Ɓalɔ́ma 1:3 - Ɔngana á Kɛ̌kɛ

³ Mbino ndɔ a ka phɔa anakɛ mmbé ka kokpa akɛ ɗáɓɔkɔtɛani k'ékombo ndea moamɛ Daúdi;

Ɓalɔ́ma 1:3 Iomraidhean Croise

Matáyɔ 1:1

Cɔ, ɔnani ina á ɓatatakɛ na Yéso-Kiísito, mosuko á Daúdi, mosuko á Abalaámu.

Matáyɔ 1:16

Yakɔ́ɓɔ áɔmɓɔkɔta Yɔsɛ́phu, munyakɛ na Malía, mmbé ɗámɓɔkɔti Yéso mmbɔ ɓáɔmɔphana Kiísito.

Matáyɔ 1:6

Yɛ́sɛ áɔmɓɔkɔta moamɛ Daúdi. Cɔ, moamɛ Daúdi áomɓɔkɔta Sɔlɔmɔ́nɔ, amakɛ na Sɔlɔmɔ́nɔ ɗátú nkakɛ na Ulía.

Matáyɔ 12:23

Usɛsɛ á ɓakpa ɓɔbu ɓundɔ ɗáɓátú wa, ɓáoyayama, ɓáogea te: «Nna phɔ́ Mosuko á Daúdi aámbé?»

Matáyɔ 15:22

Kó, nke moci nto á ka Kanána ɗátú wa, áombikia Yéso n'aɔyɔnga n'ɛsɔ akpɛ gea: «Mɔkɔta, Mosuko á Daúdi, ómokuia phɔ́ ngomi! Nseka nɛmɔ aotambaga phɛɛ na kukuwa á ɓansombo.»

Matáyɔ 26:63

Yéso áɔphɔnga, phioo! Ngbɛga á ɓatoɓeigi-phɛ́a áongoɗea Yéso te: «K'ína á Mokonga mmbé aoenda, ósongoɗea phɔ́ aoɓá n'ɔmɔ̂ Masíya Muna-Mokonga ɗoni.»

Matáyɔ 27:43

Ɗáobisa měma akɛ ka Mokonga. Cɔ, kaɓɛ Mokonga n'ankondi ánamisɛ kɛ̌kɛnde! Nga, ɗági te: ‹Nende Muna-Mokonga.›»

Matáyɔ 3:17

Wa, ɛsɔ áɔɔ́kɛkana n'atóki na koba gea: «Mmbé ande miki nɛmɔ á ekondi, nena maseye ka phɔakɛ.»

Matáyɔ 9:27

Mbenɔ nde Yéso amɛi, ɓakeíme-íme ɓaɓɛ ɓáomɓea na ɓáokogaga gea: «Mosuko á Daúdi hoo, ósokuia phɔ́ ngomi ee!»

Lóka 1:35

Malaéka áonsikisia te: «Měma á kanga ɓojeɗe adidande, áoika gǔ akɔ. Mokonga, Mmbé ana kɔkɔta bui, aogbukumiande n'iimbiɔ á ɓukpɛkpɛ nɛkɛ. Kaɓondɔ unge mmbé ɔmɓɔkɔtande aɓande nto á kanga ɓojeɗe, ɓámɔphanande phɔtɔ Muna-Mokonga.

Lóka 1:69

Asóphi Namisi angbóngbó k'ékombo ndea mbɛɗanigi nɛkɛ Daúdi.

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 1:34

Cɔ, eme Yoáni ɗɛ́nɛɔni nndɔ, néoɗigimisa gea, nkpa ndɔ ande Muna-Mokonga.»

Yoáni 1:49

Kaɓondɔ, Natanaɛ́li áongoɗea: «Ngoisigi, onde Muna-Mokonga, Moamɛ ndea Ɓaisilaɛ́li.»

Yoáni 10:30

Abɛ n'eme, ɓe tɔ nkpa mo.»

