Ɓalɔ́ma 1:23 - Ɔngana á Kɛ̌kɛ

²³ Ɔma á beba á Mokonga mɛna-ɓoombia, mmbé ande mɛyɔ, ɓâ ndiu obeba iii nde akengeani na nkpa ímbe aokuwa, ɓambǔ, ɓanyama á ecinji gena na ɓunde ɓáoɗaa.

Ɓalɔ́ma 1:23 Iomraidhean Croise

Ekuma á ɓateki 10:12

Suɓi í ɗátú n'etéte bui á ɓanyama á ecinji gena na ɓunde ɓáotamba n'égogo ka oɗo na ɓambǔ á ka mpɛna.

Ekuma á ɓateki 17:29

Cɔ, ɓî ɓende ɓana-Mokonga, kákeni ɓékanisiɛ te, Mokonga akengeani na iii nde ɓakpa ɓákanisíí na ɓɔngisiaga í na láté, ngɔa n'ɛtɛ ka ɓá ɓamokonga á mbɛa.

Ɓalɔ́ma 1:25

Ɓɔ, ɓáoanganisa ɗoni ndea Mokonga ka mbɛa. Ɗáɓáobeba na bɛɗaneaga kema nde Mokonga aconji, k'ɔ́ma á bɛɗaneaga á Mokonga mmbé akeni n'obebɔ ka saga na saga, áɓɛ ɓó!

1 Ɓakɔlítɔ 12:2

Ɓooúba gea, mbenɔ nde ɗóɓókómúbimbɛ Mokonga, nyɔngɔ á ɓamokonga á mbɛa ɓunde ɓánáɔyɔnga, ɗátúonóɓotea na ɓúngisaga anu.

1 Pɛ́tɛɛ 4:3

Eya, kala, ɗɔ́ɓɔtɔtɔkisi ka mbenɔ ásii mɔphɛ á ɓakpa nde ɓákáomúba Mokonga. Tambea anu ɗátú á ɓato á mambɔ, mɔphɛ ájeɗe, ɛbɛɗi á makana, osǎ, ɓoita á makana phɛɛ na ɗokomisa á ɓamokonga á mbɛa.

Mphaniɔ 9:20

Cɔ, ɓakpa nde ɗáɓákáku ka nyɔngɔ á tambaga ndɔ, ɗáɓákáɗeketi gǎkɛ ɗokomisa á ɓansombo, na ɗokomisa á ɓamokonga á mbɛa nnde ɓáɓɔngisigi ɓɔ sasaɓɔ na láté, ngɔa, nsoɓe, ɛtɛ, na me, nnde nnaɔɔnapha, nnaɔɔ́kapha, nnaotamba.