Ɓalɔ́ma 1:7 - Ɔngana á Kɛ̌kɛ

⁷ Cɔ, nenóɗundui ɓenu ɓɔbu suɓi á Lɔ́ma ɓunde Mokonga aekondi na ɓunde ɗáɛɓɔphani ka ɓá ɓakpa nɛkɛ ɓato á kanga ɓojeɗe, ɓonjánja-ékondi na ɓujɛjɛ ndea Abasu Mokonga na Mɔkɔta nɛsu Yéso Kiísito áɓɛ na ɓenu.

Ɓalɔ́ma 1:7 Iomraidhean Croise

Matáyɔ 5:16

Kaɓondɔ, ambe owanga nenu ábɛnyɛ mosá á ɓakpa, ɓáɔnɛ ekuma nɛnu na ánjá. Mpɔ ɓámbebɛ Abanu mmbɔ á na koba.

Yoáni 20:17

Mpɔ, Yéso áongoɗea: «Kómodungɛmbɛ! Nga, kétáimbɛ mɔtɛ á Abɛ. Gǎ ndiu óngoɗeɛ ɓana-ayi gea, netái mɔtɛ á Abɛ, mmbé a phɔtɔ Abanu, mɔtɛ á Mokonga nɛmɔ, mmbé a phɔtɔ Mokonga nɛnu.»

Ekuma á ɓateki 15:23

Ɓáǒteka na ɓaoɓa na ɓáɗundu suɓi í ɓe: «Ɓesu ɓateki, ɓagbɛga na ɓaɓêki ɓeésesi ɓadasu ɓundɔ ɓáná Ɓayúda ɓunde ɓáiki ka Antiɔkía, Sulía na Kilikía.

Ekuma á ɓateki 9:13

Ananía áonsikisia te: «Mɔkɔta, ɓakpa ɓásii ɓámɔtɔ̌migi nyɔngɔ á nkpa ndɔ na ɓojeɗe bui nde ɗégǐí ɓaɓêki nɛkɔ, ɓundɔ ɓá ka Yɛusalɛ́ma.

Ɓalɔ́ma 1:6

Ɓo phɔtɔ sɔsɔɓɛ á ɓakpa ndɔ, ɓenu íɓunde Mokonga ɗánɔɔphani ka ɓá ɓakpa ndea Yéso Kiísito.

Ɓalɔ́ma 5:1

Cɔ, ɓî Mokonga asotangi ye ɓato á koɗoni ka nyɔngɔ á ɓeekea nɛsu, ɓena ɓujɛjɛ na Mokonga ka nyɔngɔ á Mɔkɔta nɛsu Yéso Kiísito.

Ɓalɔ́ma 5:5

Nseɓeɔ ndɔ nna okusa na soni ka nyɔngɔ nde, Mokonga aɛmbisi ekondi nɛkɛ suɓi á měma asu ka nyɔngɔ á Měma á kanga ɓojeɗe nde ɗásóphi.

Ɓalɔ́ma 8:28

Cɔ, ɓeoúba gea, kema bui a tɔ ka ɓonjánja á ɓakpa nde ɓánkondi Mokonga. Ɓakpa ndɔ ɓáunge, yɛ ɗɛ́ɓɔphani ka ɓeana na moangɔ nɛkɛ.

Ɓalɔ́ma 8:39

kaɓɛ n'ande ɓukpɛkpɛ á k'ego, kaɓɛ n'ande ɓukpɛkpɛ á kusi, kaɓɛ n'ande kema bui nde Mokonga aconji, kátɔkɛku tanda n'asókatanisi n'ekondi ndea Mokonga, nnde ɗásɔɔnisi ka Kiísito Yéso Mɔkɔta nɛsu.

Ɓalɔ́ma 9:25

A ɓíndɔ ɗáɗundu suɓi á ɓuku ndea Ɔsɛ́a mɔtu-nyɔngɔ ndea Mokonga: «Ekuna nde kátú á ɓakpa nɛmɔ, nɛɔphanande ú nɛmɔ na ekuna nde kétúokonda, nɛɔphanande ú ekuna á ekondi.

1 Ɓakɔlítɔ 1:24

Ka ɓunde gǎkɛ Mokonga ɗáɛ́ɓɔphani, kaɓɛ Ɓayúda, kaɓɛ ɓunde ɓáná Ɓayúda, Kiísito ande ɓukpɛkpɛ ndea Mokonga na kɔɓɔɔngɛ ndea Mokonga.

1 Ɓakɔlítɔ 16:23

Ɓonjánja-ékondi ndea Mɔkɔta Yéso áɓɛ na ɓenu!