Yoáni 10:36

Eme, Abɛ amɔsɔmbu, áomoteka ka mokonda. Cɔ, ka nyɔngɔ sina nde ɓomogi neombóma Mokonga ɓî negi te, nende Muna-Mokonga?

Yoáni 20:28

Tɔmá áonsikisia gea: «Hoo! Mɔkɔta nɛmɔ na Mokonga nɛmɔ!»

Yoáni 20:31

Cɔ, ɗáɓáɗundu gǎkɛ nnde ka gea, ɓóɓeekeɛ gea, Yéso ande Kiísito Muna-Mokonga. Kaɓɛ na ɓomɓeeki, ɓoɓande na enda ka yɛ.

Yoáni 5:25

Eya, nenóngoɗi ɗoni gea, mbenɔ aobika, n'a ye biki, ɓasí ɓáɔ́kande ɛsɔ á Muna-Mokonga, na ɓunde ɓáɔ́kande ɛsɔ ndɔ, ɓáendande.

Yoáni 7:42

Ɓáɗundu suɓi á Ɓuku á Mokonga gea, Kiísito aɓáeka mosuko á moamɛ Daúdi. Atókande na Bɛtɛlɛɛ́mu, ka nji ndɔ Daúdi ɗáɓɔkɔtɛani kau.»

Ekuma á ɓateki 2:30

Yɛ, ɗátú gǎkɛ mɔtu-nyɔngɔ ndea Mokonga, ɗáúbi gea, Mokonga ɗámɔku, ka nɔɛa akɛ esomba gea, ka ɓato á k'ékombo nɛkɛ moci, aɓande moamɛ ka mpɛnɛ akɛ.

Ekuma á ɓateki 3:13

Nna ɓó, atambi ka ɓukpɛkpɛ ndea Mokonga, mmbɔ ɓatatasu Abalaámu, Isáka na Yakɔ́ɓɔ ɗáɓámbɛɗaneigi. A phɔtɔ aámbé anɗokomisi mbɛɗanigi nɛkɛ Yéso ka ketangaɔ ndee. Ɗóɓombisi ka njaga á Moamɛ Pilátɔ, ɓóon'yá. Nanga ɓî ɗákondi ɗeketa akɛ,

Ekuma á ɓateki 8:36

Ɓáotútuisa tamba nɛɓɔ, ɓáokiɗia k'ɔ́ma nde ɗátú na iɓo. Mbɛɗanigi angbóngbó ndɔ â gǎkɛ ongea te: «Cɔ, iɓo ungee, ekende aomoimisia oɓatisɔ?» [

Ekuma á ɓateki 9:20

Kɛ̌kɛndɔ, áɔphɛa k'éndu á madondanɔ ndea Ɓayúda ka nyɔngɔ á Mokonga gea, Yéso ande Muna-Mokonga.

Ɓalɔ́ma 1:9

Cɔ, Mokonga mmbé nɛɔmbɛɗaneaga na měma ani bui ka tɔ̌miaga Mbino-Ánjá ndea Anakɛ, aoúba gea nnde nɛɔyɔnga ande ɗoni. Yɛ, aoúba gea neonókanisia esa bui.

Ɓalɔ́ma 4:1

Cɔ, ɓɛyɔngande ka phɔa tatasu Abalaámu ɓo? Ekende ɗátɔí ka kokpa akɛ?

Ɓalɔ́ma 9:3

Nɛtɔ́ɔni ánjá Mokonga ámɔsɛmɛɛgɛ na nékatanɛ na Kiísito ka nyɔngɔ á ɓana-ayi íɓundɔ nɛɓɔkɔtɛani na ɓɔ.

Ɓalɔ́ma 9:5

Ɓá k'ɛ́ɓɔkɔti ndea ɓatatasu. K'ɛ́ɓɔkɔti ndɔ tɔ unge Yéso ɗáɓɔkɔtɛani na nyama á kokpa. Yɛ gǎkɛ, a gǔ á ɓakpa ɓɔbu. Obebɔ áɓɛ ka Mokonga esa bui, áɓɛ ɓó!

