Ɓalɔ́ma 1:11 - Ɔngana á Kɛ̌kɛ

¹¹ Eya, nena mɔphɛ phɛɛ áɔna anu ka gea, nénophɛ ebigɔ á ka měma ka kpagisaga měma anu.

Ɓalɔ́ma 1:11 Iomraidhean Croise

Ekuma á ɓateki 16:5

Měma á ɓato á ka kanisa áoɓá na ɓukpɛkpɛ ka ɓeekea. Esa bui, ɓaɓêki ɓáǒyamea.

Ekuma á ɓateki 19:21

Mbusa índɔ, Pɔ́lɔ áosuia ka měma akɛ tenisia ka Makɛdɔnía na Akáya ka gea, ájuɛ na Yɛusalɛ́ma. Áɔyɔnga te: «Mbusa á gǎ kó, akeni phɔtɔ négɛ na Lɔ́ma.»

Ekuma á ɓateki 19:6

Mpɔ, Pɔ́lɔ áobisa njaga gǔ á ɓɔ, Měma á kanga ɓojeɗe áodida gǔ á ɓɔ, ɓáokpanga yɔnga k'ɛyɔngi ɗanga-ɗanga na ɔtɔa á nyɔngɔ.

Ɓalɔ́ma 1:12

Nndɔ ande gea, ɓékpagisanɛgɛni ka ɓeekea nde ɓeně.

Ɓalɔ́ma 15:23

Cɔ, kɛ̌kɛnde nɛgɔɓi ye ekuma nɛmɔ ka nji ndɔ na ka nyɔngɔ índɔ unge mɔphɛ ani suɓi á ɓasaga ásii amɔ̂ á gǎ mɔtɛ-anu.

Ɓalɔ́ma 15:29

Na neoúba gea ɓî negande mɔtɛ-anu, nebikande Kiísito n'amobisíí njaga phɛɛ.

Ɓalɔ́ma 15:32

Kaɓondɔ, nekiɗiande mɔtɛ-anu na netúmi na maseye, ka mɔphɛ ndea Mokonga na úmbia kimoci na ɓenu.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

2 Ɓakɔlítɔ 1:15

Cɔ, ɓî a ɓó, ɗéangi júa ani mɔtɛ-anu goto ka gea te, ɓóɓɛ na ngɔwa á dondana ani na ɓenu mɔngɔ iɓɛ.

2 Ɓakɔlítɔ 1:21

Mokonga sasakɛ aámbé ɗásógbagisigi kimoci na ɓenu ka Kiísito. Mokonga sasakɛ aámbé ɗásɔ́sɔmbu.

2 Ɓakɔlítɔ 11:4

Nndɔ atókani ka ɔna ɓî ɓomɓeeki nkpa buakɛ mmbé abiki mɔtɛ-anu na tɔ̌mia anu mbino á Yéso ɓaangbo, mmbé atingani na mmbé ɗéɓenɔtɔ̌mi mbino akɛ. Á bǎ í, ɓokamisigi ɓeekea á měma nɛngbo na mbino nɛngbo nde atingani na Měma á Mokonga na Mbino ánjá nde ɗɔ́ɓɔtɔi mɔtɛ-asu.

2 Ɓakɔlítɔ 9:14

Ka nyɔngɔ ékondi ásii, aunge ɓakpa ndɔ ɓámɛmande Mokonga ka phɔanu ka nyɔngɔ á ɓonjánja-ékondi ndea Mokonga ka ɓenu.

Ɓaphilípi 1:8

Mokonga ande nɗigimisi nɛmɔ, nenókondi phɛɛ n'ekondi ndea Kiísito Yéso.

Ɓaphilípi 2:26

Cɔ, ɓî ɗáseɓei phɛɛ gǎ ɔna anu goto ɓenu ɓɔbu, ɗá gǎkɛ oiyanaga phɛɛ ka nyɔngɔ nde, ɗɔɓɔɔ́ki gea, ɗátú osamba.

Ɓaphilípi 4:1

Ɓadani ékondi, ne goto na siki á ɔna anu phɛɛ. Nena maseye ka phɔanu na ka nyɔngɔ anu unge néǒbeba. Ɓadani ékondi, ɓî a ɓó, mamani akpɛ ɓî ɓo kimoci na Mɔkɔta.

1 Ɓatɛsalɔníka 3:13

Mɔkɔta anóphi ekondi ndɔ, ka mɔtisaga á měma anu gea te, ɓóɓɛ na měma ánjá phɛɛ, kángá kisɛki, mosá á Abasu Mokonga. Aɓáeka tɔ ɓó, k'ésa ndɔ Mɔkɔta nɛsu Yéso Kiísito abikaeka kimoci na ɓato á kanga ɓojeɗe nɛkɛ. Áɓɛ ɓó!

1 Ɓatɛsalɔníka 3:2

ɓéonótekisia Timɔtɛ́ɔ k'aphe á gbagisa anu ka měma na phɛá anu gea te, ɓɔ́mɔtɛ ka ɓeekea á Mokonga. Yɛ ande dasu mbɛɗanigi ékuma ndea Mokonga. A phɔtɔ ɔɛmbisa Mbino-Ánjá ndea Kiísito.

2 Ɓatɛsalɔníka 2:17

ánóphɛ ɓukpɛkpɛ, na mamisa anu akpɛ esa bui k'ékuma ánjá, nanga á ɓá kaɓɛɗanaga, nanga á ɓá ka yɔnga.

2 Ɓatɛsalɔníka 3:3

Mɔkɔta a tɔ ɔtɔtɔkisa nnde ɗáyɔngi. Anógbagisande ka měma, anóambande na Nketi.

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.

1 Pɛ́tɛɛ 5:12

Síla, ɗámoengi ka ɗundua á ɓaoɓa ángbí ndee. K'éme, ande mɓêki ímbe ɓa á ɗoni. Ɗénóɗundui ú ka gbagisaga anu na engekisa anu gea ɓonjánja-ékondi ndea Mokonga nnde ande á ɗoni ɓókoɗeketɛmbɛ.

2 Pɛ́tɛɛ 1:12

Ka nyɔngɔ índɔ unge nekondi kanisia anu nyɔngɔ ndɔ esa bui, nanga ɓo ye oúba, na kakamana ka nyɔngɔ á ɗoni nde ɗáɓánɔtɔ̌mi.