Ɓalɔ́ma 1:20 - Ɔngana á Kɛ̌kɛ

²⁰ Nga, kpanga á ɓî Mokonga ɗáconji mokonda, ɓukpɛkpɛ nɛkɛ á mɛyɔ na ebigɔ nɛkɛ á ɓá Mokonga nnde nna kɔɔnɛkana, áɔɔnɛkana k'ékuma nde ɗábɛɗanigi. Ka ianaga á nyɔngɔ ndɔ, ɓakpa ɓáká n'aphe énganea.

Ɓalɔ́ma 1:20 Iomraidhean Croise

Matáyɔ 5:45

Ɓoogea ɓó, ɓóoɓá ɓana-Abanu mmbɔ á na koba. Nga, yɛ aɔɓɛtisa maní ka ɓakpa ɓánjá na ɓakpa ɓájeɗe na ɔkisa mbua ka ɓato á koɗoni na ɓunde ɓáká ɓato á koɗoni.

Málikɔ 10:6

Ka nkpangeɔ á conjá á mokonda, Mokonga ɗánconji mǒko na nke.

Yoáni 1:18

Nna na nkpa nde amɔnimbɛ mɔnɔ Mokonga, na nna tɔndɔ ngɔmu nɛkɛ mmbé akengeani na yɛ phɛɛ, áoikisana na Abakɛ. Yɛ aámbé asoúbisi Mokonga base.

Yoáni 15:22

Aoɓá na ɗékébiki, na ɗékěngoɗi nyɔngɔ nɛmɔ, ámbé ɓákátóɓɛku na ɓojeɗe. Kɛ̌kɛnde gǎkɛ, ɓákánganɛku ye ɓojeɗe nɛɓɔ.

Ekuma á ɓateki 17:29

Cɔ, ɓî ɓende ɓana-Mokonga, kákeni ɓékanisiɛ te, Mokonga akengeani na iii nde ɓakpa ɓákanisíí na ɓɔngisiaga í na láté, ngɔa n'ɛtɛ ka ɓá ɓamokonga á mbɛa.

Ekuma á ɓateki 22:1

«Cɔ, ɓadani na ɓabɛ, ɔ́kani phɔ́ ɓoabi nɛmɔ ka phɔani.»

Ɓalɔ́ma 1:19

Kema bui nde akeni gǎkɛ áúbikanɛ ka phɔa Mokonga, ande base mosá aɓɔ, ka nyɔngɔ nde Mokonga aámbé ɗéúbisi ú.

Ɓalɔ́ma 16:26

Kɛ̌kɛnde gǎkɛ, ɓákiɗianisi nyɔngɔ á ɓɔsɔmɛa bui base, ka ɓeana na moangɔ ndea Mokonga Mɛyɔ, ɓíndɔ ɓáɗundu suɓi á ɓuku á ɓaɔtu-nyɔngɔ ndea Mokonga, áǒteka gea, ɓátɔ̌miɛgɛ ú ka ɓato ékuna bui, ka gea ɓáɓeekeɛ ú, na ɓámɔ́kɛ.

Ɓalɔ́ma 2:1

Cɔ, oɓɛ ímbe ootena nyɔngɔ á ɓakpa ɓunɛngbo akpɛ, nanga oɓá ani, ɓákáúkɛku phɔtɔ tena á nyɔngɔ ínɛkɔ akpɛ nga, ootena nyɔngɔ ndea ɓadakɔ akpɛ n'ɔ phɔtɔ otambea ɓea ɓɔ. Kaɓondɔ, o tɔ otena nyɔngɔ nɛkɔ akpɛ oɓɛ sasakɔ.

Ɓalɔ́ma 2:15

Kaɓondɔ ɓáophangia gea, kema nde ɓáɗundu suɓi ɛ́ɔphi aɔbɛɗanaga ka měma aɓɔ. Ianaga á ka měma aɓɔ aoɗigimisa nyɔngɔ ndɔ na kanisiaɓɔ a phɔtɔ ɔ̌tɔnga gea, mbenɔ nɛngbo ɓági ánjá, mbenɔ nɛngbo ɓági ájeɗe.

1 Ɓakɔlítɔ 1:20

Cɔ, nto á kɔɓɔɔngɛ awani? Ngoisigi-ɛɔphi awani? Nto á úbapha á ka mokonda awani? Mokonga kákěti phɔ́ kɔɓɔɔngɛ ndea ka mokonda nde ka kobóbó?

Ɓakɔlɔsái 1:15

Kiísito ande iii á Mokonga, mmbé ɓánaɔmɔna. Ande ánge, anyɛ́nyi econji bubui.

Ɓakɔlɔsái 2:9

Nga, kema bubui nde a suɓi á Mokonga, aɔnɛkani ka nyama á Kiísito na aiki tɔ bui suɓi akɛ.

1 Timɔtɛ́ɔ 1:17

Cɔ, ka Moamɛ á mɛyɔ, mmbé nnaokuwa, mmbé ɓákáɔmɔna, Mokonga ímbé nna na dakɛ ɓea yɛ, ambe áɓɛ n'obebɔ na ɓoombia ka saga na saga! Áɓɛ ɓó.

1 Timɔtɛ́ɔ 6:16

Yɛ sasakɛ tɔ aámbé kákuwɛeka. Aiki k'owanga nde nkpa nnaɔtɔka n'ambîmisi. Nna na nkpa nde amɔnimbɛmɔnɔ na nna na nkpa nde aɔtɔka n'amɔni. Cɔ, Mokonga áɓɛ na ɓoombia na ɓukpɛkpɛ ka saga na saga, áɓɛ ɓó.

Ɓaɛbulanía 11:27

Ka nyɔngɔ á ɓeekea, Mósa ɗátóki na Mísii kángá á ɓánga esuia ndea moamɛ. Áosuia ú ɓea nkpa nde aɔmɔɔna Mokonga mmbé ɓákáɔmɔɔna n'iso.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.