Ɓalɔ́ma 10:17 - Ɔngana á Kɛ̌kɛ

¹⁷ Nga ɓeekea aotóka k'índe nkpa aɔ́ki. Mbino kau aotóka ká ɓɔphɛi ndea Kiísito.

Ɓalɔ́ma 10:17 Iomraidhean Croise

Málikɔ 4:24

Mpɔ, Yéso áǒgea te: «Óengani na nyɔngɔ nde ɓɔɔɔ́ka. Moangɔ nde ɓɔɔbɛɗa ka tena á nyɔngɔ á ɓakpa ɓunɛngbo aunge Mokonga abɛɗande ka tena á nyɔngɔ ínɛnu. Ayameande phɔtɔ.

Lóka 11:28

Yéso â gǎkɛ ǒsikisia gea: «Maseye a ndiu ka ɓundɔ ɓáɔɔ́ka nyɔngɔ á Mokonga na tɔtɔkisa í.»

Lóka 8:11

Cɔ, kantíti á mɛní ndɔ a ɓe: Mbó ndɔ ande Nyɔngɔ á Mokonga.

Lóka 8:21

Yéso â gǎkɛ ǒsikisia: «Ayi na ɓana-ayi, ɓánde ɓundɔ ɓáɔɔ́ka nyɔngɔ á Mokonga na tɔtɔkisa í.»

Yoáni 1:37

Ɓî ɓagoigi ɓaɓɛ ndɔ ɓáɔ́ki ye ɓó, ɓâ ye tɔ omɓea Yéso.

Ɓalɔ́ma 1:16

Cɔ, kéokuwa na soni ka tɔ̌mia Mbino-Ánjá nga, ande ɓukpɛkpɛ nde Mokonga aɔbɛɗaneaga ka amisa nkpa buakɛ mmbé aomɓeekea Yéso. A phɔ́ kǒamisa Ɓayúda, mbusa í, â phɔtɔ ǒamisa ɓunde ɓáná Ɓayúda.

Ɓalɔ́ma 10:14

Cɔ, ɓáɔphaneande ina akɛ ɓó na ɓákámɓeeki? Na ɓámɓeekeande ɓo na ɓákámɔ́ki nkpa n'aɔtɔmiaga mbino nɛkɛ? Na ɓáɔ́kande ɓo aoɓá na nkpa kátɔ̌migi ú?

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

Ɓagalatía 3:2

Cɔ, ómongoɗeani phɔ́, ɗɔ́ɓɔtɔi Měma á Mokonga ka nyɔngɔ nde ɗóɓoambi ɛɔphi na nna tɔ ka nyɔngɔ á ɔ́ka Mbino-Ánjá ndea Mokonga na ɓeekea í?

Ɓagalatía 3:5

Ɓî Mokonga anophi Měma akɛ, â phɔtɔ ɔtɔtɔkisa ketangaɔ sɔsɔɓɛ anu. Cɔ, aogea ɓondɔ ka nyɔngɔ nde ɓooamba ɛɔphi kaɓɛ ka nyɔngɔ nde ɓɔɔ́ka Mbino-Ánjá ndea Mokonga na ɓeekea í?

Ɓakɔlɔsái 3:16

Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.

1 Ɓatɛsalɔníka 2:13

Ɓe phɔtɔ onsega Mokonga esa bui, ka nyɔngɔ nde, ɓî ɗéɓenɔ́tɔ̌migi Mbino-Ánjá ndea Mokonga, ɓɔ́ɔɔ́ka, ɓóoɓeekea gea: «Ande nyɔngɔ á Mokonga. Nna nyɔngɔ á kokpa.» Cɔ, ande ɗoni anu. Nga, nyɔngɔ á Mokonga angí ka mɛngɛ anu, ɓenu ɓaɓêki.

Ɓaɛbulanía 4:2

nga, ɗéɓeɔ́ki tɔ nyɔngɔ ánjá ɓea ɓundɔ ɗáɓátú ka nkanda. Ɓɔ ɗáɓáɔ́ki ú, kěengɛ tanda ka kema moci, ka nyɔngɔ nde ɗáɓákáɓeekeani na ɓunde ɗáɓáɔ́ki nyɔngɔ ndɔɔ.

1 Pɛ́tɛɛ 1:23

Cɔ, ɓɔɓɔkɔtɛani mɔngɔ á koiɓɛ, nna ka mbó á kokpa nnde aokuwa, a ndiu ka mbó nde nnaokuwa, ande gea, nyɔngɔ á Mokonga nnde aoenda mɛyɔ.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.