1 Ɓakɔlítɔ 1:9

Mokonga mmbé nnaoanganisa mɔkɔ nɛkɛ, aámbé ɗánɔɔphani gea, ɓójukanɛ n'Anakɛ Yéso Kiísito, Mɔkɔta nɛsu.

1 Ɓakɔlítɔ 10:18

Ɔ́nani phɔ́ Ɓaisilaɛ́li ɓunde ɗáɓáoea nyama á phɛ́a nnde ɓátoɓu gǔ ɛ́tɛ-ɔ́phɛ́ɔ, ɓá tɔ kimoci na Mokonga.

Ɓagalatía 4:4

Cɔ, ɓî mbenɔ ndɔ ɗáɓábisi ɗájú ye, Mokonga áonteka Anakɛ mmbé nke ɗámɓɔkɔti, áoɓá kusi ɛ́ɔphi ndea Ɓayúda

1 Ɓatɛsalɔníka 1:10

Cɔ, ɓo phɔtɔ omɓondea Anakɛ, mmbé Mokonga ɗánjujúkisi ka ɓasí, n'atókaeka na koba. Ina akɛ ande Yéso, mmbé asóamisi k'esúia ndea Mokonga nnde aobika.

1 Timɔtɛ́ɔ 2:5

Mokonga a tɔ mo. Mɔɔnganisi á ɓakpa na Mokonga a tɔ mo, n'ande nkpa, Kiísito Yéso,

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

2 Timɔtɛ́ɔ 2:8

Cɔ, nkanisia Yéso Kiísito, mosuko á moamɛ Daúdi, mmbɔ ɗájujúki ka kukuwa ɓíndɔ Mbino-Ánjá nde nɛɔphɛa ayɔngi.

1 Yoáni 1:3

Cɔ, nnde ɗɛ́ɓɛɔni na ɔ́ka í, aunge ɓɛnɔtɔ̌mi phɔtɔ ka gea te, ɓɛ́ɔnganɛ na ɓenu ka komunamema nde ɓe kau n'Abɛ, n'Anakɛ Yéso Kiísito.

1 Yoáni 3:23

Ɛɔphi nɛkɛ aungee: Ɓéɓeekeɛ ina á Anakɛ Yéso Kiísito, na kondana ngǔngu asu ɓíndɔ ɗásósosi.

1 Yoáni 3:8

Mmbé a gǎkɛ ogea ɓojeɗe, ande nkpa ndea Nketi. Nga, Nketi ɗági ɓojeɗe kpanga conjá á mokonda. Kaɓondɔ unge, Muna-Mokonga ɗásɛnɛki ka túkatúka ekuma ndea Nketi.

1 Yoáni 4:15

Nkpa buakɛ mmbé aɓeeki gea te, Yéso ande Muna-Mokonga, Mokonga aiki suɓi akɛ, yɛ áoika suɓi á Mokonga.

1 Yoáni 5:1

Nkpa buakɛ mmbé aɓeeki gea te, Yéso ande Kiísito, ande muna-Mokonga. Nkpa buakɛ mmbé ankondi Abɛ, aekondi phɔtɔ ɓ'anakɛ.

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.

1 Yoáni 5:5

Ani mmbé ande nkíndi mokonda? A tɔndɔ nkpa nde aɓeeki gea Yéso ande Muna-Mokonga.

2 Yoáni 1:7

Nga, ɓademigi ɓásii ɓándandi ka mokonda. Ɓáná gǎkɛ oɓeekea gea, Yéso Kiísito ɗáɓɔkɔtɛani nkpa ɗoni. Ka nyɔngɔ índɔ unge odemayɔ nɛɓɔ aɔnɛkani, ɓánde phɔtɔ ɓaɓiɓia ndea Kiísito.

Mphaniɔ 2:18

Nɗunduia malaéka á ka kanisa ndea ka Tuatɛ́a ɓe: Muna-Mokonga mmbé iso akɛ aɔbɛnya ɓea owanga á nsa, ecinji akɛ aophenuaga ɓea ngɔa nde ɓáphɔni ánjá phɛɛ, ayɔngi gea,