Ɓalɔ́ma 10:2 - Ɔngana á Kɛ̌kɛ

² Eya, neɗigimisi ka phɔaɓɔ gea, ɓána moíngi ka bɛɗaneaga á Mokonga. Moíngi kau a ndiu kángá á úbapha.

Ɓalɔ́ma 10:2 Iomraidhean Croise

Yoáni 16:2

Nga, ɓánoɓeagande k'éndu á madondanɔ ndea Ɓayúda ka nyɔngɔ á Mokonga. Aɓande na mbenɔ nde ɓundɔ ɓánomande, ɓákanisiande gea, ɓáɔmbɛɗaneaga Mokonga.

Ekuma á ɓateki 21:20

Ɓî ɓáɔ́ki ye nyɔngɔ ndea Pɔ́lɔ, ɓáombeba Mokonga na ngoɗea Pɔ́lɔ te: «Moko, ɔɔna ɓî Ɓayúda ɓásii phɛɛ ɓámɓeeki Mokonga na ɓî ɓɔbu ɓásui amba ɛɔphi.

Ekuma á ɓateki 21:28

Ɓáokoga gea: «Ɓǒko á ka Isilaɛ́li, ósoengani ee! Nkpa nde, yɛ aámbé aǒgoisaga ɓakpa ɓɔbu ɔma bui, nyɔngɔ nde atingani n'índe á Ɓayúda n'ɛɔphi ndea Mósa n'índe á k'ɔma ndee. Goto, aǒngisa ɓakpa nde ɓáná Ɓayúda suɓi éndu á Mokonga na jɔɔkisa ɔma á kanga ɓojeɗe ndee.»

Ekuma á ɓateki 22:22

Ɓakpa ɓáɔɔ́ka nyɔngɔ nde Pɔ́lɔ ɗáɔyɔnga na ka ɓî ɗáge ɔyɔnga nyɔngɔ á ɓato á k'ékuna nɛngbo, mpɔ ɓáokoga n'ɛsɔ akpɛ gea: «Nímani mogáa ndɔɔ, kákeni áendɛ ka mokonda ndee.»

Ekuma á ɓateki 22:3

«Eme, nende Moyúda, nɛɓɔkɔtɛani ka Táasɔ, ntanga-nji moci á ka Kilikía. Nɛmɔti gǎkɛ ka ntanga-nji á ka Yɛusalɛ́ma. Ka njaga á Gamaliɛ́li aunge negoigi ámbá ɛ́ɔphi ndea ɓatatasu bîbíbí, néoɓá nto á moíngí ka Mokonga ɓea ɓenu ɓɔbu kesande.

Ɓalɔ́ma 10:1

Ɓaya, mɔphɛ á ka měma ani na ɛmɛmi nɛmɔ ka Mokonga ka phɔa Ɓayúda ande gea, ɓáamɛ ka měma.

Ɓalɔ́ma 10:3

Nga, ɗáɓákáoúba moangɔ ndea Mokonga ka bisa ɓakpa ɓato á koɗoni mosá akɛ, ɓâ ndiu okáɓa bisa á koɗoni nɛɓɔ sasaɓɔ, ɓákákondɛ ɓeá aphe á koɗoni ndea Mokonga.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

2 Ɓakɔlítɔ 4:6

Ɓî Mokonga ɗáconji mokonda, ɗáyɔngi: «Owanga ábɛnyɛ ka keiphe.» Yɛ aámbé abɛnyisi phɔtɔ owanga ndɔ suɓi á měma asu. Ka opha asu úbapha nde ɓoombia nɛkɛ aɔbɛnyisa keongi á Kiísito. Nyɔngɔ ndɔ unge ɓeokaɓa úbisa á ɓakpa, n'ande nyɔngɔ á ɓoombia á Mokonga.

2 Ɓakɔlítɔ 8:3

Ɗɛɔni n'íso ani sasani ɓî ɓáphúi imɔna na ɓukpɛkpɛ nɛɓɔ bui. Mbusa, ɓâ goto ophúia ásii phɛɛ kángá á sosea aɓɔ.

Ɓagalatía 1:14

Eya, ɗégoigi nyɔngɔ ésomba ndea Ɓayúda kɔ̌nyɛ́nya ɓamoenga ani. Ɗétú na moíngí phɛɛ kɔ̌nyɛ́nya ɓɔ ka unia asii ndea ɓatatasu.

Ɓagalatía 4:15

Ɗóɓotúmi na maseye phɛɛ! Cɔ, eke ye goto? Nenogie, ɗátúoɓá n'atɔtɔkɛani, ámbé ɗóɓóphúigi mbuk'íso anu, ɓóomopa.

Ɓaphilípi 1:9

Cɔ, ɛmɛmi nɛmɔ ka Mokonga a ɓe: Ekondani nɛnu áɓikɛ phɛɛ, ɓóúbaphɛ na ɓá na kɔɓɔɔngɛ phɛɛ

Ɓaphilípi 3:6

Ɗétú na nténdé á tambisaga á kanisa phɛɛ. Ɗékétú na oyeyɔ ka nyɔngɔ á amba ɛɔphi ndea Mósa.

Ɓakɔlɔsái 4:13

Nende nɗigimisi nɛkɛ k'ékuma akpɛ bui nde aɔ̌bɛɗaneaga ɓato á ka Laɔdikía na Iɛlapɔ́li.