Ɓagalatía 6:18

Cɔ, ɓaya, ambe ɓonjánja-ékondi ndea Mɔkɔta nɛsu Yéso Kiísito áɓɛ na ɓenu ɓɔbu. Áɓɛ ɓó!

Ɓaɛphɛ́sɔ 1:2

Ambe Abasu Mokonga na Mɔkɔta Yéso Kiísito, ánophɛ́ ɓonjánja-ékondi na ɓujɛjɛ.

Ɓaɛphɛ́sɔ 6:23

Ambe Mokonga Abasu na Mɔkɔta nɛsu Yéso Kiísito, áeɓophɛ ɓadasu ɓakiísito ɓɔbu ɓujɛjɛ, ekondani, na měma á ɓeekea.

Ɓaphilípi 1:2

Abasu Mokonga, na Mɔkɔta Yéso Kiísito, ánóphɛ ɓonjánja-ékondi na ɓujɛjɛ.

Ɓaphilípi 4:13

Nɛtɔki tɔ bui nga Kiísito aámbé amogbagisigi.

Ɓaphilípi 4:20

Cɔ, Abɛ Mokonga, áɓɛ na ɓoombia ka saga na saga. Áɓɛ ɓó.

Ɓaphilípi 4:23

Cɔ, ɓonjánja-ékondi ndea Mɔkɔta Yéso Kiísito, áɓɛ ka měma anu.

Ɓakɔlɔsái 1:2

Ɓaoɓa nde, ɓenóɗundui ɓenu ɓato á Mokonga ɓunde ɓo ka Kɔlɔsái, ɓenu ɓadasu íɓunde ɓɔɔngani ɗoni na Kiísito. Abasu Mokonga ánophɛ ɓujɛjɛ na ɓonjánja-ékondi.

Ɓakɔlɔsái 3:12

Ɓî Mokonga ɗánɔsɔmbu na konda anu, ɓonde ɓakpa nɛkɛ ɗoni. Ɔ́lani ka měma anu: ngomi, ɓonjánja, měma édidisa, ɓɔphɔngɔ na měma á phiphia.

Ɓakɔlɔsái 3:15

Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.

1 Ɓatɛsalɔníka 1:1

Ka ɓaɓêki á ka Tɛsalɔníka, sambani. Eme Pɔ́lɔ aámbé neɗundu ɓaoɓa ndee. Ɓe kimoci na Síla, na Timɔtɛ́ɔ. Ɓenu ɓáunge ɓɔɔngani na Abasu Mokonga, na Mɔkɔta Yéso Kiísito. Cɔ, ɓujɛjɛ na ɓonjánja áɓɛ ka ɓenu.

1 Ɓatɛsalɔníka 1:3

K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

1 Ɓatɛsalɔníka 1:4

Ɓaya, ɓeúbi gea, Mokonga ɗánɔsɔmbu gea, ɓóɓɛ ɓakpa nɛkɛ. Nga, yɛ anokondi.

1 Ɓatɛsalɔníka 4:7

Nga, Mokonga ɗákásɔɔphani ka nyɔngɔ á iɛɓɛ, asɔɔphani ndiu gea, ɓéɓɛ ɓakpa nɛkɛ ɓ'ánjá phɛɛ.

1 Ɓatɛsalɔníka 5:28

Ɓonjánja-ékondi ndea Mɔkɔta nɛsu Yéso Kiísito, áɓɛ na ɓenu.

2 Ɓatɛsalɔníka 1:2

Abasu Mokonga na Mɔkɔta nɛsu Yéso Kiísito, ánóphɛ ɓujɛjɛ na ɓonjánja-ékondi.

2 Ɓatɛsalɔníka 3:16

Ambe Mɔkɔta mɛna-ɓujɛjɛ, yɛ sasakɛ ánóphɛ ɓujɛjɛ esa bui na ka kema bui. Áɓɛ na ɓenu ɓɔbu.

2 Ɓatɛsalɔníka 3:18

Ambe ɓonjánja-ékondi ndea Mɔkɔta nɛsu Yéso Kiísito, áɓɛ na ɓenu ɓɔbu.

1 Timɔtɛ́ɔ 6:2

Ɓakɔɓɛ íɓunde ɓakɔta nɛɓɔ ɓánde ɓaɓêki, ɓákɛ̌ɓɛnjiɛgɛmbɛ ka nyɔngɔ á gea, ɓánde ɓana-amaɓɔ. Akeni ndiu ɓáɛ́bɛɗaneɛgɛ ánjá phɛɛ, ka nyɔngɔ nde ɓakɔta nɛɓɔ ɓánde ɓaɓêki nde Mokonga aekondi. Nyɔngɔ ndɔ unge akeni ɔ́phɛɛ́ na goisaga á ɓakpa.

