Ɓalɔ́ma 1:32 - Ɔngana á Kɛ̌kɛ

³² Ɓɔ ɓaoúba gea, ɛɔphi ndea Mokonga asosi te, ɓunde ɓáotambea ɓó, akeni ɓákuwɛ. Cɔ, ɓɔ, nanga ɓáúba nndɔ, ɓáotútuisa gea í na gamana phɔtɔ na ɓakpa nde ɓáogea ɓó.

Ɓalɔ́ma 1:32 Iomraidhean Croise

Lóka 11:48

Nndɔ aúbisi gea te, ɓoɓeekeani na ɓatatanu ka kema nde ɗáɓági nga, ɓɔ ɓáunge ɗáɓěme ɓaɔtu-nyɔngɔ ndea Mokonga. Ɓenu, ɓɔ̂phɛkɛa bóta aɓɔ.

Ekuma á ɓateki 22:20

Mbenɔ nde ɗáɓámowe Sɛtɛphánɔ mmbé ɗátú nɗigimisi nɛkɔ, eme ɗétú ɓei. Ɗéɓeeki kukuwa akɛ, néoamba bɔngɔ ndea ɓundɔ ɗáɓáommowa.›

Ekuma á ɓateki 8:1

Cɔ, Saúlɔ ɗáɓeeki mowa á Sɛtɛphánɔ. Esa ndɔ tɔ, Ɓayúda ɓáokpanga sona á kanisa á ka Yɛusalɛ́ma akpɛ. Kaɓondɔ, ɓaɓêki ɓɔbu ɓáophanjekana ka nji á Yudɛ́a na Samalía. Ɓateki ɓáunge ɓâ tɔ ojiga ka Yɛusalɛ́ma.

Ɓalɔ́ma 1:18

Cɔ, na koba, Mokonga aúbisi base gea, aɓɛí ka nyɔngɔ á ɓojeɗe bui nde ɓakpa ɓáogea, phɔtɔ ɓî ɓákáomɓánga. Ɓakpa ndɔ ɓáunge ɓáɗaki gea, ɗoni á Mokonga kaɓɛ base.

Ɓalɔ́ma 1:21

Nanga ɗáɓáomúba Mokonga, ɓákáɓɛ onɗokomisa na sega akɛ ɓíndɔ akeni gea í ka Mokonga. Ɓâ ndiu óɓá na kanisia á kanga kantíti, měma aɓɔ á kanga úbapha áoɓá na kaiphiɔ.

Ɓalɔ́ma 6:21

Cɔ, ɗóɓotɔí kema sina ka tambea ájeɗe nde ɗóɓootambea kala, nnde ɓookuwa na soni í kesande? Sungiaga í a tɔ kukuwa!

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

2 Ɓatɛsalɔníka 2:12

Kaɓondɔ, Mokonga ateni nyɔngɔ á ɓakpa ɓɔbu ɓunde ɓákáɓeeki ɗoni, ɓâ ndiu okonda ɓojeɗe.