Ɓalɔ́ma 10:10 - Ɔngana á Kɛ̌kɛ

¹⁰ Nga, nkpa aoɓeekea ka měma akɛ, Mokonga áombisa nto á koɗoni, anamisande mmbé aɔyɔnga k'aphenɔkɔ akɛ sisakɛ mosá á ɓakpa.

Ɓalɔ́ma 10:10 Iomraidhean Croise

Málikɔ 9:23

Yéso áonsikisia te: «Ogi te, aoɓá n'ɔtɔkande ka kema ka ɓo? Cɔ, kema bubui aɔtɔtɔkɛana ka nkpa nde ana ɓeekea.»

Lóka 8:15

Nndɔ agu gǎkɛ ka oɗo ánjá, a ɓea mbenɔ nde ɓakpa ɓáɔɔ́ka Nyɔngɔ á Mokonga, ɓáoamba nyɔngɔ kau ka měma ánjá na měma á ɗoni. Ɓɔ gǎkɛ, ɓáoamba Nyɔngɔ ndɔ k'ésa ásii na gɔmbisa á mbuka.

Ekuma á ɓateki 8:37

Philípɔ áongea: «Kaɓɛ n'oɓeeki ka měma akɔ bui, ɓáɔtɔka na ɓákoɓatisi.» Mpɔ nkpa ndɔ áonjisia: «Neɓeeki gea te Yéso Kiísito ande Muna-Mokonga.»]

Ɓalɔ́ma 10:11

Kaɓondɔ, Ɓuku á Mokonga agi: «Nkpa buakɛ mmbé amɓeeki, kákuwɛku na soni.»

Ɓalɔ́ma 10:9

Aoɓá n'ɔyɔngi k'aphenɔkɔ akɔ sisakɔ mosá á ɓakpa gea, Yéso ande Mɔkɔta na ɓeekea ka měma akɔ gea, Mokonga ɗánjujúkisi ka kukuwa sɔsɔɓɛ á ɓasí, oamande ka měma.

Ɓagalatía 2:16

Ɓeoúba gea, nna ka nyɔngɔ á amba ɛɔphi unge aombisa nkpa nto á koɗoni mosá á Mokonga. A ndiu tɔ ka nyɔngɔ á ɓeekea Yéso Kiísito. Ɓesu phɔtɔ, ɗéɓemɓeeki Kiísito Yéso ka gea te, ɓéúbukanɛ gea ɓende ɓato á koɗoni. Ɗéɓeúbukani gea ɓende ɓato á koɗoni ka ɓeekea Kiísito, nna ka nyɔngɔ á amba ɛɔphi. Nga, nna na nkpa nde aɓande nto á koɗoni mosá á Mokonga ka nyɔngɔ á amba ɛɔphi.

Ɓaphilípi 3:9

na ɔngana na yɛ ánjá. Kéokaɓa ɓá á nto á koɗoni ka nyɔngɔ á amba ɛɔphi. A ndiu tɔ ka nyɔngɔ á ɓeekea Kiísito, koɗoni nde atóki ka Mokonga nnde aotókana ka ɓeekea.

Ɓaɛbulanía 10:22

Kaɓondɔ, ɓémbǐmisiɛni Mokonga na měma á koɗoni nnde atúmi na ɓeekea, phɔtɔ na nyama nde ɓesokosi ú na iɓo nde aánjá.

Ɓaɛbulanía 3:12

Ɓaya, ɛngɛphani! Ka ɓenu moci kaɓɛmbɛ na měma ájeɗe á kanga ɓeekea, nnde aonkatanisa na Mokonga ímbe aoenda.

1 Yoáni 4:15

Nkpa buakɛ mmbé aɓeeki gea te, Yéso ande Muna-Mokonga, Mokonga aiki suɓi akɛ, yɛ áoika suɓi á Mokonga.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.