Ɓalɔ́ma 1:30 - Ɔngana á Kɛ̌kɛ

³⁰ Ɓáɔyɔngaga ájeɗe ka phɔa ɓadaɓɔ, ɓaɓiɓia á Mokonga, ɓato á mbóma, ɓato á ébeba, ɓato á měma ájeɗe, ɓato á ɓemboko, ɓato á phɔtanaga, ɓato á maibe ka tɔá kema ájeɗe, ɓakpa nde ɓákáɔ̌ɓɔka ɓaɓɔkɔti aɓɔ.

Ɓalɔ́ma 1:30 Iomraidhean Croise

Matáyɔ 15:4

Nga, Mokonga agi te: ‹Nɗokomisa abakɔ n'amakɔ.› Â goto ɔyɔnga: ‹Mmbé aɔmphɔ́ta abakɛ, kaɓɛ amakɛ ɓámmowɛ, ákuwɛ.›

Matáyɔ 16:21

Ka mbenɔ ndɔ, Yéso áokpanga úbisa á ɓagoigi nɛkɛ base gea: «Akeni négɛ na Yɛusalɛ́ma na tambaga ka njaga á ɓagbɛga, ɓagbɛga á ɓatoɓeigi-phɛ́a na ɓaɗundu-ɛɔphi. Ɓámokusisande, esa á ko isaɔ, nejujukande ka kukuwa.»

Lóka 21:16

Ɓabanu, ɓamanu, ɓana-amanu, ɓaɓɔkɔti anu na ɓadanu, ɓánɔtɔngande. Ɓɔ, ɓáekusande ɓakpa ɓuangbo sɔsɔɓɛ anu.

Yoáni 7:7

Ɓato á ka mokonda ɓánáɔtɔka na ɓánokangei. Ɓámokangei ndiu eme nga, nɛɔtɔmiaga gea, ekuma nɛɓɔ aájeɗe.

Ekuma á ɓateki 5:36

Nga, kányɛ́nyimbɛ esa ásii, mogáa moci ɗásɛnɛki ina akɛ Tɛúda. Yɛ, ɗáǒɗokomisa gea, ande nkpa angbóngbó, ɓakpa ɓea mia gena (400) ɓáomɓea. Ɓakpa ɓuangbo ɓâ gǎkɛ omowa na ɓundɔ ɗáɓámɓǐ, ɓáophanjekana ɓɔbu. Nyɔngɔ ndɔ áoɓá ecici.

Ɓalɔ́ma 2:17

Cɔ, oɓɛ ímbe ogi te, onde Moyúda, oseɓei ɛɔphi ndea Mósa, na ébeba na Mokonga.

Ɓalɔ́ma 2:23

Oɓɛ ímbe ǒbeba na úba ɛɔphi ndea Mósa, ɔɔnjɔɔkisa Mokonga ka tingiaga ɛɔphi!

Ɓalɔ́ma 3:27

Cɔ, ɓena kema nde ɓeǒbeba ně? Tanda phɔ́. Ka ɓo? Ka nyɔngɔ nde kema nde ana kantíti nna ɛɔphi, a ndiu ɓeekea.

2 Ɓakɔlítɔ 10:15

Cɔ, ɓékéǒɗokomisa amanyɛ́nyɛa ka nyɔngɔ á ekuma ndea ɓakpa ɓuangbo. Ɓeseɓei ndiu gea, ɓɔmɔtande ka ɓeekea nɛnu. Mpɔ, ekuma nɛsu â phɔtɔ ondanda sɔsɔɓɛ anu na sikia gǎkɛ tɔ ka muwɔ nde ɗáɓásóbisíí.

2 Ɓakɔlítɔ 12:20

Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

2 Ɓatɛsalɔníka 2:4

Yɛ sasakɛ aoyá kema bui nde ɓakpa ɓáobeba na ɗokomisa í ɓea ɓamokonga á mbɛa. Áɔtɔngana suɓi éndu ndea Mokonga, áǒgea sasakɛ ande Mokonga.

2 Timɔtɛ́ɔ 3:2

Nga, ɓakpa ɓáɓánde ɓakukuma, ɓákondi imɔna, ɓato ébeba, ɓato éɗokomisa, ɓato á bóma á Mokonga, ɓunde ɓánáɔ̌ɓɔ́ka ɓaɓɔkɔti aɓɔ, ɓato á kanga obebɔ, ɓunde ɓáɔjɔɔkisa kema ndea Mokonga,

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

Yakɔ́ɓɔ 3:5

Eɗáka a phɔtɔ phaeka á nyama ábɔa. A gǎkɛ nto á ébeba na nyɔngɔ ángbóngbo. Ɔ́nani phɔtɔ nsa ábɔa ɓî aotoɓoa osaa ángbó.

Yakɔ́ɓɔ 4:16

Cɔ, ɓenu gǎkɛ ɓona ɓemboko n'ěbeba. Nndɔ bui aájeɗe.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.

Yúda 1:16

Ɓakpa ndɔ ɓáná na maseye. Ɓáophangia esúia nɛɓɔ ka ngɔngɔnaga. Ɓáotówa ntaɓo esa bui ka nyɔngɔ nde ědondaeka ka sungiaga á enda aɓɔ. Ɓá tɔ oɓea tambea aɓɔ ájeɗe, nyɔngɔ á k'aphenɔkɔ aɓɔ a tɔ á ébeba na ɓɔ́ngá á ɓakpa ka gea ɓátɔɛ ka kema.