Ɓalɔ́ma 1:9 - Ɔngana á Kɛ̌kɛ

⁹ Cɔ, Mokonga mmbé nɛɔmbɛɗaneaga na měma ani bui ka tɔ̌miaga Mbino-Ánjá ndea Anakɛ, aoúba gea nnde nɛɔyɔnga ande ɗoni. Yɛ, aoúba gea neonókanisia esa bui.

Ɓalɔ́ma 1:9 Iomraidhean Croise

Málikɔ 1:1

Wani ande nkpangeɔ á Mbino-Ánjá á Yéso Kiísito, Muna-Mokonga.

Lóka 18:1

Yéso ɗěngoɗi ɓagoigi nɛkɛ mɛní ka úbisa aɓɔ te, akeni ɓámɛmɛ Mokonga esa bubui kángá phúia á měma.

Ekuma á ɓateki 12:5

Kaɓondɔ, ɓáonamba Pɛ́tɛɛ ka mekakɔ. Ɓato á ka kanisa ɗáɓá gǎkɛ ɔmɛma Mokonga ka nyɔngɔ akɛ phɛɛ.

Ekuma á ɓateki 19:21

Mbusa índɔ, Pɔ́lɔ áosuia ka měma akɛ tenisia ka Makɛdɔnía na Akáya ka gea, ájuɛ na Yɛusalɛ́ma. Áɔyɔnga te: «Mbusa á gǎ kó, akeni phɔtɔ négɛ na Lɔ́ma.»

Ekuma á ɓateki 24:14

Nyɔngɔ nde neɓeeki gǎkɛ mosá akɔ a ɓe: Nɛɔmbɛɗanɛaga Mokonga ndea ɓatatasu na ɓeá aphe nde ɓági ande á odemayɔ. Neɓeeki gǎkɛ nyɔngɔ bui nde ɓáɗundu suɓi á ɓuku ɛ́ɔphi ndea Mósa, na suɓi á ɓuku ndea ɓaɔtu-nyɔngɔ ndea Mokonga.

Ekuma á ɓateki 27:23

Kǐpha á kesande, malaéka ndea Mokonga mmbé nende nkpa nɛkɛ phɔtɔ nɛɔmbɛɗaneaga, amokiɗianei,

Ekuma á ɓateki 3:26

Kaɓondɔ, Mokonga ammesi phɔ́ mbɛɗanigi nɛkɛ Yéso ka phɔanu mosá á ɓato á ekuna nɛngbo, ka nyɔngɔ á bisia anu njaga, gea te, ɓóɓɛ na ngɔwa ka kětia á tambea anu, nkpa moci-moci, ka ɓojeɗe nɛnu.»

Ɓalɔ́ma 9:1

Nɛɔyɔnga ɗoni ka jukana na Kiísito, ké gǎkɛ ɔyɔnga mbɛa. Měma á kanga ɓojeɗe asɔndɔi měma ani ka ɗigimisa gea, nɛɔyɔnga ɗoni.

2 Ɓakɔlítɔ 1:23

Eme gǎkɛ, nembisi Mokonga nɗigimisi ka enda ani. Aoɓá na nɛɔyɔnga mbɛa, ámomowɛ. Kéji ye na Kɔlítɔ ka nyɔngɔ nde neonokuia ngomi.

2 Ɓakɔlítɔ 11:31

Mokonga, Aba-Mɔkɔta Yéso, mmbɔ obebɔ nɛkɛ ande mɛyɔ, aoúba gea, kɛ́ɔyɔnga mbɛa.

Ɓagalatía 1:20

Cɔ, nenóngoɗi ɗoni mosá á Mokonga gea, kema nde nenóɗundui nna mbɛa.

Ɓaɛphɛ́sɔ 6:18

Mɛmani Mokonga kángá ɗeketa. Mɛmani mbenɔ bui ka ɓukpɛkpɛ á Měma. Phɛani tɔ̌ kángá ɛla k'ɛ́mɛmi ka phɔa ɓakpa ɓɔbu ndea Mokonga.

Ɓaphilípi 1:3

Neonsega Mokonga nɛmɔ ka mbenɔ bui nde neonókanisia,

Ɓaphilípi 1:4

ne phɔtɔ ɔmɛma mbenɔ bui na maseye ka phɔanu ɓenu ɓɔbu,

Ɓaphilípi 2:22

Cɔ, Ɓo ye úbi gǎkɛ gea, Timɔtɛ́ɔ aɔnisi gea, a ye kakamani. Ɗábɛɗanigi kimoci n'eme ekuma á Mbino-Ánjá ɓea miki n'abakɛ.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

1 Ɓatɛsalɔníka 1:2

Ɓeonsega Mokonga esa bui ka nyɔngɔ anu ɓenu ɓɔbu. Ɓéké phɔtɔ oɗeketa kumia ina anu k'ɛ́mɛmi nɛsu.

1 Ɓatɛsalɔníka 3:10

Keiphe n'esa, ɓeonɗengemisaga Mokonga gea, ɓégɛ ɓɛ́nɔɔnɛ goto, ɓɛ́gɔɓɛɛ tɔ̌miaga anu, nyɔngɔ bui á ɓeekea a Kiísito.

1 Ɓatɛsalɔníka 5:17

mɛmani Mokonga kángá ɗeketa,

1 Timɔtɛ́ɔ 2:7

Ka nyɔngɔ índɔ unge Mokonga ɗámobisi ntɔmigi-mbino na nteki, ka goisaga ɓunde ɓáná Ɓayúda nyɔngɔ á ɓeekea na ɗoni. Kɛ́ɔyɔnga mbɛa, ne tɔ ɔyɔnga ɗoni.

2 Timɔtɛ́ɔ 1:3

Neonsega Mokonga, mmbé nɛɔmbɛɗaneaga na měma ánjá ɓíndɔ ɓatatɛ ɗáɓátúogea. Ne phɔtɔ onsega mbenɔ nde neokokanisia k'ɛ́mɛmi nɛmɔ keiphe n'esa kángá sungiaga.

Philɛmɔ́nɔ 1:4

Cɔ, neonsega Mokonga nɛmɔ esa bui k'ɛ́mɛmi, ɓî neokokanisia oɓɛ Philɛmɔ́nɔ.