2:24

Mokonga â gǎkɛ onjujukisa ka kukuwa, áonkoɗaga ka kokae á kukuwa. Nga, kukuwa ɗákátú na ɓukpɛkpɛ á tɔka akɛ.

Ekuma á ɓateki 2:32

Yéso ndɔ tɔ aámbé Mokonga ɗánjujúkisi ka kukuwa. Ɓesu ɓɔbu ɓende ɓaɗigimisi á nyɔngɔ ndɔɔ.

Ekuma á ɓateki 8:36

Ɓáotútuisa tamba nɛɓɔ, ɓáokiɗia k'ɔ́ma nde ɗátú na iɓo. Mbɛɗanigi angbóngbó ndɔ â gǎkɛ ongea te: «Cɔ, iɓo ungee, ekende aomoimisia oɓatisɔ?» [

Ɓalɔ́ma 10:10

Nga, nkpa aoɓeekea ka měma akɛ, Mokonga áombisa nto á koɗoni, anamisande mmbé aɔyɔnga k'aphenɔkɔ akɛ sisakɛ mosá á ɓakpa.

Ɓalɔ́ma 14:11

Ka nyɔngɔ nde ɓáɗundu suɓi á Ɓuku á Mokonga gea: «Eme Mɔkɔta mmbé neoenda nɛyɔngi gea, nkpa na nkpa agbukande muanku akɛ mosá ani na ɓɔbu ɓámbebande Mokonga.»

Ɓalɔ́ma 14:9

Ka nyɔngɔ índɔ unge, Kiísito ɗáku na enda goto ka gea, áɓɛ Mɔkɔta á ɓasí na ɓunde ɓáoenda.

Ɓalɔ́ma 4:24

A ndiu phɔtɔ ka phɔasu íɓunde Mokonga asotangande ɓato á koɗoni, ɓesu íɓunde ɓemɓeeki Mokonga gea, ɗánjujúkisi Mɔkɔta nɛsu Yéso ka kukuwa sɔsɔɓɛ á ɓasí.

Ɓalɔ́ma 8:34

Ani mmbé aɔtɔka n'ateni nyɔngɔ nɛɓɔ akpɛ? Nna tanda na nkpa mo. Nga, Kiísito Yéso aámbé ɗáku, gǔ índɔ, áojujuka ka kukuwa, aiki ka njaga á mǔku á Mokonga n'a phɔtɔ ɔmɛma ka phɔasu.

1 Ɓakɔlítɔ 12:3

Kaɓondɔ unge, nekondi ɓóúbɛ base gea, mmbé aɔyɔnga na ɓukpɛkpɛ á Měma á Mokonga nnaɔtɔka n'ayɔngi gea: «Ámbé ɓánsɛmɛigi phɔ́ Yéso.» Na nna na nkpa nde aɔtɔka n'ayɔngi gea: «Yéso ande Mɔkɔta», Měma á kanga ɓojeɗe na kángoisigi.

Ɓaphilípi 2:11

Mpɔ, nkpa buakɛ áɔtɔmiaga base gea, Yéso Kiísito ande Mɔkɔta, ka ɓoombia ndea Abɛ Mokonga.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

1 Yoáni 4:15

Nkpa buakɛ mmbé aɓeeki gea te, Yéso ande Muna-Mokonga, Mokonga aiki suɓi akɛ, yɛ áoika suɓi á Mokonga.

2 Yoáni 1:7

Nga, ɓademigi ɓásii ɓándandi ka mokonda. Ɓáná gǎkɛ oɓeekea gea, Yéso Kiísito ɗáɓɔkɔtɛani nkpa ɗoni. Ka nyɔngɔ índɔ unge odemayɔ nɛɓɔ aɔnɛkani, ɓánde phɔtɔ ɓaɓiɓia ndea Kiísito.