Ɓalɔ́ma 10:12 - Ɔngana á Kɛ̌kɛ

¹² Cɔ, Ɓayúda na ɓunde ɓáná Ɓayúda ɓákátingani nga, ɓɔbu ɓá tɔ na Mɔkɔta moci nga, yɛ aogaba ɛtɔi nɛkɛ ka ɓakpa ɓɔbu ɓunde ɓáɔɔphanea ina akɛ.

Ɓalɔ́ma 10:12 Iomraidhean Croise

Ekuma á ɓateki 7:59

Na ɓá phɔ́tɔ ɔmɓɛta Sɛtɛphánɔ n'ɛtɛ, yɛ áɔmɛma ɓe: «Mɔkɔta Yéso, bɛɗa měma ani!»

Ekuma á ɓateki 9:14

Ɓagbɛga á ɓatoɓeigi-phɛ́a, ɓámophi kɔkɔta ka bika dunga á ɓakpa ɓɔbu ɓunde ɓáɔmɛma Mokonga k'ína akɔ.»

Ɓalɔ́ma 14:9

Ka nyɔngɔ índɔ unge, Kiísito ɗáku na enda goto ka gea, áɓɛ Mɔkɔta á ɓasí na ɓunde ɓáoenda.

Ɓalɔ́ma 15:12

Isáya ayɔngi phɔtɔ gea: «Ka ɓato á k'ékombo ndea Yɛ́sɛ akiɗianande na motumbɔ á kɔkɔta gǔ á ɓunde ɓáná Ɓayúda. Ɓɔ, ɓábisande nseɓeɔ nɛɓɔ ka yɛ.»

Ɓalɔ́ma 2:4

Goto, oɓɛ ɔɔmɓɛnjiaga Mokonga ímbe aanjánjá phɛɛ, mmbé ana měma aphɔngɔ na měma á phiphia. Kóoúba gea, ngomi ndea Mokonga aokotútuisa ka kětia á tambea akɔ ájeɗe?

Ɓalɔ́ma 3:22

Ɓakpa ɓɔbu ɓunde ɓámɓeeki Yéso Kiísito ɓáunge Mokonga aǒtanga ɓato á koɗoni mosá akɛ kángá oɓayɔ.

1 Ɓakɔlítɔ 15:47

Mokonga ɗánconji nkpa ɓa k'ama mosá-mosá na oɗo. Nkpa ɓa ko baɓɛ, Kiísito ɗátóki gǎkɛ na koba.

2 Ɓakɔlítɔ 8:9

Nga, ɓo ye oúba ɓonjánja-ékondi ndea Mɔkɔta nɛsu Yéso Kiísito: Yɛ, ɗátú ntɔi, áǒbisa nto á ɓuyɛnɛ ka nyɔngɔ anu, ka gea te, ɓóɓɛ ɓatɔi ka ɓeana na ɓuyɛnɛ nɛkɛ.

Ɓagalatía 3:28

Oɓayɔ nna ye sɔsɔɓɛ á Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓǒko na ɓake. Ɓenu ɓɔbu ɓonde moci suɓi á Yéso Kiísito.

Ɓaɛphɛ́sɔ 1:7

K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

Ɓaɛphɛ́sɔ 2:4

Mokonga a gǎkɛ na ngomi ka ɓesu phɛɛ, ka nyɔngɔ ékondi ángbó nde ɗásókondi ně.

Ɓaɛphɛ́sɔ 2:7

Kaɓondɔ, ka ɔnisa ɓonjánja-ékondi nɛkɛ ka ɓesu ka ɛɓɔkɔti bui nde abikaeka suɓi á Kiísito, aunge Mokonga ɗákondi phangia ɓongbóngbó á ɓonjánja-ékondi nɛkɛ.

Ɓaɛphɛ́sɔ 3:16

Nɛɔmɛma Mokonga gea te, ánogbagisɛgɛ ka měma, ɓî ana ɓoombia ángbó. Mpɔ, ɓóoɓá ɓakiísito ɓákpɛkpɛ.

Ɓaɛphɛ́sɔ 3:6

Nyɔngɔ á ɓɔsɔmɛa kau aungee: Ka nyɔngɔ á Mbino-Ánjá aunge Ɓayúda na ɓunde ɓáná Ɓayúda ɓátɔande ɓotukɔ nde Mokonga aebisíí ɓakpa nɛkɛ. Ɓátóki tɔ ka nyama mo, mɔkɔ ndɔ Mokonga ɗábisi ka Yéso Kiísito, a tɔ ka ɓɔ.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

Ɓaphilípi 2:11

Mpɔ, nkpa buakɛ áɔtɔmiaga base gea, Yéso Kiísito ande Mɔkɔta, ka ɓoombia ndea Abɛ Mokonga.

Ɓaphilípi 4:19

Mokonga nɛmɔ anóphande kema bui nde ɓonasiki í, ka ɓeana na ɓoombia á ɛtɔi nɛkɛ k'aphe ndea Kiísito Yéso.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.

1 Timɔtɛ́ɔ 2:5

Mokonga a tɔ mo. Mɔɔnganisi á ɓakpa na Mokonga a tɔ mo, n'ande nkpa, Kiísito Yéso,

Mphaniɔ 17:14

Ɓɔ, ɓámanande na Muna-Mɔgɔgɔ. Muna-Mɔgɔgɔ aékíndande ka nyɔngɔ nde ande Mɔkɔta ndea ɓakɔta na Moamɛ ndea ɓaamɛ. Akíndande kimoci na ɓunde ɗáɛɓɔphani, ɗáesombi na ɓunde ɓámɓeeki.»

Mphaniɔ 19:16

Ɗáɓáɗundu ka bɔngɔ nɛkɛ na ka kɛbɛ akɛ ina ndee: «Moamɛ ndea ɓaamɛ na Mɔkɔta ndea ɓakɔta.»