Mphaniɔ 9:21 - Ɔngana á Kɛ̌kɛ

²¹ Ɗáɓákáɗeketi phɔtɔ mowanaga, eemba, otungɔ na kuɓa.

Mphaniɔ 9:21 Iomraidhean Croise

Matáyɔ 15:19

Nga, suɓi á měma á nkpa, aunge aotóka: kanisia ájeɗe, mowanaga á ɓakpa, gúa n'etoa, mambɔ, kuɓa, gamá á nkpa ka nyɔngɔ á mbɛa, mbóma.

2 Ɓakɔlítɔ 12:21

Ne phɔtɔ oɓánga gea, ɓî nejúande goto mɔtɛ-anu, Mokonga kamokusɛmbɛ na soni mosá anu. Nga, něgámeande ɓakpa ɓásii ɓunde ɓákáɗeketimbɛ ɓojeɗe nɛɓɔ á kala na kětia tambea aɓɔ ka nyɔngɔ á ɓɔjɔɔkiɔ, otungɔ, mambɔ na ɓojeɗe nde ɓáogea.

Ɓagalatía 5:20

ɗokomisa á ɓamokonga á mbɛa na eemba, ngíní, sani, nsengo, esúia, kuma, katanaga ka ketoto.

Mphaniɔ 13:13

Nyama ndɔ ɓa ko ɓaɓɛ áɔtɔtɔkisa mphangiɔ á ketangaɔ. Aɔkisisa nsa ka toka na koba ka mokonda k'íso á ɓakpa ɓɔbu.

Mphaniɔ 13:15

Mpɔ nyama angbóngbó ndɔ ɓa ko ɓaɓɛ, ɓáomopha kɔkɔta á ophia mpophɛ akɛ suɓi á tɔnkɛngɛ á nyama ndɔ ɓa k'ama mosá-mosá ka gea te, áyɔngɛ na kusisa á ɓunde ɗáɓákáombeba.

Mphaniɔ 13:7

Ɗáɓánsosei nyama ndɔ gea te, áemanisɛ ɓato á Mokonga na kínda aɓɔ. Áɔtɔa ɓukpɛkpɛ gǔ ékuna bui, ɓakpa ɓɔbu, etéte á ɛyɔngi bui na nji bui á ka mokonda.

Mphaniɔ 14:8

Mpɔ malaéka ɓa ko ɓaɓɛ áomɓea mbusa, áogea: «Nji ángbó nde ɓáɔɔphana Babilɔ́ni agú, áosikia gúá! Ɗáenusi ɓato á ka mokonda bui makana á káe, á mambɔ nɛkɛ.»

Mphaniɔ 16:6

Ɓakpa ɗáɓáɗǔkisi magia á ɓakpa nɛkɔ na nnde á ɓaɔtu-nyɔngɔ nɛkɔ. Ɗóɓophi magia ka gea, ɓánoɛ ú. Ɓátɔi nnde akenani na ɓɔ.»

Mphaniɔ 17:2

Ɓaamɛ á ka mokonda ɗáɓánɗege ně na ɓato á ka mokonda, ɓáonoa makana á komusɔngɔ nɛkɛ áɔ̌bɛɗa.»

Mphaniɔ 17:4

Nke ndɔ ɗáɔ́li bɔngɔ á koɓoamɛ, n'atáni tɔ boo! N'ana esombi akpɛ. Â phɔtɔ ɔ̌tɔnda na láté, nsángá, n'ɛ́tɛ ésombi akpɛ. Ɗábɛɗi cǎ á láté, n'atúmi na ɓosoɛ á ɓɔjɔɔkiɔ á mambɔ nɛkɛ.

Mphaniɔ 17:5

Ka keongi akɛ, ɗáɓáɗundu nyɔngɔ á ɓɔsɔmɛa ɓe: «Mokongo á Babɛ́li, ama-ɓato á mambɔ na ɓosoɛ á ka mokonda.»

Mphaniɔ 18:3

Nga, ɓato á ka mokonda bui ɗáɓánu makana akae á mambɔ nɛkɛ. Ɓaamɛ ɓɔbu á ka mokonda ɗáɓánɗege ně na ɓasombisigi nkumba á ka mokonda ɗáɓáegani ka nyɔngɔ á ɛtɔi nɛkɛ ásii.»

Mphaniɔ 19:2

Aotena nyɔngɔ ka koɗoni kángá oɓayɔ. Atenima nyɔngɔ á nke á iɛɓɛ akpɛ mmbé ɗátoɓu mokonda na iɛɓɛ nɛkɛ. Áogisia nyɔngɔ á magia á ɓabɛɗanigi nɛkɛ ka nke ndɔɔ.»

Mphaniɔ 21:8

Ka ɓato á kɔɓɔɓɔkɔ, ɓato á kanga ɓeekea, ɓato á jɔɔkana, ɓato á kaiso, ɓato á iɛɓɛ, ɓato á ɓiji-ɓiji, ɓato á gbukaga muanku aɓɔ mosá á tɔnkɛngɛ na ɓato á mbɛa gǎkɛ ɔma nɛɓɔ ande k'ɛɛmbɛ á nsa n'ande kukuwa á mongɔ á ko iɓɛ.»

Mphaniɔ 22:15

Ɓunde ɓájigande gǎkɛ ka nsɛngɛ ɓáungee: Ɓambwa, ɓakume, ɓato á jɔɔkana, ɓato á kaiso, ɓato á gbukiaga tɔnkɛngɛ muanku na ɓato á yɔnga á mbɛa na konda í.

Mphaniɔ 9:20

Cɔ, ɓakpa nde ɗáɓákáku ka nyɔngɔ á tambaga ndɔ, ɗáɓákáɗeketi gǎkɛ ɗokomisa á ɓansombo, na ɗokomisa á ɓamokonga á mbɛa nnde ɓáɓɔngisigi ɓɔ sasaɓɔ na láté, ngɔa, nsoɓe, ɛtɛ, na me, nnde nnaɔɔnapha, nnaɔɔ́kapha, nnaotamba.