Ɓalɔ́ma 1:21 - Ɔngana á Kɛ̌kɛ

²¹ Nanga ɗáɓáomúba Mokonga, ɓákáɓɛ onɗokomisa na sega akɛ ɓíndɔ akeni gea í ka Mokonga. Ɓâ ndiu óɓá na kanisia á kanga kantíti, měma aɓɔ á kanga úbapha áoɓá na kaiphiɔ.

Ɓalɔ́ma 1:21 Iomraidhean Croise

Yoáni 3:19

Cina á tena á nyɔngɔ nɛkɛ akpɛ a ɓe: owanga ndea Mokonga abiki ka mokonda. Ɓakpa ɓáyé gǎkɛ owanga ndɔɔ, ɓâ ndiu okonda kaiphiɔ. Nga, tambea aɓɔ aájeɗe.

Ekuma á ɓateki 26:18

Neoteki ka gea ókoɗɛ iso aɓɔ, ka tokisa aɓɔ ka keiphe, ka gea ɓáephaiɛ nci á owanga, phɔtɔ ɓátokɛ kusi á kɔkɔta ndea Sɛtáni, ɓáɓɛ ndiu ɓato á Mokonga. Ka nyɔngɔ nde ɓámoɓeeki, mpɔ Mokonga aímande ɓojeɗe nɛɓɔ, ɓátɔande ɓotukɔ nde Mokonga abisi ka ɓakpa nɛkɛ.›»

Ɓalɔ́ma 1:19

Kema bui nde akeni gǎkɛ áúbikanɛ ka phɔa Mokonga, ande base mosá aɓɔ, ka nyɔngɔ nde Mokonga aámbé ɗéúbisi ú.

Ɓalɔ́ma 1:28

Cɔ, ɓî ɗáɓáyé úbá á Mokonga, Mokonga áǒɗeketa ka úbapha aɓɔ ájeɗe. Ka gea, ɓágeɛ kema nde ɓákátókeni gea í.

Ɓalɔ́ma 11:10

Ambe iso aɓɔ áíndɛ ɓákáɔnaphɛ ye, na ngɔngɔ aɓɔ égbukɛ kángá á sungiaga.»

Ɓalɔ́ma 15:9

ɓunde ɓáná Ɓayúda ɓáombeba Mokonga ka nyɔngɔ á ngomi nɛkɛ ɓíndɔ ɓáɗundu suɓi á ɓuku ndea Mokonga gea: «Kaɓondɔ unge nekobebande sɔsɔɓɛ á ɓakpa ɓɔbu na neémbande ka ɗokomisa ina akɔ.»

2 Timɔtɛ́ɔ 3:2

Nga, ɓakpa ɓáɓánde ɓakukuma, ɓákondi imɔna, ɓato ébeba, ɓato éɗokomisa, ɓato á bóma á Mokonga, ɓunde ɓánáɔ̌ɓɔ́ka ɓaɓɔkɔti aɓɔ, ɓato á kanga obebɔ, ɓunde ɓáɔjɔɔkisa kema ndea Mokonga,

1 Pɛ́tɛɛ 1:18

Cɔ, ɓooúba etéte á ophendɔ nde Mokonga ɗáphendi ka phɔa anu ka tokisa anu ka tambea á jǎi-jǎi nde ɓatatanu ɗáɓánoɗeketei. Ɗákági ɓó na kema nde aoújukana ɓea, láté na imɔna.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

Mphaniɔ 14:7

Malaéka ndea Mokonga áɔyɔnga n'ɛsɔ akpɛ te: «Mɓángani Mokonga, ɓónɗokomisɛ, ka nyɔngɔ nde mbenɔ nɛkɛ ka tena á nyɔngɔ ajú. Mbebani nconji á koba, mokonda, oɓenge na ntoɔ á iɓo.»

Mphaniɔ 15:4

Mɔkɔta, ani mmbé nnaɔtɔka n'akoɓángi? Ani mmbé nnaɔtɔka n'akobebi? Nga, oɓɛ aámbé o tɔ nto á kanga ɓojeɗe, ɓato á ka mokonda bui ɓábikande ogbúka muanku aɓɔ mosá akɔ nga, ekuma nɛkɔ á koɗoni, aɔnɛkani base.»