Ɓalɔ́ma 1:16 - Ɔngana á Kɛ̌kɛ

¹⁶ Cɔ, kéokuwa na soni ka tɔ̌mia Mbino-Ánjá nga, ande ɓukpɛkpɛ nde Mokonga aɔbɛɗaneaga ka amisa nkpa buakɛ mmbé aomɓeekea Yéso. A phɔ́ kǒamisa Ɓayúda, mbusa í, â phɔtɔ ǒamisa ɓunde ɓáná Ɓayúda.

Ɓalɔ́ma 1:16 Iomraidhean Croise

Málikɔ 8:38

Aoɓá nkpa n'aku na soni ka phɔani na ka phɔa ɓɔphɛi nɛmɔ mosá á ɓakpa á k'ɛ́ɓɔkɔti nde, nga ɓánde ɓato á ɓojeɗe na ɓakpa nde ɓán'ye Mokonga, eme Muna-Nkpa nenkuiande phɔtɔ soni esa nde nebikaeka ka ɓoombia ndea Abɛ Mokonga kimoci na ɓamalaéka á kanga ɓojeɗe.»

Lóka 9:26

Aoɓá nkpa n'aku na soni ka phɔani na ka phɔa ɓɔphɛi nɛmɔ, eme Muna-Nkpa, nenkuiande phɔtɔ soni esa nde nebikaeka ka ɓoombia nɛmɔ na nnde á Abɛ, na nnde á ɓamalaéka á kanga ɓojeɗe.

Yoáni 7:35

Ɓayúda ɓâ gǎkɛ ɔyɔngaga sɔsɔɓɛ aɓɔ te: «Nkpa nde agande ɔma sina, ka gea ɓɛ́kɛmɔnɛ? Aoga mɔtɛ á ɓadasu íɓunde ɓáphanjekani ka nji á Ɓagiíki gea, áégoisɛgɛ Ɓagiíki?

Ekuma á ɓateki 3:26

Kaɓondɔ, Mokonga ammesi phɔ́ mbɛɗanigi nɛkɛ Yéso ka phɔanu mosá á ɓato á ekuna nɛngbo, ka nyɔngɔ á bisia anu njaga, gea te, ɓóɓɛ na ngɔwa ka kětia á tambea anu, nkpa moci-moci, ka ɓojeɗe nɛnu.»

Ɓalɔ́ma 10:17

Nga ɓeekea aotóka k'índe nkpa aɔ́ki. Mbino kau aotóka ká ɓɔphɛi ndea Kiísito.

Ɓalɔ́ma 15:19

Nga, mphangiɔ na ketangaɔ ɗanga-ɗanga nde ɗátɔtɔkisi ka njaga ani, ɗáphangi ɓukpɛkpɛ ndea Měma á Mokonga. Na ɓukpɛkpɛ ndɔ tɔ, ɗénetɔ̌migi Mbino-Ánjá ndea Kiísito ɔma bui kpanga ka Yɛusalɛ́ma súa ntanga-nji á ka Ililíkɔ.

Ɓalɔ́ma 15:29

Na neoúba gea ɓî negande mɔtɛ-anu, nebikande Kiísito n'amobisíí njaga phɛɛ.

Ɓalɔ́ma 2:9

Nkpa buakɛ mmbé aogea ɓojeɗe, atambagande na ea á minyɔ. Tambaga ndɔ akpangande phɔ́ ka Ɓayúda, mpɔ áoɓá ka ɓunde ɓáná Ɓayúda.

Ɓalɔ́ma 4:11

Mbusa á wa, ɗáɓángusi ganja. Gúa akɛ ganja áoɓá mphangiɔ ka engekisa ɗoni nde Mokonga ɗántangi nto á koɗoni ka nyɔngɔ á ɓeekea nɛkɛ. Kaɓondɔ unge Abalaámu a ye aba ɓakpa ɓɔbu ɓunde ɓáɓeeki, nanga ɓákágú ganja, ka gea ɓétangɛ phɔtɔ ɓɔ, ɓato á koɗoni.

1 Ɓakɔlítɔ 15:2

Mbino-Ánjá ndɔ, ande phɔtɔ aphe á ɓoamia anu ka měma, aoɓá na ɓodungi ánjá ka měma ɓíndɔ ɗénɔtɔ̌mi. Kaɓɛ na nna ɓó, ámbé ɓeekea nɛnu a tɔ jǎi.

1 Ɓakɔlítɔ 2:2

Ɓî ɗétú sɔsɔɓɛ anu, ɗékékondi gǎkɛ néúbɛ nyɔngɔ nɛngbo na nna tɔndɔ nyɔngɔ á Yéso Kiísito, mmbɔ ɗáɓámowe ka moyangɔ.

