Ɓalɔ́ma 10:19 - Ɔngana á Kɛ̌kɛ

¹⁹ Nekoúsi goto, Ɓaisilaɛ́li ɗáɓákáengekisi ú? Mosá, Mokonga ɗán'yɔngisi Mósa gea: «Nenóbisande ɓato á nsengo ka phɔa ɓakpa nde ɓáká ɓato á ekuna ɗoni. Nenóbisande ɓato á esúia gǔ á ekuna nde ɓáná na úbapha.»

Ɓalɔ́ma 10:19 Iomraidhean Croise

Ɓalɔ́ma 10:18

Nemáogea: Ande gea te, Ɓayúda ɗáɓákáɔ́ki mɔnɔ ka mbino kau? Eya, ɗáɓáɔ́ki! Ɓuku á Mokonga agi: «Ɛsɔ á ɓatɔmigi-mbino ɗáɔ́kɛkani k'ɔ́ma bui ka mokonda, mbino nde ɗáɓáɔtɔmiaga áɔɛmba mokonda bui.»

Ɓalɔ́ma 11:11

Cɔ, negie, Ɓaisilaɛ́li ɗáɓáɓɛtɛkani tɔ na gúa aɓɔ ɗoni? Nndakɛ! Ka nyɔngɔ á ɓojeɗe nɛɓɔ unge ɓato á k'ékuna nengbo ɓáami gǎkɛ ka měma, ka kusisa aɓɔ na nsengo.

Ɓalɔ́ma 11:14

Neseɓei bisisa á ɓato á k'ékuna nɛmɔ na nsengo ka amisa ka ɓɔ.

Ɓalɔ́ma 3:26

Ka nyɔngɔ á ngomi nde Mokonga aně, yɛ ɗákondi phangia koɗoni nɛkɛ ka matú ndee. Ka gea akɛ ɓó, aunge áontanga nto á koɗoni nkpa buakɛ mmbé amɓeeki Yéso.

1 Ɓakɔlítɔ 1:12

Nekondi ngoɗea anu ɓe: Sɔsɔɓɛ anu, nkpa na nkpa aɔyɔnga yɔnga ínɛkɛ gea: «Eme, nende nkpa nde ɓa Pɔ́lɔ.» Ɓaangbo: «Eme nende ɓa Apɔ́lɔ.» Ɓaangbo: «Eme nende ɓa Pɛ́tɛɛ.» Na ɓaangbo «Eme nende ɓa Kiísito.»

1 Ɓakɔlítɔ 10:19

Cɔ, nɛ́yɔngɛ ye ɓo? Nyama nde ɓáphúi k'ɔ́phɛ́ɔ á ɓamokonga á mbɛa, ande kema sina, kaɓɛ ɓamokonga á mbɛa ana kantíti sina?

1 Ɓakɔlítɔ 11:22

Cɔ, ɓókó n'endu nde anokeni ka eaga na noa kau? Ɓootondea kanisa ndea Mokonga, na konda á kusa na soni ɓakpa nde ɓáká na kema ee? Nénongoɗeɛ ɓo? Nénobebɛ? Kétanda onobeba k'índɔ.

1 Ɓakɔlítɔ 12:2

Ɓooúba gea, mbenɔ nde ɗóɓókómúbimbɛ Mokonga, nyɔngɔ á ɓamokonga á mbɛa ɓunde ɓánáɔyɔnga, ɗátúonóɓotea na ɓúngisaga anu.

1 Ɓakɔlítɔ 15:50

Ɓaya, negie: Nnde ɓáconji na nyama na magia nnaɔtɔka n'angí ka koɓoamɛ ndea Mokonga, na kema nde aoújukana, nnaɔtɔka n'aiki kanga újukana.

1 Ɓakɔlítɔ 7:29

Ɓaya, nnde nɛyɔngi a ɓe: Mbenɔ kájigi ye ásii. Cɔ, kpangá á kɛ̌kɛnde, ɓakpa nde ɓána ɓake, ɓáikɛ ɓea ɓakpa nde ɓáná na ɓake.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

1 Pɛ́tɛɛ 2:10

Kala, ɗóɓókótú ɓato á k'ékombo ndea Mokonga, kɛ̌kɛnde, ɓo ye tɔ ekombo nɛkɛ. Kala, Mokonga ɗákáonókuia ngomi, kɛ̌kɛnde gǎkɛ, a ye tɔ onókuia ngomi.