2 Timɔtɛ́ɔ 4:22

Cɔ, Mɔkɔta áɓɛ n'oɓɛ. Ɓonjánja-ékondi nɛkɛ áɓɛ na ɓenu.

Títɔ 1:4

Nekoɗundui ɓaoɓa nde, oɓɛ Títɔ, miki nɛmɔ á ɗoni ka ɓeekea nde ɓenoɓɛ kau. Cɔ, Abɛ Mokonga, na Kiísito Yéso Namisi nɛsu, ákophɛ ɓonjánja-ékondi na ɓujɛjɛ.

Philɛmɔ́nɔ 1:25

Cɔ, ɓonjánja-ékondi ndea Mɔkɔta Yéso Kiísito, áɓɛ na ɓenu.

Philɛmɔ́nɔ 1:3

Ɓonjánja-ékondi na ɓujɛjɛ ndea Abasu Mokonga, na Mɔkɔta Yéso Kiísito, áɓɛ na ɓenu.

Yakɔ́ɓɔ 1:1

Eme Yakɔ́ɓɔ mbɛɗanigi ndea Mokonga na Mɔkɔta Yéso Kiísito nenósambei. Nenóɗundui ɓenu ɓato á k'ékuna nkama na iɓɛ (12) ɓunde ɓophanjekani ka mokonda.

1 Pɛ́tɛɛ 1:15

Cɔ, ɓáni ndiu ɓato á Mokonga kángá ɓojeɗe ka tambea anu bui, ɓíndɔ Mokonga, mmbé anɔɔphani, ande nto á kanga á ɓojeɗe.

1 Yoáni 3:1

Cɔ, ɔnani phɔ́ ɓî Abɛ Mokonga asokondi! Aɔsɔɔphana ɓ'anakɛ, n'ande ɗoni ɓende ɓana-Mokonga. Ɓato á ka mokonda ɓáná gǎkɛ osoúba ka nyɔngɔ nde, ɓánáomúba Mokonga.

2 Yoáni 1:3

Ambe Abɛ Mokonga, na Yéso Kiísito, Muna Abɛ, ásophɛ ɓonjánja-ékondi, ngomi na ɓujɛjɛ ka gea, ɓéendɛ suɓi í ka ɗoni na ekondi.

Mphaniɔ 2:1

Nɗunduia malaéka á kanisa á ka Ɛphɛ́sɔ ɓe: Mmbé ɛ̌bɛɗi ɓasɛɛngɔa ngianjaga iɓɛ (7) ka njaga akɛ á mǔku, n'aotamba sɔsɔɓɛ á tɛta á ɔbɛa ngianjaga iɓɛ (7) á láté ayɔngi ɓe:

Mphaniɔ 2:12

Nɗunduia malaéka á ka kanisa ndea ka Pɛɛgámɔ ɓe: Mmbé ana píndí nde aophea nci gbɔgbɔ ayɔngi ɓe:

Mphaniɔ 2:18

Nɗunduia malaéka á ka kanisa ndea ka Tuatɛ́a ɓe: Muna-Mokonga mmbé iso akɛ aɔbɛnya ɓea owanga á nsa, ecinji akɛ aophenuaga ɓea ngɔa nde ɓáphɔni ánjá phɛɛ, ayɔngi gea,

Mphaniɔ 2:29

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui.

Mphaniɔ 2:8

Nɗunduia malaéka á ka kanisa ndea ka Smúna ɓe: Mmbé ande Nkpangeɔ na Sungiaga, mmbé ɗáku, áojujuka ka kukuwa, ayɔngi ɓe:

Mphaniɔ 22:21

Cɔ, ɓonjánja-ékondi ndea Mɔkɔta Yéso áɓɛ kimoci na ɓenu ɓɔbu!

Mphaniɔ 3:14

Nɗunduia malaéka á ka kanisa ndea ka Laɔdikía ɓe: Mmbé ɓáɔmɔphana Áɓɛ ɓó, nɗigimisi nde akeni na mmbé ande ɗoni, nkpangeɔ á kema bui nde Mokonga ɗáconji ayɔngi ɓe:

Mphaniɔ 3:22

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui.»

Mphaniɔ 3:7

Nɗunduia malaéka á kanisa ndea ka Philadɛlphía ɓe: Mmbé ande nto á kanga ɓojeɗe na nto á ɗoni, mmbé ana múkuiyɔ ndea moamɛ Daúdi, mmbé áoúkua, nkpa katɔkɛ phatia na aophatia, nkpa katɔkɛ úkua, ayɔngi ɓe: