Ɓalɔ́ma 1:1 - Ɔngana á Kɛ̌kɛ

¹ Ka ɓaɓêki ndea ka Lɔ́ma, sambani. Cɔ, eme Pɔ́lɔ mbɛɗanigi ndea Kiísito Yéso aámbé neɗundu ɓaoɓa ndee. Mokonga ɗámɔɔphani ka gea néɓɛ nteki, ɗámɔsɔmbu ka tɔ̌miaga Mbino-Ánjá nɛkɛ.

Ɓalɔ́ma 1:1 Iomraidhean Croise

Málikɔ 1:14

Esa moci Yéso áoga na Galiláya ka mbenɔ nde ɗáɓándungisi Yoáni. Áɔtɔmia Mbino-Ánjá ndea Mokonga.

Yoáni 12:26

Kaɓɛ nkpa n'akondi bɛɗaneagani ambe ámoɓeɛ. Ɔma nde ne ɓei, aunge mbɛɗanigi nɛmɔ aɓande phɔtɔ. Abɛ anɗokomisande mmbé aɔmɔbɛɗaneaga.

Yoáni 15:15

Ne ye tɔ ɔnɔɔphana ɓadani nga, nenóphangigi kema bui nde Abɛ ɗámongoɗi. Kaɓondɔ unge, ké ye ɔnɔɔphana ɓakɔɓɛ nga, nkɔɓɛ nnaoúba kema nde mɔkɔta nɛkɛ aogea.

Yoáni 15:20

Kanisiani phɔ́ nyɔngɔ nde ɗénóngoɗi gea: ‹Nna na mbɛɗanigi nde, ana ɓoombia kɔnyɛ́nya mɔkɔta nɛkɛ.› Ɓî ɓámotambisigi, ɓánotambisagande phɔtɔ ɓó. Atúoɓá na ɓáambi nyɔngɔ nɛmɔ, ámbé ɓáambande phɔtɔ nɛnu.

Ekuma á ɓateki 13:9

Wandɔ, Saúlɔ, (mmbé ɓáɔmɔphana Pɔ́lɔ), áotúma na Měma á kanga ɓojeɗe, áontúmia Ɛlɛ́ma n'íso,

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

Ekuma á ɓateki 21:40

Mɔkɔta áoɓeekea. Pɔ́lɔ áoma k'ɔ́ma á ɗapha, áomesia njaga akɛ ka dakanisa á ɓakpa, ɓáɔphɔnga. Aokpanga yɔnga na ɓɔ ka Kiɛbulanía.

Ekuma á ɓateki 22:21

Mpɔ Mɔkɔta áomogea: ‹Gǎ tɔ nga, eme, nekotekande ɗanga ka ɓakpa nde ɓáná Ɓayúda.›»

Ekuma á ɓateki 22:7

Néogua ka oɗo, nɛ́ɔɔ́ka ɛsɔ n'aomogea te: ‹Saúlɔ, Saúlɔ! Nyɔngɔ sina nde oomotambisaga kau?›

Ekuma á ɓateki 26:1

Agiípa áongoɗea Pɔ́lɔ te: «Ɓeososi ye tɔ ɔ́yɔngɛ nyɔngɔ nɛkɔ.» Mpɔ, Pɔ́lɔ áomesa njaga akɛ, áokpanga ɛ́yɔngɛa ɓe:

Ekuma á ɓateki 26:14

Ɓesu ɓɔbu ɓéogua ka oɗo, nɛ́ɔɔ́ka ɛsɔ n'aomongoɗea ka Kiɛbulanía te: ‹Saúlɔ, Saúlɔ, ekende ona mɔ̌ akpɛ ɓea ngɔmbɛ nde nnaotea gbutu á nambi akɛ?›

Ekuma á ɓateki 27:23

Kǐpha á kesande, malaéka ndea Mokonga mmbé nende nkpa nɛkɛ phɔtɔ nɛɔmbɛɗaneaga, amokiɗianei,

Ekuma á ɓateki 9:15

Mɔkɔta â gǎkɛ ongoɗea te: «Gǎ tɔndɔ nga, nɛnsɔmbu ye nkpa ndɔɔ. Nɛmɔphani, áɓɛ mbɛɗanigi nɛmɔ ka úbisa ina ani k'ékuna bui na ɓaamɛ nɛɓɔ, na Ɓaisilaɛ́li phɔtɔ.

Ɓalɔ́ma 1:16

Cɔ, kéokuwa na soni ka tɔ̌mia Mbino-Ánjá nga, ande ɓukpɛkpɛ nde Mokonga aɔbɛɗaneaga ka amisa nkpa buakɛ mmbé aomɓeekea Yéso. A phɔ́ kǒamisa Ɓayúda, mbusa í, â phɔtɔ ǒamisa ɓunde ɓáná Ɓayúda.

Ɓalɔ́ma 1:5

Ka nyɔngɔ á Yéso unge Mokonga ɗámopi ɓonjánja-ékondi na ekuma á ɓá nteki, ka úbisa á ɓato á ekuna bui gea te, ka ina akɛ ɓámɓeekeɛ na ɓámɓangɛ.

Ɓalɔ́ma 1:9

Cɔ, Mokonga mmbé nɛɔmbɛɗaneaga na měma ani bui ka tɔ̌miaga Mbino-Ánjá ndea Anakɛ, aoúba gea nnde nɛɔyɔnga ande ɗoni. Yɛ, aoúba gea neonókanisia esa bui.

Ɓalɔ́ma 11:13

Neonóngoɗea ɓenu íɓundɔ ɓókó Ɓayúda gea: Nende nteki nɛnu. Ɓî a ɓó, nena maseye k'ékuma nɛmɔ.

Ɓalɔ́ma 15:16

ka ɓá mbɛɗanigi ndea Yéso Kiísito ka phɔa ɓakpa ɓunde ɓáná Ɓayúda. Nɛɔbɛɗanaga ekuma á ntoɓeigi-phɛ́a ka tɔ̌miaga Mbino-Ánjá ndea Mokonga ka gea, ɓunde ɓáná Ɓayúda ɓáɓɛ ɓea ɛkɔmi nde Měma á kanga ɓojeɗe asokosei.

Ɓalɔ́ma 15:29

Na neoúba gea ɓî negande mɔtɛ-anu, nebikande Kiísito n'amobisíí njaga phɛɛ.

Ɓalɔ́ma 16:18

Nga, ɓakpa ɓea ɓundɔ, ɓánáombɛɗaneaga Mɔkɔta nɛsu Kiísito, ɓá ndiu tɔ ɔbɛɗaneaga sɔphɔ aɓɔ! Goto, ɓáǒdema ɓakpa jǎi-jǎi ka ɓɔnga aɓɔ na yɔnga ékondisaga nde ɓáɔɓɔngisiaga.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

1 Ɓakɔlítɔ 1:1

Ka ɓato á kanisa ndea Mokonga, nnde á ka Kɔlítɔ, sambani. Eme Nteki Pɔ́lɔ aámbé nenóɗundui ɓaoɓa ndee. Yéso Kiísito aámbé ɗámɔɔphani ɓíndɔ Mokonga ɗákondi. Muna-amasu Sɔsitɛ́ni anósambei phɔtɔ. Kiísito ɗánɔɔphani ka gea, ɓóɓɛ ɓakpa nɛkɛ. Ɓo goto tɔ k'ékombo nde ɓáɔmɛma Mɔkɔta nɛsu Kiísito Yéso k'ɔ́ma bui. Yɛ ande Mɔkɔta nɛsu na Mɔkɔta ndea ɓaɓêki ɓɔbu.

1 Ɓakɔlítɔ 9:1

Cɔ, kéna kɔkɔta á gea á kema nde nekondi ee? Ké nteki ee? Eme, ɗékémɔni Yéso, Mɔkɔta nɛsu ee? Ɓókó ɓaniki ékuma nɛmɔ suɓi á Mɔkɔta ee?

2 Ɓakɔlítɔ 1:1

Ka ɓato á kanisa ndea Mokonga, ɓunde ɓá ka Kɔlítɔ, na ka ɓaɓêki ɓɔbu á ka Akáya, sambani! Eme nteki Pɔ́lɔ aámbé neɗundu ɓaoɓa nde kimoci na Timɔtɛ́ɔ. Nende nteki nde ɓa Kiísito Yéso ka nyɔngɔ á mɔphɛ á Mokonga.

2 Ɓakɔlítɔ 11:5

Cɔ, neokanisia te, ɓateki ndɔ ɓǒseɓei, ɓákámɔnyɛ́nyi gǎkɛ ka kema.

2 Ɓakɔlítɔ 11:7

Mbenɔ nde ɗɛ́nɔtɔmigi Mbino-Ánjá ndea Mokonga k'écici, néǒdidisa ka ɗokomisa anu. Cɔ, ɗégi ájeɗe?

2 Ɓakɔlítɔ 12:11

Eme Pɔ́lɔ nɛɔyɔnga ɓea mbóbó nga, ɓenu Ɓakɔlítɔ ɓáunge ɓomososei nndɔ. Nanga ɓî kéna kantíti mosá anu, atókeni ɓenu ɓáunge ɓómoɗokomisɛ. Ɓateki nɛnu ɓundɔ ɓǒseɓei, ɓákámɔnyɛ́nyi gǎkɛ ka kema.

2 Ɓakɔlítɔ 2:12

Cɔ, ka kiɗia ani ka Tɔ́a ka tɔ̌miaga á Mbino-Ánjá ndea Kiísito, ɗɛ́ɔni gea, Mɔkɔta ɗámokoɗei aphe ka bɛɗanaga kó.

2 Ɓakɔlítɔ 4:5

Kaɓondɔ, ɓékéɔtɔmiaga nyɔngɔ nɛsu sasasu. Ɓe ndiu ɔphɛa gea, Yéso Kiísito ande Mɔkɔta. Ɓesu gǎkɛ, ɓende ɓabɛɗanigi nɛnu ka nyɔngɔ akɛ.

Ɓagalatía 1:1

Ka ɓaɓêki á ka Galatía sambani! Eme Pɔ́lɔ aámbé neɗundu ɓaoɓa ndee. Nende nteki, nna ka mɔphɛ á ɓakpa na nna nkpa aámbé amoɓǒtei. Yéso Kiísito na Abakɛ Mokonga mmbé ɗánjujúkisi ka ɔlɔ á ɓasí aámbé amoteki.

Ɓaɛphɛ́sɔ 1:1

Ka ɓaɓêki á ka Ɛphɛ́sɔ sambani! Eme Pɔ́lɔ nende nteki nde ɓa Kiísito Yéso ka mɔphɛ á Mokonga. Nenóɗundui ɓenu ɓato á Mokonga ka Ɛphɛ́sɔ ɓunde ɓoɓeeki suɓi á ɔngana na Yéso Kiísito.

Ɓaɛphɛ́sɔ 1:13

Ɓenu phɔtɔ, mbenɔ nde ɗɔ́ɓɔɔ́ki ɓɔphɛi á ɗoni, Mbino-Ánjá á amisa anu ka měma, ɗóɓomɓeeki Kiísito, mpɔ Mokonga áobisa mphangiɔ ka gea te, ɓéɓɛ ɓakpa nɛkɛ. Mphangiɔ kau n'ande Měma á kanga ɓojeɗe nde ɗáɔku.

Ɓaɛphɛ́sɔ 4:11

Cɔ, yɛ aámbé amophi nkpa na nkpa egabɔ ínɛkɛ. Aebisi ɓuangbo ɓáɓɛ ɓateki, ɓuangbo ɓaɔtu-nyɔngɔ ndea Mokonga, ɓuangbo ɓatɔmigi-Mbino-Ánjá ndea Mokonga, ɓuangbo ɓaámbi-kanisa na ɓagoisigi.

Ɓaphilípi 1:1

Ka ɓaɓêki ɓɔbu ɓunde ɓá suɓi á Kiísito Yéso ka ntanga-nji á ka Philípi, ka ɓaámbi-kanisa na ɓaámbi-nkumba á kanisa, sambani! Eme Pɔ́lɔ na Timɔtɛ́ɔ, ɓabɛɗanigi ndea Yéso Kiísito, ɓesu ɓáunge ɓeɗundu ɓaoɓa ndee.

Ɓaphilípi 2:11

Mpɔ, nkpa buakɛ áɔtɔmiaga base gea, Yéso Kiísito ande Mɔkɔta, ka ɓoombia ndea Abɛ Mokonga.

Ɓakɔlɔsái 1:1

Ka ɓaɓêki á ka Kɔlɔsái, sambani! Eme Pɔ́lɔ nteki nde ɓa Kiísito Yéso ka mɔphɛ ndea Mokonga aámbé neɗundu ɓaoɓa ndee kimoci na dasu Timɔtɛ́ɔ.

Ɓakɔlɔsái 1:25

Eme ne ye tɔ mbɛɗanigi á kanisa ɓíndɔ Mokonga ɗámopi gea, nɛ́bɛɗanɛgɛ ka nyɔngɔ anu. Ekuma ndɔ ande tɔ̌miaga á nyɔngɔ nɛkɛ bubui.

1 Ɓatɛsalɔníka 2:2

Ɓoúbi phɔtɔ gea, mosá á kiɗia asu mɔtɛ-anu, ɗáɓásótambisigi phɔ́ na bóma asu ka Philípi. Mɔtɛ-anu phɔtɔ, Mokonga ɗásóphi ɓukpɛkpɛ á phɛá á Mbino-Ánjá nɛkɛ. Ɗéɓegi ɓó, nanga ɓî ɗáɓásóyé.

1 Ɓatɛsalɔníka 2:8

Nga, ɗéɓetú na siki anu phɛɛ. Kaɓondɔ unge, ɗéɓenɔ́tɔ̌migi Mbino-Ánjá ndea Mokonga. Nna tɔndɔ nndɔ, ɓê phɔtɔ oɓá na mɔphɛ á kuia anu. Eya, ɗéɓenókondi phɛɛ.

1 Ɓatɛsalɔníka 2:9

Ɓaya, ɓoúba ɓî ɗéɓeɔbɛɗanaga akpɛ phɛɛ mɔtɛ-anu, keiphe n'esa gea te, ɓékénóɗokomaneɛ mɔnɔ, mbenɔ nde ɗéɓeɔ́nɔtɔmiaga Mbino-Ánjá ndea Mokonga.

1 Timɔtɛ́ɔ 1:1

Ka Timɔtɛ́ɔ miki nɛmɔ á ɗoni suɓi á ɓeekea samba. Eme Pɔ́lɔ nteki nde ɓa Yéso Kiísito, ka kɔkɔta ndea Mokonga Namisi nɛsu, n'índe á Yéso Kiísito mmbé ɓenseɓei, eme aámbé nekoɗundui ɓaoɓa ndee. Ambe Abɛ Mokonga na Mɔkɔta nɛsu Yéso Kiísito ákophɛ ɓonjánja-ékondi, áokuiɛ ngomi na ákophɛ ɓujɛjɛ.

1 Timɔtɛ́ɔ 2:7

Ka nyɔngɔ índɔ unge Mokonga ɗámobisi ntɔmigi-mbino na nteki, ka goisaga ɓunde ɓáná Ɓayúda nyɔngɔ á ɓeekea na ɗoni. Kɛ́ɔyɔnga mbɛa, ne tɔ ɔyɔnga ɗoni.

2 Timɔtɛ́ɔ 1:11

Ka nyɔngɔ á Mbino-Ánjá nɛkɛ ndɔ unge, Mokonga ɗámobisi, néɓɛ ntɔnganisi Mbino-Ánjá, nteki na ngoisigi.

Títɔ 1:1

Títɔ, samba! Eme Pɔ́lɔ, mbɛɗanigi nde ɓa Mokonga na nteki nde ɓa Yéso Kiísito aámbé neɗundu ɓaoɓa ndee. Mokonga ɗámoteki ka gea, ɓakpa nde yɛ ɗáɛsɔmbu ɓámɓeekeɛ na úbisa aɓɔ ɗoni nde akeni ka kanisa nɛsu.

Ɓaɛbulanía 5:4

Nna na nkpa nde aɔtɔka n'abɛɗi ɓokutú ndɔ ka yɛ sasakɛ. Mokonga tɔndɔ aámbé aɔmɔphana nkpa, ɓíndɔ ɗámɔphani Alɔ́ni.

Ɓaɛbulanía 7:26

Eya! Yéso ande ngbɛga á ɓatoɓeigi-phɛ́a mmbé akeni ɗoni ka ɓesu. Ande mɛna-ɓonjánja phɛɛ, kángá kisɛki, kángá ɓɔjɔɔkiɔ. Ɗátingani phɛɛ na ɓato á ɓojeɗe, Mokonga ɗámophi ɓokutú phɛɛ kɔnyɛ́nya kema bui á na koba.

Yakɔ́ɓɔ 1:1

Eme Yakɔ́ɓɔ mbɛɗanigi ndea Mokonga na Mɔkɔta Yéso Kiísito nenósambei. Nenóɗundui ɓenu ɓato á k'ékuna nkama na iɓɛ (12) ɓunde ɓophanjekani ka mokonda.

1 Pɛ́tɛɛ 4:17

Cɔ, mbenɔ á tena nyɔngɔ a bîmani. Aoɓá tena á nyɔngɔ n'akpangi ka ɓesu ɓato á Mokonga, sungiaga í aɓande ɓoni ka ɓunde ɓáoyá ɓeekea á Mbino-Ánjá ndea Mokonga?

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

Yúda 1:1

Eme Yúda nende muna-amakɛ na Yakɔ́ɓɔ, nende mbɛɗanigi nde ɓa Yéso Kiísito. Nenóɗundui ɓenu íɓunde Abɛ Mokonga anɔɔphani, áonókonda na amba anu ka phɔa Yéso Kíisito.

Mphaniɔ 1:1

Ɓuku nde ana mphaniɔ nde Mokonga ɗámophi Yéso Kiísito ka gea, áúbisɛ ka ɓabɛɗanigi nɛkɛ kema nde ambe átɔtɔkɛanɛ kángá iphia. Cɔ, Kiísito ɗánteki malaéka nɛkɛ ka úbisa á mbɛɗanigi nɛkɛ Yoáni nyɔngɔ ndɔɔ.

Mphaniɔ 22:6

Mpɔ malaéka áomongoɗea te: «Nyɔngɔ nde ande á seɓea í nga, ande ɗoni. Mɔkɔta Mokonga mmbé Měma akɛ ɗáɔ̌sɔndɔɛa ɓaɔtu-nyɔngɔ nɛkɛ, yɛ aámbé anteki malaéka nɛkɛ gea, ágɛ áephangiɛgɛ ɓabɛɗanigi nɛkɛ nyɔngɔ nde aobika kɛ̌kɛnde.»

Mphaniɔ 22:9

Yɛ, â gǎkɛ omongoɗea te: «Caa! Kógeɛmbɛ ɓó! Nga, eme nende mbɛɗanigi ɓea ɔɓɛ, ɓea ɓadakɔ ɓaɔtu-nyɔngɔ ndea Mokonga na ɓea ɓɔbu ɓunde ɓáotétemisa nyɔngɔ nde a suɓi á ɓuku ndee. Mokonga ndiu aámbé ómbebɛ.»