Ɓalɔ́ma 1:13 - Ɔngana á Kɛ̌kɛ

¹³ Ɓaya, nekondi ɓóubɛ gea, mɔngɔ ásii ɗéobisa moangɔ á gǎ mɔtɛ-anu, na ka kesande kɛ́tɔtɔkisimbɛ. Cɔ, nekondi néɗunguɛ phɔtɔ mbuka á ka měma mɔtɛ-anu, ɓíndɔ ne phɔtɔ ogea ka ɓakpa nde ɓáná Ɓayúda.

Ɓalɔ́ma 1:13 Iomraidhean Croise

Yoáni 12:24

Nenóngoɗi ɗoni gea, mbuka á nganɔ a tɔ ojiga sasakɛ ámbé kágumbɛ ka oɗo na phoa. A ye gǎkɛ ogua ka oɗo na phoa, áɔgɔmbisa mbuka ásii.

Yoáni 15:16

Ɓókómɔsɔmbu, eme aámbé nɛnɔsɔmbu ndiu, na néonoteka ka gea, ɓógɛgɔmbisɛ mbuka á ka měma, nnde aoiphia phɛɛ. Kaɓondɔ, Abɛ anóphande kema bui nnde ɓɔmɛmande yɛ k'ína ani.

Yoáni 4:36

Nto á ɗungu a ye tɔ n'ophendɔ nɛkɛ, a phɔtɔ odondanisaga mbó ka nyɔngɔ á enda á mɛyɔ. Cɔ, nkonanigi na nto á ɗungu ɓá tɔ na maseye kimoci.

Ekuma á ɓateki 1:15

K'ésa ndɔ, ɓaɓêki nde ɗáɓádondanigi, ɗáɓátú ɓea ɓakpa mia moci nkama-iɓɛ (120). Mpɔ, Pɛ́tɛɛ áoma sɔsɔɓɛ aɓɔ, áǒgeae:

Ekuma á ɓateki 14:27

Ɓájú ye na Antiɔkía, ɓáǒdondanisa ɓato á kanisa, ɓáǒngoɗea kema bui nde Mokonga ɗági kimoci na ɓɔ, na ɓî Mokonga aekoɗei phɔtɔ ɓakpa nde ɓáná Ɓayúda aphe á ɓeekea á Mokonga.

Ekuma á ɓateki 15:12

Mpɔ, usɛsɛ á ɓakpa ɓɔbu ɓáodakana, phio! Ɓáɔmɔ́kanea Pɔ́lɔ na Baanába ɓî ɓáɔtɔmiaga mphaniɔ na ketangaɔ ndɔ Mokonga ɗátɔtɔkisi ka njaga aɓɔ ka ɔlɔ á ɓato á k'ékuna nɛngbo.

Ekuma á ɓateki 19:21

Mbusa índɔ, Pɔ́lɔ áosuia ka měma akɛ tenisia ka Makɛdɔnía na Akáya ka gea, ájuɛ na Yɛusalɛ́ma. Áɔyɔnga te: «Mbusa á gǎ kó, akeni phɔtɔ négɛ na Lɔ́ma.»

Ekuma á ɓateki 21:19

Pɔ́lɔ áǒsesea, áɔ̌tɔmiaga nyɔngɔ á kema moci-moci nde Mokonga ɗági ka ɓato á k'ékuna nɛngbo k'ékuma nɛkɛ.

Ekuma á ɓateki 28:14

Ka nji ndɔ, ɓéǒdonda ɓadasu ɓaɓêki, ɓáosóɗengemisaga gea, ɓéɗɛ na ɓɔ pɔsɔ moci. Ɓondɔ unge tamba nɛsu á na Lɔ́ma ɗátú.

Ɓalɔ́ma 1:12

Nndɔ ande gea, ɓékpagisanɛgɛni ka ɓeekea nde ɓeně.

Ɓalɔ́ma 11:25

Cɔ, ɓaya, nekondi úbisa anu moangɔ á ɓɔsɔmɛa ndea Mokonga ka gea, ɓóúbɛ gea ɓókó ɓato á kɔɓɔɔngɛ. Nga, Ɓaisilaɛ́li ɓuangbo ɓáikande kángá á ɓeekea. Nndɔ aiphiande na ka ɓî mɔɔmba á ɓakpa ɓunde ɓáná Ɓayúda ɓáamande ka měma.

Ɓalɔ́ma 7:1

Cɔ, ɓaya, ɓoodigimisa nyɔngɔ ɛ́ɔphi nde nɛɔyɔnga na ɓenu íɓunde ɓooúba ɛɔphi ánjá gea te, nkpa a tɔ oɓá kusi á kɔkɔta ɛ́ɔphi mbenɔ nde a phɔ́tɔ koenda.

1 Ɓakɔlítɔ 1:10

Ɓaya, nenóɗengemisigi k'ína á Mɔkɔta nɛsu Yéso Kiísito gea, ɔ́kanani, ɓókokatanɛgɛ mɔnɔ. Ɓáni ndiu na měma mo na kanisia mo na yɔngɛa mo.

1 Ɓakɔlítɔ 10:1

Ɓaya, kékondi gea, ɓóɓoseɛ nyɔngɔ ndee: Ka mbenɔ ndea Mósa, ɓatatasu ɗáɓátambi ɓɔbu kusi égugu, na ɗáɓájabi phɔtɔ ɓɔbu ka oɓenge ánjɛ.