1 Ɓakɔlítɔ 2:4

Ɓɔphɛi nɛmɔ na goisaga nɛmɔ, ɗékétú ogea ú ka ɓɔngaga anu na kɔɓɔɔngɛ á kokpa. Ɗé ndiu onógoisaga ka ɓukpɛkpɛ phɛɛ á Měma á Mokonga.

1 Ɓakɔlítɔ 9:12

Cɔ, kaɓɛ ɓakpa ɓuangbo na ɓá na kɔkɔta á tɔá á kema ka njaga anu, ɓesu ɓéké phɔtɔ na kɔkɔta phɛɛ á tɔá á kema ka njaga anu? Cɔ, ɓesu, ɗéɓekébɛɗaneigi kɔkɔta ndɔ, ɓê ndiu oɗeketa kɔkɔta ndɔ ka gea, ɓékéimisiɛ mɔnɔ tútuisa á Nyɔngɔ-Ánjá ndea Kiísito.

1 Ɓakɔlítɔ 9:18

Cɔ, ophendɔ nɛmɔ ande kema sina? Ande tɔ̌miaga á Mbino-Ánjá kángá óphendɔ. Nɛɔtɔmiaga Mbino-Ánjá kángá á mɛma gǎkɛ ka kema nde amokeni ně.

2 Ɓakɔlítɔ 2:12

Cɔ, ka kiɗia ani ka Tɔ́a ka tɔ̌miaga á Mbino-Ánjá ndea Kiísito, ɗɛ́ɔni gea, Mɔkɔta ɗámokoɗei aphe ka bɛɗanaga kó.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

2 Ɓakɔlítɔ 9:13

Ɓǒphangiande ɓakpa base ekuma nɛnu ánjá. Ɓakpa ɓásii ɓánɗɔkɔmisande Mokonga ka nyɔngɔ á ɔ́kapha anu. Nndɔ ungɔ aoɗigimisa ɓeekea nɛnu ka Mbino-Ánjá ndea Kiísito. Ɓámbebande phɔtɔ ka nyɔngɔ á ɓonjánja nɛnu ka égabea ɓɔ nkumba nɛnu na ɓuangbo ɓɔbu.

Ɓagalatía 1:7

Eya, nna na Mbino-Ánjá nɛngbo, a ndiu tɔ na ɓakpa nde ɓáonoyombokisa na kaɓa á gaía Mbino-Ánjá ndea Kiísito.

1 Ɓatɛsalɔníka 2:13

Ɓe phɔtɔ onsega Mokonga esa bui, ka nyɔngɔ nde, ɓî ɗéɓenɔ́tɔ̌migi Mbino-Ánjá ndea Mokonga, ɓɔ́ɔɔ́ka, ɓóoɓeekea gea: «Ande nyɔngɔ á Mokonga. Nna nyɔngɔ á kokpa.» Cɔ, ande ɗoni anu. Nga, nyɔngɔ á Mokonga angí ka mɛngɛ anu, ɓenu ɓaɓêki.

1 Timɔtɛ́ɔ 1:11

Ɓɔphɛi ndɔ a suɓi á Mbino-Ánjá nnde ɗámopi nɛ́tɔ̌miɛgɛ ú, n'atóki ka Mokonga, mɛna-ɓoombia na ɓonjánja.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

2 Timɔtɛ́ɔ 1:16

Ambe Mɔkɔta áɛgeɛ ekombo ndea Ɔnɛsiphɔ́ɔ ɓonjánja nga, ɗáomogbagisaga měma mɔngɔ ásii, kángá á kuwa na soni ɓî ne ka mekakɔ.

2 Timɔtɛ́ɔ 1:8

Cɔ, kokuwɛmbɛ na soni ka ɗigimisa á nyɔngɔ ndea Mɔkɔta nɛsu. Kokuwɛmbɛ phɔtɔ na soni ka phɔani ímbe ne ka mekakɔ ka nyɔngɔ akɛ. Tambaga ndiu na eme kimoci ka nyɔngɔ á Mbino-Ánjá nga, Mokonga aámbé akophi ɓukpɛkpɛ.

Ɓaɛbulanía 4:12

Úbani gea, nyɔngɔ á Mokonga ana ɓukpɛkpɛ, a phɔtɔ ɔtɔka tɔtɔkisa kema ásii. Aophea phɛɛ ɓea ngɔa nde aophea nci gbɔgbɔ. Aongia na tɔngana suɓi á měma asu phɛɛ, áoga ojúa ka ɔngɔkanaga na mɛngɛ, áobisa ú base. Aotena nyɔngɔ á mɔphɛ na kanisia ndea ka měma á nkpa.

1 Pɛ́tɛɛ 4:16

Nkpa a gǎkɛ otambaga ka nyɔngɔ nde ande mokiísito, kakuwɛmbɛ na soni, ámbebɛ ndiu Mokonga ka ɓa akɛ na ina ndɔɔ.