1 Ɓakɔlítɔ 12:1

Ɓaya, ɓɛ́yɔngɛni phɔ́ nyɔngɔ á egabɔ ndea Měma á kanga ɓojeɗe nga, nekondi ɓóengekisɛ ú ánjá.

1 Ɓakɔlítɔ 14:20

Ɓaya, kanisia anu káɓɛ́ mɔnɔ ɓínde á ɓaniki. Ɓáni ɓaniki ka ɓojeɗe, ɓóɓɛ gǎkɛ ɓagbɛga ka kanisia anu.

1 Ɓakɔlítɔ 14:26

Cɔ, ɓaya, négeɛ ɓo? Mbenɔ nde ɓoodondanaga, nkpa moci aɔtɔka n'aembi, moci áɔphɛa, moci áɔɔ́tɔa kema á ɓɔsɔmɛa ndea Mokonga, moci áɔyɔnga ka ɛyɔngi nde nnaoúbukana, moci n'aoketia nyɔngɔ ndɔɔ. Nndɔ bui ágeanɛ ka mɔtisaga á ɓeekea ndea ɓato á ka kanisa.

1 Ɓakɔlítɔ 9:2

Nanga ɓakpa ɓuangbo ɓámoyá gea ké nteki, ka ɓenu gǎkɛ, nende nteki. Nga, ɓenu sasanu, ɓonde mphangiɔ ékuma nɛmɔ á ɓá nteki nde ɓa Mɔkɔta.

2 Ɓakɔlítɔ 1:8

Ɓaya, ɓekondi ɓóúbɛ base gea, ɓî ɗéɓetambigi phɛɛ ka nji á ka Asía, ɓoɗoko í ɗásɔnyɛ́nyɛi, ɓéoúba te, ɓékéendɛku ye.

2 Ɓakɔlítɔ 2:14

Cɔ, ɓémbebɛni Mokonga nga, ka jukanisa asu na Kiísito aunge ɓena ɓukpɛkpɛ á kinda esa bui. Aosóbɛɗaneaga ka ɛmbisa á nyɔngɔ nɛkɛ ka nji bui ɓea su á nkoki nnde aɔɛmba ɔma bui.

Ɓagalatía 3:15

Ɓaya, neokengisia ɔnisa anu kema moci ka enda asu á esa bui. Aoɓá nkpa n'aɓɔngisigi ánjá mɔkɔ á mosá á kuwa, nna na nkpa nde aɔtɔka n'aɓúni mɔkɔ ndɔ kaɓɛ yamea ka kema gǔ í.

Ɓagalatía 6:18

Cɔ, ɓaya, ambe ɓonjánja-ékondi ndea Mɔkɔta nɛsu Yéso Kiísito áɓɛ na ɓenu ɓɔbu. Áɓɛ ɓó!

Ɓaphilípi 1:22

A gǎkɛ oɓá na ne phɔ́tɔ oenda, na nɛɔtɔka tɔtɔkisa á ekuma ánjá, cɔ, kéoúba kau sina nde nɛɔsɔmbɔa.

Ɓaphilípi 4:17

Nna gea te, neokáɓa ɛkɔmi. Ne ndiu tɔ okáɓa ɓikisa á ɓokambia nɛnu.

Ɓakɔlɔsái 1:10

Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

Ɓakɔlɔsái 1:6

Mbino-Ánjá ndɔ, aɛmbi mokonda bui, áɔgɔmbisa mbuka. A tɔ ɓíndɔ Mbino-Ánjá ndɔ, ɗági sɔsɔɓɛ anu kpanga á esa ndɔ ɗɔ́ɓɔɔ́ki k'ama mosá-mosá mbino á ɓonjánja-ékondi ndea Mokonga na úba gea ande á ɗoni.

1 Ɓatɛsalɔníka 2:18

Eya, eme Pɔ́lɔ, netókondi mɔngɔ ásii gǎ á ɔna anu, kimoci na ɓadani. Sɛtáni â gǎkɛ osóɗakea aphe.

1 Ɓatɛsalɔníka 4:13

Ɓaya, ɓekondi gea, ɓóengekisɛ ɗoni nyɔngɔ á ɓakpa nde ɗáɓásí. Ande gea, ɓókoɓɛ mɔnɔ na ɓɔmbɛ ɓea ɓakpa na ɓáná na nseɓeɔ.

2 Ɓatɛsalɔníka 2:7

Nga, ɓukpɛkpɛ nɛkɛ á ɓɔsɔmɛa a ye ɔbɛɗanaga. A gǎkɛ oɓá kema nde áonimisia kɛ̌kɛnde na ka ye ɓei, mpɔ áɔbɛɗanaga base.

2 Timɔtɛ́ɔ 4:17

Mɔkɔta ndiu aámbé ɗámoengi na áomopa ɓukpɛkpɛ ka gea te, nɛ́tɔmiɛ Mbino-Ánjá nɛkɛ phɛɛ ka gea, ɓakpa nde ɓáná Ɓayúda ɓáɔ́kɛ. Yɛ ɗámoamisi k'aphenɔkɔ á simba.